Gürcüstan prezidentinin məsləhətçisi Van Bayburt azərbaycanlıların, erməni və gürcülərin Cənubi Qafqazın əsl sahibləri olduğunu söyləyib. KƏLAMİNFO xəbər verir ki, məsləhətçi öz çıxışında “Azərbaycanlılar, erməni və gürcülər- budur Cənubi Qafqazın əsl sahibləri və Allah özü istəyir ki, onlar dostluq və barışıq şəraitində yaşasın”,-deyə bildirib. Bu xalqlar arasında olan problemlər həll edilərsə Cənubi Qafqazın ən güclü region olacağını söyləyən V.Bayburt azərbaycanlılar və ermənilərin müdrik xalq olduqlarını və onların barışığına inandığını vurğulayıb. “Biz əlimizdən gələn hər çeyi etməliyik ki, xalqlarımız barışığa gəlsinlər. Əgər türklər və ermənilər barışığa gəlmək istəyirsə, nəyə görə regionun neçə əsrlərdir burda yaşayan millətləri barışmasın. Hesab edirəm ki, bu gün çox uzaq deyil”,-deyə V.Bayburt əlavə edib.

+  -  Çap