Müəllif hüququ

© WWW : Kelam Jurnalı
Bütün hüquqları qorunur. Məlumatlardan istifadə etdikdə agentliyiə istinad mütləqdir.

Məqələnən adı , Yerləşdirilib

Məqələlər » Dövlət və din » Oqtay Əsədov: Beynəlxalq təşkilatların hesabatlarında yer alan qeyri-dəqiq məlumatların günahkarını ölkə daxilində axtarmaq lazımdır
28.10.11 21:37

Milli Məclisin bu gün keçirilən iclasında Azərbaycanın İnsan Alverinə Qarşı Mübarizə üzrə Milli Koordinatorunun hesabatı müzakirə olunub. “KƏLAMİNFO” xəbər verir ki, müzakirələrdə çıxış edən millət vəkili Məlahət İbrahimqızı bildirib ki, Azərbaycanda qadın polislərin işə götürülməsi vacibdir. O qeyd edib ki, artıq qonşu ölkələrdə polis strukturlarına qadın işçilər cəlb edilməyə başlayıb, bunlar əsasən yetkinlik yaşına çatmayanların işləri, ailə məsələləri, insan alveri qurbanları ilə işlər üzrə fəaliyyət göstərirlər. Deputat Fazil Mustafa çıxışında son zamanlar insan alveri ilə mübarizə sahəsində boşluqların aradan qalxdığını və bir sıra işlərin həyata keçirildiyini vurğulayıb. Millət vəkili deyib ki, bu mübarizə işlərinin bir qurumun üzərinə qoyulması doğru deyil. O, məcburi əməyə cəlblə bağlı da danışıb. “Bu gün Çin, Əfqanıstan və digər ölkələrdən ucuz işçi qüvvəsi gətirənləri də araşdırmaq lazımdır. Ölkədə kifayət qədər işçi qüvvəsi olduğu halda başqa ölkədən ucuz işçi gətirilməsi doğru deyil” - deyə F.Mustafa vurğulayıb. Millət vəkili Zahid Oruc isə qeyd edib ki, mübarizə tədbirlərini gücləndirmək üçün əmək miqrasiyasını tənzimləyən qurumların məsuliyyəti artırılmalı, bununla bağlı Cinayət Məcəlləsinə dəyişiklik edilməlidir. Övladlığa götürmə ilə bağlı məsələyə xüsusi nəzarətin artırılmasını vacib sayan deputat insan alveri ilə bağlı bəzi faktlara da toxunub. “Turizm şirkətləri xətti ilə insan ticarəti faktları mövcuddur. Uşaq dilənçiliyi də mövcud problemlər arasında yer alır. Buna qarşı tədbirlər gücləndirilməlidir. İnsan orqanları transplantasiyası faktı da diqqət çəkir. Bu işdə Beynəlxalq Universitetin adı hallanır. Başqa bir fakt isə İranla bağlıdır. İran uzun illərdir ki, Azərbaycana narkotik ixracın həyata keçirir. İldə bu həcm 40 tondan artıqdır. Məlumatlara görə, İranda bəzi Azərbaycan vətəndaşlarını girov saxlayırlar ki, bu cür planlarını həyata keçirsinlər” - deyə o, əlavə edib. Deputat Rəfael Cəbrayılov isə çıxışında Çindən Azərbaycana gələn qadınların küçə ticarəti ilə məşğul olmasının beynəlxalq hesabatlarda yer almasından narahatçılığın ifadə edib. Millət vəkili, həmçinin yerli şadlıq evlərində azyaşlı qız uşaqlarının mələk rolunda işə cəlb olunduğundan danışıb. Millət vəkili Çingiz Qənizadə isə bildirib ki, bu gün dünya üzrə illik dövriyyəsi 32 milyard dollar təşkil edən insan alveri transmilli cinayətdir və peşəkar cinayətkar qruplar tərəfindən həyata keçirilir. Azərbaycanda insan alveri qurbanlarının əksəriyyətinin orta təhsilli olduğuna diqqət yönəldən millət vəkili bu cür halların aradan qaldırılması üçün orta məktəblərdə maarifləndirici tədbirlərin gücləndirilməsini vacib sayıb. “Məni narahat edən başqa bir məqam isə beynəlxalq təşkilatların hesabatlarında Azərbaycanla bağlı narahatedici məqamların yer almasıdır. Həqiqətən də bizim bəzi qeyri-hökumət təşkilatlarımız beynəlxalq təşkilatlardan maliyyə almaq üçün doğru olmayan məlumatlar verirlər” - deyə deputat vurğulayıb. Parlamentin İnsan hüquqları Komitəsinin sədri Rəbiyyət Aslanova bildirib ki, insan alverinin qurbanı olan şəxslərlə bağlı bir çox sənəd qəbul edilib. Komitə sədri bildirib ki, Azərbaycan insan alveri ilə mübarizədə ön sıralarda dayanır. “Yaxşı olar ki biz bəzi Avropa ölkələri və Amerikadakı hadisələrlə bağlı ittiham çıxışları edək. Onda bəlkə bizə qarşı qərəzli mövqelərə son qoyulsun” - deyə R.Aslanova vurğulayıb. Deputat Siyavuş Novruzov insan alverinin bir ölkənin daxili məsələsi olmadığını bildirib. “Bununla belə, heç bir dövlətin başqa bir ölkə haqqında hesabat hazırlamaq hüququ yoxdur. Biz ilbəil onların hesabatlarına baxırıq və hər şey eynidir. Biz hansısa dövlətə nümayiş etdirmək üçün tədbirlər həyata keçirmirik, öz vətəndaşlarımızı müdafiə edirik” - deyə o vurğulayıb. Spiker Oqtay Əsədov qeyd edib ki, beynəlxalq təşkilatların hesabatlarında yer alan qeyri-dəqiq məlumatların günahkarını ölkə daxilində axtarmaq lazımdır. “Şikayət göndərmək bizə SSRİ-dən miras qalıb. Moskvaya “meşok”larla şikayət gedirdi. İndi də Avropa Şurasına gedir. Bu imicin yaranmasında səbəbkar özümüzük. Daxilimizdə bununla mübarizə aparmalıyıq” - deyə spiker bildirib. Söylənilən fikirlərə münasibət bildirən daxili işlər nazirinin müavini Vilayət Eyvazov bildirib ki, hazırda DİN-də 2376 qadın çalışır. Ailə cinayətləri, qadınların problemləri mütəmadi diqqətdə saxlanılır: “Daxili orqanlarda nə qadınlara, nə də kişilərə iş məhdudiyyəti yoxdur. Məcburi əməklə bağlı 2004-cü ildən indiyədək 7 fakt aşkarlanıb və cinayət işi qaldırılıb”. Narkotiklərlə bağlı millət vəkili Zahid Orucun qaldırdığı məsələyə münasibət bildirən nazir müavini «bununla bağlı bizim də narahatlığımız var və müvafiq tədbirlər görülür” - deyə nazir müavini vurğulayıb. İnsan orqanları transplantasiyası ilə bağlı ABU-da prokurorluq tərəfindən müvafiq araşdırmalar aparıldığını qeyd edən V.Eyvazov əlavə edib ki, istintaq qurtardıqdan sonra məlumat veriləcək. Hesabat səsə qoyularaq 99 səs çoxluğu qəbul olunub.

URL / WWW

http://kelam.az/article/a-5083.html