Bakının bir neçə rayonunda içməli suyun verilişində fasilə yaranacaq. “Azərsu”dan verilən məlumata görə, yaranacaq fasilə Xətai, Nizami, Sabunçu və Suraxanı rayonlarının bir hissəsində 24 saat fasiləsiz içməli su təchizatını təmin etmək məqsədi ilə “+110 Şərq” su anbarında 1400 mm diametrli kollektorun paylayıcı şəbəkəyə qoşulması işlərinin aparılması ilə əlaqədardır.
Bildirilir ki, görülən tədbirlərlə əlaqədar 25-26 dekabr 2012-ci il tarixlərində paytaxtın həmin rayonlarının bəzi yerlərinə içməli su müəyyən fasilələrlə veriləcək. Yaranmış narahatlıqla əlaqədar “Azərsu” ASC abunəçilərdən üzr istəyir.
|