Müəllif hüququ

© WWW : Kelam Jurnalı
Bütün hüquqları qorunur. Məlumatlardan istifadə etdikdə agentliyiə istinad mütləqdir.

Məqələnən adı , Yerləşdirilib

Xəbərlər » Xəbərlər » M.Ələsgərli: “KİV-in peşəkarlığında ənənəvi problemlər var”
15.09.10 17:39

Seçkilər prosesində KİV-in peşəkarlığı ilə bağlı Azərbaycanda ənənəvi olan problemlər var. Bu fikirləri Beynəlxalq Mətbuat Klubunun keçirdiyi sorğuya cavabında Mətbuat Şurasının sədr müavini, Jurnalistlərin Həmkarlar İttifaqının (JuHİ) sədri Müşviq Ələsgərli bildirib. Məlumatı KƏLAMİNFO-ya BMK-dan veriblər.O, izah edir ki, seçkilər özlüyündə siyasi prosesləri aktivləşdirən hadisədir və mətbuatda da problemlər bu aktivlik zamanı ortaya çıxır. “Artıq bu vəziyyətlərdə bizdə ənənəvi olan problemləri iki-üç qrupa bölmək olar. Bunlardan biri elə mediada “qara piarı”ın artması məsələsidir. Yəni, təbii olaraq siyasi nativi olan şəxslər rəqib tərəfi gözdən salmaq üçün etdikləri cəhd əksər zamanlarda bir sıra mətbu səhifələrdə yer tutur. Bunun nə dərəcədə siyasi mədəniyyətə düz gəlib-gəlmədiyi ayrı mövzudur, amma şərt odur ki, bu hal artıq Azərbaycan üçün xarakterikdir. Əslində bu media və jurnalistlərə öz perspektivləri üçün şərəf gətirməyən haldır. Mətbuat Şurası (MŞ) da bu istiqamətdə apardığı məlum monitorinqin nəticələrinə uyğun həyacan siqnalı çalıb. Bu hazırkı seçkiqabağı dövrdə bir sıra media vasitələrində “qara piar”ın artması ilə bağlıdır. Lakin, bu ilki vəziyyət ötən ilkilərdən fərqlənəcək. Məsələlərin kökünü təhlil edərkən belə bir sual ortaya çıxır ki, nə üçün mətbuat “qara piar” məsələlərinə öz səhifələrində yer ayırır? Təbii ki, bu sualın təhlili zamanı nəticə ondan ibarət olur ki, Azərbaycanda medianın siyasiləşməsi prosesi gedir və müəyyən siyasi qruplara daxil olur. Bu siyasiləşmənin kökündə nə dayandığını araşdırarkən burada iqtisadi amillər ortaya çıxır. Medianın iqtisadi bazası zəif olduğuna görə, o müəyyən siyasi qurupların bu yolla dəstəyini əldə etməyə çalışır. Lakin, bu il fərqləndirici cəhət ondan ibarətdir ki, qəzetlərin monitorinqlərini aparıb onları bu yoldan çəkindirmək olar. Çünki, 2009-cu ildən etibarən Azərbaycanda əhəmiyyətli bir hadisə baş verir. Yəni, dövlət mediada baş verən problemlərin hamısının kökündə siyasiləşmə amilinin dayandığını və bunun da məhz iqtisadi asılılıqla bağlı olduğunu dəyərləndirərək KİV-in müstəqilləşməsi və iqtisadi problemlərin həll olması üçün ciddi addımlar atır. Belə ki, 2009-cu ildə KİV-in İnkişafına Dövlət Dəstəyi Fondu yaradıldı və cari ilin əvvəlindən etibarən də mətbuatın iqtiasdi problemlərinin həlli üçün layihələr həyata keçirməyə başlanıldı. Bu Fondun yaradılma konsepsiyasında da göstərilir ki, burada əsas məqsədlərdən biri KİV-in iqtisadi problemlərini həll etmək və onların siyasiləşmə meyllərinin qarşısını almaqdır, onların müstəqilləşməsinə yardım göstərməkdən ibarətdir. Bu baxımdan bu il mənzərə fərqli olmalıdır. Yəni, bəzi media vasitələri iqtisadi asıllığı bəhanə edib kimlərinsə mövqeyini dərc etməyə məcbur olmayacaq. Artıq bundan sonra hansı KİV qarayaxma ilə, yanlış yollarla jurnalist etikasına və mətbuat haqqında prinsiplərə zidd addımlar atacaqsa, təbii ki, onlar gələcəkdə dövlət tərəfindən göstərilən maliyyə yardımlarından da məhrum olacaqlar. Yəni, indiyə qədər onlarda, o siyasi addımlar hardasa başa düşülən, zəruri hal kimi qəbul olunurdusa, artıq bu il o səbəb aradan qalxıb. Onlar artıq iqtisadi imkanlarını ayrı-ayrı şəxslərdən deyil, dövlətdən əldə edəcəklər. Bu problemlə bağlı MŞ-da jurnalistlər üçün təlimlər də nəzərdə tutulub. Burada onlara obyektivliklə bağlı istiqamətlər və təlimatlar veriləcək. Hesab edirəm ki, bu yolla bu ilki seçkilərdə mətbuatla bağlı nəyəsə nail ola biləcəyik”,-deyə M.Ələsgərli açıqlayıb.

URL / WWW

http://kelam.az/news/a-1850.html