|
|
Səhifələr : # « 70 71 72 73 74 75 76 77 78 » #
|
|
“Bu meydan, bu ekran – 2010” kino layihələri müsabiqəsi elan edib
|
|
Mədəniyyət və Turizm Nazirliyi cari ilin yanvarın 29-dan aprelin 15-dək kinematoqrafiya sahəsində çalışan gənc mütəxəssislərə özlərini sınamaq üçün imkan yaratmaq, eləcə də uşaq mövzusuna kinematoqrafçıların diqqətini cəlb etmək, həmçinin audiovizual məhsul istehsalı ilə məşğul olan şirkətlərə dəstək vermək məqsədilə gənc kinematoqrafçılar üçün “Bu meydan, bu ekran – 2010” kino layihələri müsabiqəsi elan edib. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.
Müsabiqəyə işləri film istehsalı ilə məşğul olan dövlət və müstəqil studiyalar, şirkətlər təqdim edə bilər. Müsabiqəyə təqdim olunan sənədlər eyni deviz altında olan iki bağlı zərfdə aprelin 15-dək Mədəniyyət və Turizm Nazirliyinə təqdim olunmalıdır.
|
29.01.10 Məqaləni oxumaq
|
| |
|
|
|
Bakıda “İstanbul Fashion Show” geyim sərgisinin açılışı olub
|
|
Bu gün Heydər Əliyev adına İdman-Konsert Kompleksində ilk dəfə olaraq “İstanbul Fashion Show” geyim sərgisinin açılışı keçirilib. Sərgidə Türkiyənin 40-dan çox geyim şirkətinin məhsulları nümayiş etdirilir. Bu barədə məlumatı KƏLAMİNFO-ya beynəlxalq sərgi şirkətindən bildiriblər.
Sərginin açılış mərasimində Azərbaycan Sahibkarlar Konfederasiyasının Baş katibi Məmmədəli Əfəndiyev iştirak edib. O, Türkiyənin geyim şirkətlərinin Azərbaycanda təşkilini yüksək qiymətləndirib.
Türkiyənin ölkəmizdəki səfiri Hulusi Kılıç isə qardaş ölkədə bu cür sərginin keçirilməsinə çox əhəmiyyət verdiyini vurğulayıb.
Xatırladaq ki, Heydər Əliyev adına İdman və Konsert Kompleksində təşkil olunan “İstanbul Fashion Show” yanvarın 30-dək davam edəcək. Sərgi hər gün 10:00-dan 19:00-dək yerli əhalinin və iş adamlarının ixtiyarında olacaq. Sonuncu gün, yəni yanvarın 30-da satışın təşkili də nəzərdə tutulur. Məlumatda bildirilib ki, sərginin təşkilinə 500 min ABŞ dolları vəsait sərf olunub.
|
|
29.01.10 Məqaləni oxumaq
|
| |
|
|
|
Bəstəkarlar İttifaqında Qara Qarayevin ad günü münasibətilə tədbir keçiriləcək
|
|
Cari ilin fevralın 5-də Azərbaycan Bəstəkarlar İttifaqında (ABİ) dünya şöhrətli Azərbaycan bəstəkarı Qara Qarayevin ad günü münasibətilə tədbir keçiriləcək. Bu barədə məlumatı KƏLAMİNFO-ya ABİ-in mətbuat katibi İltifat Hacıxanoğlu verib.
