Müəllif hüququ

© WWW : Kelam Jurnalı
Bütün hüquqları qorunur. Məlumatlardan istifadə etdikdə agentliyiə istinad mütləqdir.

Məqələnən adı , Yerləşdirilib

Xəbərlər » Xəbərlər » Nail Naiboğlu: “Bizim müğənnilərimiz tənbəllik edirlər”
06.07.12 20:39

“Müğənniləri yaxşı başa düşürəm, məndən zövq alırlar. Günün tələbini tutmaqla bərabər, onları bir psixoloq kimi də başa düşürəm”. Bunu “KƏLAMİNFO”ya açıqlamasında rejissor Nail Naiboğlu deyib. Son dövrlər gənclərdən tutmuş, Xalq artistləri və əcnəbi müğənnilərə qədər bir çoxlarının kliplərini lentə almaq üçün rejissor Nail Naiboğluna müraciət etməsi sirr deyil. Rejissor bunun müğənni, tamaşaçı və rejissor arasındakı razılaşma ilə əlaqələndirir: “Yaxşı klipmeyker olmaq üçün 3 amil lazımdır: müğənnini razı salmaqla bərabər, özün də razı qalmalısan və tamaşaçını da razı sala bilməlisən. Bunlar üst-üstə düşəndə uğurlu iş alınır. Bəzən müğənni bir şey istəyir, klipmeyker başqa, tamaşaçı isə tamam başqa bir şey gözləyir. Bu zaman klip maraqsız olur. İncəsənətin klip bazarında özümü peşəkar adlandırıram. Mahnını eşidəndən, klipi görəndən onun sonrakı aqibəti artıq mənə məlum olur”. İlk dəfə 2005-ci ildə müğənni Yeganənin “Taleyim” mahnısını ekranlaşdıran Nail Naiboğlu peşəkarlar arasında ilk dəfə İlhamə Quliyevanın “Ağla” mahnısını lentə alıb. İxtisasca tərcüməçi olan rejissor Azərbaycanda klipmeykerlik məktəbinin olmasını arzulayır. Klip bazarında qiymətlərin 3 min manatdan 10 min manatadək dəyişdiyini deyən Nail Naiboğlu ən ucuz ekran işinin 500 dollara, ən bahalı klipinin isə müğənni Ruhi üçün Hindistanda çəkdiyi 60 min avroluq ekran işi olduğunu etiraf edib: “Gənc müğənni hər axşam bir neçə şou proqramdan qazandığı 20-30 manatı üst-üstə qoyub klip çəkdirmək üçün 20 min yığır. Populyar müğənni isə yarım saat oxuyub 3-4 min manat alır. Bu baxımdan müğənninin durumuna baxıb qiymət söyləyirəm”. Nail Naiboğlu bir neçə türk, rus, tacik müğənni üçün də klip çəkdiyini bildirib. O, Azərbaycan müğənnilərinin və kliplərin xarici ölkələrdə tanınmasının səbəbini isə onların tənbəlliyi ilə əlaqələndirir: “Sevilən türk müğənnisi Orhan Ölməz üçün çəkdiyim klip Türkiyənin ən böyük musiqi kanalı KRAL TV-də yayımlanıb və top-20-də birinci olub. Həmin klipi Bakıda çəkdik və bütün texniki avadanlıq, yaradıcı heyət özümüzdən ibarət idi. Yaxşı çəkməsəydik, bəyənib türk kanalında yayımlamazdılar. Azərbaycandan dünya standartlarına uyğun, gözəl, maraqlı kliplər çəkilir. Sadəcə, bizim müğənnilərimiz tənbəllik edib reklamları ilə yetərincə məşğul olmurlar. Xaricdən gəlib bizim texniki avadanlıqlardan istifadə edirlər. Hətta Yeganə üçün “Taleyim” mahnısına çəkdiyim klipin süjetini türklər oğurlayıb onun başqa mahnısı üçün istifadə etmişdi”.

URL / WWW

http://kelam.az/news/a-6445.html