“İçəri Şəhər”də “Xan Karvansarası” adlanan abidədə əsaslı şəkildə bərpa-konservasiya işləri aparılıb. Bununla əlaqədar olaraq bu gün abidənin açılış mərasimi keçirilib. KƏLAMİNFO xəbər verir ki, bu barədə İçərişəhər Dövlət Tarix-Memarlıq Qoruğundan məlumat veriblər.
Açılış mərasiminə qatılanlara “Kiçik Karvansara” və “İncəsənət Bağı” haqqında ətraflı məlumat verilib və xalq sənətkarlığının müxtəlif nümunələri təqdim olunub. Açılışda müasir kuklaçı-rəssam Elmira Abbaslının “İçərişəhərin obrazları” sərgisi nümayiş etdirilib. “İncəsənət Bağı”nın da yaxın iki həftə ərzində tamaşaçılar üçün açıq olacağı vurğulanıb.
|