“İsveçrə Azərbaycanın ərazi bütövlüyünü tanıyır”. “KƏLAMİNFO” xəbər verir ki, bu barədə jurnalistlərə açıqlamasında Azərbaycan Xarici İşlər Nazirliyinin mətbuat katibi Elman Abdullayev bildirib. O qeyd edib ki, İsveçrə tərəfindən Qarabağda keçirilən qondarma seçkilərdən dərhal sonra Azərbaycana təqdim edilmiş notada belə qeyd olunub: “Ermənistan mətbuatının İsveçrənin Azərbaycanın ərazi bütövlüyünü tanımaması ilə bağlı yazdıqları məlumatlar əsassızdır və bu onların növbəti dezinformasiya səyləridir. Təəssüf ki, Ermənistanda bu, tendensiya halına çevrilib, Ermənistan rəhbərliyi bununla daxili ictimai rəyi aldatmağa çalışır”.
|