Dövlət Torpaq və Xəritəçəkmə Komitəsinin (DTXK) Bakı Kartoqrafiya Fabrikində Azərbaycan Prezidentinin regionların sosial-iqtisadi inkişafına dair Sərəncamının icrası ilə əlaqədar olaraq 20 rayonun 1:100 000 miqyaslı xəritələri hazırlanıb çap olunub. Bu barədə məlumatı KƏLAMİNFO-ya DTXK-dən veriblər.
Eyni zamanda ümumtəhsil məktəbləri üçün 6-9-cu sinifləri üzrə coğrafi atlas və kontur xəritələr yenidən çap edilib. Hazırda isə Azərbaycanın Milli Ensiklopediyasına daxil olan xəritələrin ilin sonunadək hazırlanıb təhvil verilməsi üçün ciddi tədbirlər görülür.
|