Bu gün Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun nümayəndə heyəti İsveçin paytaxtı Stokholm şəhərinə işgüzar səfərə gediblər. Bu barədə məlumatı KƏLAMİNFO-a Fonddan veriblər. Səfərdə məqsəd Fondun beynəlxalq əlaqələrini genişləndirmək, KİV-lərə dövlət dəstəyi sahəsində beynəlxalq təcrübəni öyrənmək, Stokholm şəhərində İsveçin Mətbuata Maddi Yardım Təşkilatının rəhbərləri ilə görüşmək, yardım alan media qurumlarının təcrübəsi ilə tanış olmaq və gələcəkdə bu təcrübədən faydalanmaqdan ibarətdir. Qeyd edək ki, Fondun icraçı direktoru Vüqar Səfərlinin rəhbərlik etdiyi heyətin tərkibinə Müşahidə Şurasının üzvləri, Jurnalistlərin Həmkarlar İttifaqının sədri Müşfiq Ələsgərli, Mədəniyyət və Turizm Nazirliyinin mətbuat xidmətinin aparıcı məsləhətçisi Zöhrə Əliyeva və Fondun əməkdaşı Vüsal Heydərov daxildir. Səfər dekabrın 13-də başa çatacaq.

+  -  Çap