Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru, siyasi elmlər doktoru, professor Elman Nəsirlinin Nəzər Media.az sayıtına müsahibəsi

 

 

-Moskvada baş verən son hadisələr, heç şübhəsiz, ikitərəfli münasibətlərdə müəyyən anlaşılmazlıqların yaranmasına səbəb oldu. Azərbaycan vətəndaşına münasibətdə qeyri-adekvat davranış tərzi çoxsaylı suallar doğurdu və onlara axtarılan cavablar birmənalı olmadı. Əksər cavablar isə belə idi ki, bu hadisə ətrafında xüsusi ajiotaj yaratmaqla müəyyən qüvvələr öz çirkin niyyətlərini həyata keçirmək istəyiblər. Burada Azərbaycana məlum layihələrə qoşulmaqla bağlı təzyiqlərdən tutmuş ta daxili auditoriyanı sakitləşdirməyə dair müxtəlif variantlar kontekstində qiymətləndirmələr yer almışdır. Zənnimizcə, baş vermiş hadisəyə sağlam və soyuq başla qiymət vermək lazımdır.Rusiya-Azərbaycan münasibətlərinin normal səviyyədə olması hər iki tərəfin marağında olan məsələdir. Hesab edirik ki, Bakıda keçirilən III beynəlxalq Humanitar Forum həm də bu qəbildən olan məsələlərin sivil qaydada həlli üçün münbit şəraiti təmin edəcəkdir.

 

 

- İstənilən halda Rusiyanın bu şəkildə “əcinnə ovuna” çıxması və ya “yeni Ben Laden” icad etməsi ilk növbədə bu çoxmillətli dövlətin özü üçün təhlükəlidir. Belə davranış tərzi ksenofobiya və isalamofobiya kimi qorxulu təsirlərin inkişafı üçün münbit şəraiti yaradır, multikulturalizmi iflic edir, tolerantlığı məhvə sürükləyir. Bu halda uduzan tərəf sivil dünya olur. Cinayətin triumfu başlanır. O daha da şirniklənir. Bu halda gerçəkdən “tarixin sonu” reallaşa bilər. Rusiyada bu yolla geopolitik üstünlük qazanacaqlarını düşünən tərəflər “bumeranq effekti”ni heç zaman unutmamalıdırlar.

 

 

- Azərbaycan dövlətini atdığı bütün addımlar milli maraqların qorunmasına xidmət göstərir. Məsələyə bu kontekstdə yanaşdıqda Prezident İlham Əliyevin Minskə səfərinin arxasında hansısa xalqdan gizlin mətləblərin dayandığını düşünənlər sadəcə reallıqdan uzaq adamlardırlar. Azərbaycan prinsip etibarilə inteqrasiya proseslərinə loyal münasibət bəsləyən dövlətdir. Təki bu inteqrasiya milli maraqlara heç bir kölgə salımasın. Deməli, dövlətimizin milli maraqlarının tam qorunduğu istənilən layihə ilə bağlı Azərbaycan müstəqil şəkildə qiymətləndirmə aparmaq və qərar vermək hüququnu özündə saxlayır.

 

 

- Zənnimizcə, problemi tərkibin dəyişdirilməsi həll etməyəcək. Məsələ ondadır ki, bu 3 həmsədr dövlət münaqişəni həll etmir, lakin paradoks da ondadır ki, bu dövlətlərin iştirakı olmadığı təqdirdə də münaqişənin həlli mümkünsüz görünür. Deməli, çıxış yolumuz son dərəcə güclənməkdədir. Bu halda həmsədrlər də Azərbaycanın böyük qüdrəti qarşısında vahiməyə düşüb, Ermənistanı sülhə məcbur edəcəklər.

http://kelam.az/article/a-8123.html