Rusiya Baş naziri Dmitri Medvedev Suriya lideri Bəşər Əsədin islahat prosesində kifayət qədər sürətli ola bilmədiyini, çox böyük səhvlər etdiyini, hər keçən gün də iqtidarda qalma şansını itirdiyini açıqlayıb. Davosda CNN-ə xüsusi müsahibə verən Medvedev Suriya lideri Bəşər Əsədin siyasi islahat prosesində böyük səhvlərə yol verdiyini etiraf edib: “Hər şeyi çox daha sürətli etməsi lazım idi. Bu çox böyük, hətta ölümcül bir səhv oldu. Mən B.Əsədin hər keçən ay, hər keçən həftə hətta hər keçən gün iqtidarda qalma şansının getdikcə azaldığını düşünürəm”. Əsədin vəzifədən ayrılması ilə əlaqədar qərarın Suriya xalqı tərəfindən verilməsinin lazım olduğunu bir daha təkrarlamaq istədiyini bildirən Baş naziri buna Rusiya, ABŞ ya da başqa heç bir ölkənin qərar verməməli olduğunu söyləyib.
|
Açılış Səhifəsi et 
Dmitri Medvedev Bəşər Əsədin hər keçən gün iqtidarda qalma şansını itirdiyini açıqlayıb
