Pakistanın Peşavar şəhərində bomba partlayışı nəticəsində 5 adam ölüb, 20-dən çox adam yaralanıb. Rəsmilərin sözlərinə görə, partlayış film və musiqi diskləri satan bir neçə mağazanın olduğu ərazidə baş verib. «KƏLAMİNFO» RİA «Novosti»yə istinadən xəbər verir ki, yaraqlılar əvvəllər də islam əleyhinə hesab etdikləri musiqi və film satılan mağazaları hədəfə alırdılar.
Həftənin birinci günü isə Karaci şəhərində polis şöbəsi rəisinin evinə hücum olmuşdu. Partlayış nəticəsində 8 adam ölmüşdü, onlardan 6-sı polis əməkdaşı idi.
|