ATƏT-ə üzv olan ölkələrdən 19-nun bu qurumdakı daimi nümayəndəsi Azərbaycan və Ermənistana səfər edəcək. Bu barədə məlumatı “KƏLAMİNFO”ya ATƏT-in Bakı ofisindən veriblər. Səfirlər sentyabrın 10-u və 11-də Bakıda olacaq. Onlar hökumət nümayəndələri, siyasi partiya və vətəndaş cəmiyyətinin təmsilçiləri ilə görüşlər keçirəcəklər. Səfərin məqsədi regionla yaxından tanış olmaq və burada baş verən proseslərə dair fikir mübadiləsi aparmaqdır.
|