Müəllif hüququ © WWW : Kelam Jurnalı
Bütün hüquqları qorunur. Məlumatlardan istifadə etdikdə agentliyiə istinad mütləqdir.
Məqələnən adı , Yerləşdirilib Xəbərlər » Xəbərlər » Məlahət İbrahimqızı: “Ermənistanda ikiqat demoqrafik problem mövcuddur”
17.08.12 17:53

«Suriya ermənilərinin Azərbaycanın işğal olunmuş ərazilərinə köçürülməsi planı Ermənistanın növbəti təxribatlarından biridir. Ermənistan işğalçı dövlətdir və bu fakt beynəlxalq təşkilatların qəbul etdiyi sənədlərdə də öz əksini tapır. Ölkəsinin işğalçı kimi dünyada tanınması onun vətəndaşları üçün utanc bir şeydir». “KƏLAMİNFO” xəbər verir ki, bu fikirləri yap.org.az saytına YAP Siyasi Şurasının üzvü, Milli Məclisin deputatı Məlahət İbrahimqızı deyib. M.İbrahimqızı bildirib ki, təcavüzkar adını öz üzərinə götürmüş Ermənistandan hər cür hərəkətlər gözləmək olar. Onun sözlərinə görə, Azərbaycanın işğal olunmuş ərazilərində Ermənistan narkotik qaçaqmalçılığından tutmuş terrorçuların hazırlandığı yer kimi istifadə edir. «Bu gün Suriyada yaşayan ermənilər də bilir ki, Ermənistanda əhali sürətlə azalır. Bu problem təkcə erməni gənclərin ölkəni tərk etməsi ilə bağlı deyil, həm də Ermənistanda doğumun ölümdən az olması ilə əlaqədardır. Bu mənada Ermənistanda ikiqat demoqrafik problem mövcuddur. Ona görə də həm Ermənistanı, həm də Dağlıq Qarabağı əhali tərk edir. Ermənistan rəsmiləri demoqrafik problemi həll etmək üçün Suriya ermənilərini bu ərazilərə köçürməyə çalışırlar. Onlar bu yolla problemi ört-basdır etməyə cəhd göstərirlər. Azərbaycan ictimaiyyəti bu məsələ ilə bağlı etirazlarını davam etdirməlidir. Problemi beynəlxalq təşkilatların, dünya dövlətlərinin diqqətinə çatdırmalıyıq» - deyə YAP Siyasi Şurasının üzvü vurğulayıb.
URL / WWW
http://kelam.az/news/a-6666.html