ABŞ prezidenti Barak Obama bildirib ki, avrozonanın böhrandan çıxacağına ümid edir. “KƏLAMİNFO” “Lenya.ru”ya istinadən xəbər verir ki, Obama deyib ki, Avropa ölkələrinin bunun üçün kifayət qədər resursu var. Müşahidəçilərin fikrincə, Obamanın bu mövqeyi ABŞ-ın Avropaya maliyyə yardımı göstərmək istəməməsinə işarədir. Meksikada keçirilən “Böyük 20-lər”in sammitinin yekunları ilə bağlı keçirilən mətbuat konfransında Obama Suriyadakı vəziyyətə də toxunub. Bildirib ki, Rusiya və Çin bu ölkədə vətəndaş müharibəsi təhlükəsini başa düşür. Ancaq Bəşər Əsədin hakimiyyətdən kənarlaşdırılması planına baxmağa hazır deyillər.

+  -  Çap