Tədbirdə “Qara Qarayev: tələbələrin xatirələri” adlı kitabın təqdimatı da keçiriləcək. Nəşrin tərtibatçısı Nərgiz Şəfiyevadır. Q.Qarayevin yaradıcılıq irsi musiqi sənətinin demək olar ki, bütün janrlarını əhatə edir. Belə ki, o, “Vətən” və “Zəriflik” operaları, “Yeddi gözəl” və “İldırımlı yollarla” baletlərinin, “Leyli və Məcnun” simfonik poeması və bir çox başqa məşhur əsərlərin müəllifidir.
|
|
28.01.10 Məqaləni oxumaq
|
| |
|
|
|
İşğal altındakı mədəniyyət abidələrilə əlaqədar Faktaraşdırıcı Missiyanın regiona səfər etməsi üçün danışıqlar gedir
|
|
YUNESKO və Avropa Şurasının Faktaraşdırıcı Missiyasının Azərbaycanın işğal altındakı mədəniyyət abidələrilə əlaqədar regiona səfər etməsi üçün danışıqlar gedir. KƏLAMİNFO xəbər verir ki, bu barədə mədəniyyət və turizm naziri Əbülfəs Qarayev jurnalistlərə açıqlamasında bildirib.
Onun sözlərinə görə, artıq bir neçə ildir nəzərdə tutulan bu səfərlərin gecikməsinə Ermənistan tərəfinin göstərdiyi əngəllər səbəb olur. Nazir danşıqların bu gün də davam etdiyini, lakin bu səfərin reallaşması üçün erməni tərəfinin də razılığının olmasını vurğulayıb. “Qarşı tərəfin müxtəlif bəhanələrlə əngəllərinə baxmayaraq, Azərbaycan bu səfərin tərəfdarıdır. Səfərin həyata keçirilməsi üçün bir sıra şərtlər var və biz bu şərtlərə daim riayət edirik”, - deyə Ə.Qarayev söyləyib.
|
|
28.01.10 Məqaləni oxumaq
|
| |
|
|
|
“Silahlı münaqişələr zamanı mədəni dəyərlərin qorunması” mövzusunda konfrans keçiriləcək
|
|
Sabah Mədəniyyət və Turizm Nazirliyi və Beynəlxalq Qırmızı Xaç Komitəsinin (BQXK) təşkilatçılığı ilə “Silahlı münaqişələr zamanı mədəni dəyərlərin qorunması” mövzusunda konfrans keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər.
Konfransı giriş sözü ilə mədəniyyət və turizm naziri Əbülfəs Qarayev açacaq.
BQXK-nin Bakı nümayəndəliyinin rəhbəri Antun Vandenhov Mədəni dəyərlərin qorunması üzrə beynəlxalq hüquqi çərçivə mövzusunda çıxış edəcək.
BQXK-nın Şərqi Avropa və Mərkəzi Asiya üzrə Əməliyyatlarının rəhbəri, xanım Pasqal Mej Vaqner rəqabətli prioritetlər: mədəni dəyərlərin qorunması məsələsinin humanitar hüququn gündəliyinə daxil edilməsi, BQXK-nın Regional nümayəndəliyinin üzvü xanım Anastasiya Kuşleyko silahlı münaqişə zamanı mədəni dəyərlərin mühafizəsinin məqsəd və prinsipləri: mədəni dəyərlərin mühafizəsinə dair 1954-cü il Haqa Konvensiyası və Konvensiyaya əlavə iki protokol mövzusunda çıxış edəcək.
|
|
27.01.10 Məqaləni oxumaq
|
| |
|
|
|
|
|
Bakıda “İstanbul Fashion Show” adlı moda sərgisi təşkil ediləcək
|
|
Meridyen Beynəlxalq Sərgi Şirkəti (MBSŞ) və OTİAD (Osmanbəy Türk İş Adamları Dərnəyi) birgə dünyanın 40-dan çox geyim şirkətləri ilə əməkdaşlıq çərçivəsində yanvarın 28-30-da Bakıda “İstanbul Fashion Shovv” adlı moda sərgisi təşkil edəcək. Bu məqsədlə bu gün təşkilatçılar Bakıda mətbuat konfransı keçiriliblər. KƏLAMİNFO xəbər verir ki, mətbuat konfransında çıxış edən MBSŞ-in baş direktoru Alper Çekic təmsil etdiyi şirkətin 1998-ci ildə İstanbulda təsis olunduğunu söyləyib.
