Bəzi KİV-lərdə yanvarın 12-də Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadənin Azərbaycanda orta ümumtəhsil məktəblərində yaranan hicab probleminin müsbət həll edilməsi üçün moizə edəcəyinə dair məlumatlar yayılıb. Məsələ ilə bağlı QMİ-nin mətbuat xidmətinin rəhbəri Rəhimə Dadaşova KƏLAMİNFO-ya bildirib ki, yayılan məlumatların heç bir əsası yoxdur. “Belə bir məlumat olsaydı, ilk öncə biz bilərdik. O, zaman biz daha düzgün və şəffaf şəkildə KİV nümayəndələrini məlumatlandırardıq”,-deyə R.Dadaşova söyləyib.
|