Azərbaycanda səfərdə olan Çin Xalq Respublikasının Siyasi Konsultativ Şurasının Ümumçin Komitəsinin sədr müavini Bay Liçenin başçılıq etdiyi nümayəndə heyəti İçərişəhərlə tanış olublar.
Gəzinti zamanı qonaqlara dünya şəhərsalma sənətinin nadir nümunələrindən olan “İçərişəhər” Dövlət Tarix-Memarlıq Qoruğu haqqında, eləcə də burada aparılmış təmir və abadlıq işləri barədə məlumat verilib. Azərbaycan paytaxtının qədim guşəsi ilə tanışlıq Çinli qonaqlarda zəngin təəssürat doğurub.
|