“Azərbaycanda parlament seçkiləri öncəsi ictimai-siyasi vəziyyət normaldır. Dövlət tərəfindən seçkilərin azad və şəffaf keçirilməsi üçün lazımi addımlar atılır”. KƏLAMİNFO xəbər verir ki, bu fikirləri yap.org.az saytına müsahibəsində YAP icra katibinin müavini, Milli Məclisin deputatı Siyavuş Novruzov söyləyib. S.Novruzov bildirib ki, YAP parlament seçkilərinə hazırlğı uğurla davam etdirir. Onun sözlərinə görə, digər partiyalardan fərqli olaraq, YAP ABŞ-ın və digər qərb dövlətlərinin seçki texnologiyalarından geniş istifadə edir. “Biz seçki prosesinə seçkiyə rəsmi start veriləndən deyil, ondan xeyli əvvəl başlayırıq. Yəni rəsmi start verilən zaman biz kampaniya dövründə bütün mərhələlərə hazır vəziyyətdə olacağıq. Bu da qələbəmizi şərtləndirən amillərdən biridir”,-deyə YAP icra katibinin müavini qeyd edib.

+  -  Çap