O, qeyd edib ki, indiyədək MBSŞ dünyanın bir çox ölkələrində uğurlu sərgilərə imza atıb. Azərbaycanda son bir il ərzində 32 mln ABŞ dolları həcmində türk geyimlərinin satıldığını diqqətə çatdıran A.Çekic Rusiya, Qazaxıstan və Özbəkistanda keçirdikləri sərgidən sonra ölkəmizdə də bu cür tədbir keçirmək istədiklərini vurğulayıb. A.Çekic sərginin keçirilməsində məqsədin həmin şirkətlərin keyfiyyətli brendlərinin ölkəmizdə dayanıqlı bazara sahib olmasını təmin etməkdən ibarətdir. Şirkət rəsmisi qeyd edib ki, növbəti illərdə də Azərbaycanda belə sərgilər davam etdiriləcək.
Qeyd edək ki, sərgi yanvarın 28-30-u tarixlərində Heydər Əliyev adına İdman Konsert Kompleksində keçiriləcək.
|
|
23.01.10 Məqaləni oxumaq
|
| |
|
|
|
Bakıda rəssamlar üçün müsabiqə elan olunub
|
|
Bakıda rəssamlar üçün “20 Yanvar” faciəsinə həsr edilmiş müsabiqə elan olunub. Müsabiqə Mədəniyyət və Turizm Nazirliyi və Rəssamlar İttifaqı tərəfindən keçiriləcək. Bu barədə məlumatı KƏLAMİNFO-ya Rəssamlar İttifaqından veriblər.
Müsabiqənin şərtləri yaxın vaxtlarda İttifaq tərəfindən elan ediləcək, nəticələri isə 2011-ci ilin 20 yanvarında məlum olacaq.
|
|
22.01.10 Məqaləni oxumaq
|
| |
|
|
|
Mədəniyyət və Turizm Nazirliyi Azərbaycanda ən qədim kitab, əlyazma və kitab abidələri müəyyən edir
|
|
Mədəniyyət və Turizm Nazirliyində respublikada mövcud olan unikal və nadir nüsxəli kitabların, xüsusi əhəmiyyətli nəşrlərin, əlyazmaların aşkar edilməsi işinə başlanılıb. Bu barədə məlumatı KƏLAMİNFO-ya nazirliyin mətbuat xidmətindən veriblər.
Mədəniyyət və Turizm Nazirliyi tərəfindən Azərbaycanda milli-mədəni irsin mühafizəsi və gələcək nəsillərə çatdırılması sahəsində dövlət siyasətinin müəyyən etdiyi qanunvericilik aktları və digər qanun və sərəncamlara müvafiq olaraq “Kitab abidələri haqqında” Əsasnamə hazırlanıb.
|
|
20.01.10 Məqaləni oxumaq
|
| |
|
|
|
Azərbaycan Litvada keçiriləcək turizm sərgisində iştiak edəcək
|
|
Fevralın 26-28-i tarixlərində Litvanın paytaxtı Vilnüs şəhərində “Vivat-Tur” beynəlxalq turizm sərgisi keçiriləcək. Sərgidə Azərbaycanı Mədəniyyət və Turizm Nazirliyinin iki əməkdaşı təmsil edəcək. Bu barədə məlumatı KƏLAMİNFO-ya Mədəniyyət və Turizm Nazirliyinin turizm şöbəsindən veriblər.
“Sərgidə Azərbaycanın turizm imkanları 24 kv. metr stend vasitəsilə nümayiş olunacaq. Burada Azərbaycanın görməli yerləri, mehmanxana turizm obyektləri, tarixi-memarlıq abidələri xüsusi reklam çap məhsulları vasitəsilə nümayiş olunacaq”,-deyə məlumatda bildirilib.
|
|
19.01.10 Məqaləni oxumaq
|
| |
|
|
|
Səhifələr : # « 70 71 72 73 74 75 76 77 78 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
