“Azərbaycanı avtoritar rejimlər siyahısına salan təşkilatlar qərəzli mövqedədirlər”. “KƏLAMİNFO” xəbər verir ki, bunları jurnalistlərə açıqlamasında Azərbaycan Prezident Administrasiyası ictimai-siyasi şöbəsinin müdiri Əli Həsənov bildirib.
O qeyd edib ki, rəsmi Bakı Azərbaycanı müəyyən təsnifatlar qrupuna ayıran təşkilatların rəyinə tənqidi yanaşır. “Təəssüflər olsun ki, belə təsnifatlaşmanı aparan təşkilatların çoxu obyektiv meyarlardan, obyektiv təhlillərdən çıxış etmir, hansısa mərkəzlərin, qurumların, dövlətlərin sifarişini yerinə yetirirlər”-deyə Ə.Həsənov vurğulayıb. O, Azərbaycan hakimiyyətinin bu cür təsnifatlaşmaları subyektiv dəyərləndirdiyini və reaksiya vermədiyini deyib.
|