Türkiyənin ədliyyə naziri Sadullah Ergin bu gün Azərbaycana rəsmi səfərə gəlib. Bu barədə “KƏLAMİNFO”ya Ədliyyə Nazirliyindən məlumat verilib.
S. Erginin bu gün ədliyyə naziri, Məhkəmə-Hüquq Şurasının sədri Fikrət Məmmədovla görüşü olacaq. Görüşdə qarşılıqlı əməkdaşlığın mövcud durumu, gələcək perspektivlər və digər müvafiq məsələlər müzakirə ediləcək. S. Ergin həmçinin Konstitusiya Məhkəməsinin sədri Fərhad Abdullayev və Ali Məhkəmənin sədri Ramiz Rzayevlə də görüşəcək.
Səfər noyabrın 4-də başa çatacaq.
|