BMT dünyada 12 milyon insanın heç bir ölkənin vətəndaşı olmadığı və bu səbəbdən beynəlxalq insan hüquqları müdafiəsindən məhrum olduğu barədə xəbərdarlıq yayıb. “Azadinform” BBC-yə istinadən xəbər verir ki, təşkilatın sözçüsü Antonio Qutyerres vətəndaşlığı olmayan insanların övladlarının vətəndaşlıq ala bilməməsinin problemi daha da dərinləşdirdiyini deyib. Qutyerres bu məsələ ilə bağlı konstitutsiyalarda dəyişikliklər edilməsini labüd saydığını bildirib. Problemin xüsusilə də Cənub-Şərqi Asiya, Orta Asiya, Şərqi Avropa və Afrikada geniş yayıldığını vurğulayan Qutyerres 12 milyon insanın taleyinin heç kimi maraqlandırmadığını və onlara heç kimin məsul olmadığını deyib.

+  -  Çap