Azərbaycanın Kanadadakı səfiri Fərid Şəfiyev Monrealın meri Gerald Tremblay ilə görüşüb. Səfirlikdən KƏLAMİNFO-ya verilən məlumata görə, görüş zamanı Azərbaycan ilə Monreal şəhəri arasında iqtisadiyyat, mədəniyyət, təhsil və digər sahələrdə əməkdaşlığın perspektivləri müzakirə olunub. Səfir ikitərəfli əməkdaşlığın inkişaf etdirilməsi üçün geniş potensialın olduğunu qeyd edib, münasibətlərin daha da dərinləşdirilməsi üçün bir sıra layihələrin həyata keçirilməsinin əhəmiyyətini vurğulayıb. Əlaqələrin genişləndirilməsinin tərəfdarı olduğunu deyən G.Tremblay gələcəkdə ölkəmizə səfər etmək niyyətini də bildirib.

+  -  Çap