|
Səhifələr : # « 77 78 79 80 81
Bakı Beynəlxalq Caz Festivalına start verilir
|
Bu gündən oktyabrın 27-dək Mədəniyyət və Turizm Nazirliyi tərəfindən Bakı Beynəlxalq Caz Festivalı keçiriləcək. Mədəniyyət və Turizm Nazirliyindən verilən məlumata görə, festivala ABŞ-dan Richard BONA və Branford MARSALIS qrupları, dZihan&Kamien dueti (Avstriya), Jazzinho (Portuqaliya) və Hard Jazz Knights (İsrail) qrupları, həmçinin Bakı Beynəlxalq Muğam Festivalının iştirakçıları olan Vasumathi Badrinathan (Hindistan) və Amir Elsaffar (ABŞ) dəvət olunublar.
Festivalın açılış mərasimi bu gün axşam Azərbaycan Dövlət Filarmoniyasında keçiriləcək. Konsertdə Ü.Hacıbəyli adına Azərbaycan Dövlət Simfonik Orkestri iştirak edəcək. Konsertin proqramına L.Bernstein – “Kandid” uvertürası, K.Krautgartner – Klarnet və orkestr üçün Konzertino, G.Gershwin – Blüz üslubunda rapsodiya, L.Bernstein – “West Side Story” orkestr üçün süitası daxil edilib. Sabah Caz Mərkəzində İsfar Sarabskinin (fortepiano) konserti keçiriləcək. İsfarla birgə səhnəni Aleksandr Zinger (zərb) və Ruslan Hüseynov (bass) paylaşacaq. Həmin gün Caz Mərkəzində İsrailin “Jazzing the Beatles” Hard Jazz Knights qrupu çıxış edəcək.
|
21.10.09 Məqaləni oxumaq
|
|
|
Türkiyədə Hüseyn Cavidin əsərlərinin təqdimatı keçiriləcək
|
Oktyabrın 31-dən noyabrın 8-nə kimi Hüseyn Cavidin Ev Muzeyinin əməkdaşları tərəfindən Türkiyənin İstanbul şəhərində 28-ci Beynəlxalq Kitab Sərgisi keçiriləcək. Bu barədə məlumatı Azərbaycan Milli Elmlər Akademiyasından (AMEA) veriblər.
Sərgidə H.Cavidin və Ə.Cavidin əsərlərinin təqdimat mərasimi keçiriləcək və tədbir iştirakçılarına həmin əsərlər hədiyyə olunacaq.
Qeyd edək ki, oktyabrın 24-31 tarixlərində isə Hüseyn Cavidin Ev Muzeyində dahi Azərbaycan filosofu, dramaturqu, şairi və maarifçisi Hüseyn Cavidin xatirəsinə həsr olunan silsilə tədbirlər keçiriləcək.
|
21.10.09 Məqaləni oxumaq
|
|
|
AMEA-da akademik Mirabbas Qasımovun xatirəsinə həsr olunan tədbir keçirilib
|
Bu gün Azərbaycan Milli Elmlər Akademiyası (AMEA) Riyaziyyat və Mexanika İnstitutunda görkəmli riyaziyyatçı alim, akademik Mirabbas Qasımovun xatirəsinə həsr olunan tədbir keçirilib. Bu barədə məlumatı AZADİNFORM-a AMEA-dan veriblər. Tədbirdə çıxış edən institutun direktoru, akademik Akif Hacıyev M.Qasımovun riyaziyyat elminin inkişafı sahəsindəki xidmətlərindən bəhs edib və bildirib ki, alimin Azərbaycan ziyalılığının formalaşmasında da böyük xidmətləri olub. Sonra fizika-riyaziyyat elmləri doktoru, professor Sabir Mirzəyev alimin həyat və elmi-pedaqoji fəaliyyəti haqqında məruzə ilə çıxış edib. Qeyd edək ki, 1939-cu ildə Şamaxı rayonunun Nərimankənd kəndində anadan olan M.Qasımov 1956-cı ildə Azərbaycan Dövlət Universitetinin fizika-riyaziyyat fakültəsinə daxil olub.
|
19.10.09 Məqaləni oxumaq
|
|
|
Bəstəkar Üzeyir Hacıbəyovun doğum günü münasibətilə məzarı ziyarət olundu
|
Bu gün mədəniyyət və turizm nazirinin müavini Ədalət Vəliyevin rəhbərliyi ilə bir sıra mədəniyyət və incəsənət xadimləri Fəxri Xiyabanda dahi bəstəkar Üzeyir Hacıbəyovun doğum günü münasibətilə bəstəkarın məzarını ziyarət ediblər. AZADİNFORM xəbər verir ki, öncə bəstəkarın məzarı önündə bir qrup xorun iştirakı ilə onun əsərlərindən ariya oxunub. Mərasimdə çıxış edən Ə.Vəliyev bəstəkarın doğum gününün musiqi günü kimi qeyd olunmasında bəhs edərək Ü.Hacıbəyovu Azərbaycan musiqi aləminin banisi adlandırıb. Bu günün təntənəli qeyd olunması ilə bağlı ölkə başçısının xüsusi diqqətinin olduğunu deyən nazir müavini bəstəkarın doğum gününü paytaxtla bərabər regionlarda da keçiriləcəyini bildirib.
|
19.10.09 Məqaləni oxumaq
|
|
|
|
Səhifələr : # « 77 78 79 80 81
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|