Kelam Jurnalı - Mədəniyyət

Londonun nüfuzlu Sothebys qalereyasında Buta festivalının təşkilatçılığı və Böyük Britaniyadakı səfirliyin dəstəyi ilə dünya şöhrətli azərbaycanlı rəssam Tahir Salahovun əsərlərindən ibarət sərginin açılış mərasimi keçirilib. вЂњGörünməmiş SalahovвЂќ adlanan sərgidə tanınmış rəssamın Azərbaycan həyatının müxtəlif çalarlarını təsvir edən 30-dan artıq əsəri nümayiş etdirilib. Bu barədə məlumatı KƏLAMİNFO-ya səfirliyin mətbuat xidmətindən veriblər. Açılış mərasimində Londonda akkreditə olunmuş səfirlər, diplomatik korpusun üzvləri, britaniyalı sənətsevərlər, bu ölkədə yaşayan Azərbaycan, türk və rus icmalarının nümayəndələri, jurnalistlər iştirak ediblər. Tədbiri giriş sözü ilə Buta festivalının Baş direktoru Nəsib Piriyev açıb. O, tanınmış rəssamın həyat və yaradıcılığı haqda iştirakçılara məlumat verib.

19.02.10

Məqaləni oxumaq

Milli Teatr Festivalı keçiriləcək

Cari ilin fevral ayından başlayaraq il ərzində Bakıda Milli Teatr Festivalı keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər. Festivalda respublikada fəaliyyət göstərən 27 müxtəlif teatr iştirak edəcək. Aktyor Evinin foyesində Azərbaycan teatrının 137 illik tarixini əks etdirən səyyar sərgi nümayiş etdiriləcək. Festival çərçivəsində tanınmış teatr tənqidçiləri, aktyor və rejissorların iştirakı ilə Dəyirmi masanın keçirilməsi də nəzərdə tutulub. Tədbirlərin yüksək səviyyədə təşkili üçün Təşkilat Komitəsi yaradılıb və tənqidçilər qrupunun tərkibi təsdiq edilib.

18.02.10

Məqaləni oxumaq

Azərbaycan kino festivalında təmsil olunur

Bu gün Türkiyədə, İstanbul Universitetində Avrasiya İnstitutunun təşkilatçılığı ilə IV Türk Dünyası Kino Günləri Festivalı keçirilir. KƏLAMİNFO Türkiyə mətbuatına istinadən xəbər verir ki, fevralın 18-nə qədər keçiriləcək Festivalda Azərbaycan da təmsil olunacaq. Festivalda Azərbaycan, Qazaxıstan, Qırğızıstan, Özbəkistan, Türkmənistan, Tacikistan, Sincan Uyğur Avtonom Bölgəsi, Başqırdıstan və Tatarıstandan 39 film nümayiş olunacaq. Türkiyə Mədəniyyət və Turizm Nazirliyi, İstanbul Bələdiyyəsi, Mədəniyyət AŞ, TİKA və TÜRKSOY-un da dəstəklədiyi festivalda İstanbulun 2010 Avropa Mədəniyyət Paytaxtı elan olunması çərçivəsində Türk xalqlarının kino vasitəsilə tanıdılması məqsədi qarşıya qoyulub. Festivalda nümayiş olunacaq filimlər müxtəlif festivallarda iştirak etmiş və bir çox mükafatlar qazanmış ekran əsərləridir. Qeyd edək ki, Festivalda Özbəkistandan вЂњDəliqanlıвЂќ, Tatarıstandan вЂњQartallarвЂќ, Azərbaycandan вЂњMəhkumlarвЂќ, Türkiyədən вЂњGülə-güləвЂќ, Başqırdıstandan вЂњQuş Ayağı rəhmətвЂќ və digər filmlər nümayiş olunacaq.

16.02.10

Məqaləni oxumaq

GVB вЂњXocalı - XX əsrin ən dəhşətli faciəsidirвЂќ mövzusunda tədbir keçirib

Gənc Vətənpərvərlər Birliyi вЂњXocalı - XX əsrin ən dəhşətli faciəsidirвЂќ mövzusunda tədbir keçirib. GVB-dən KƏLAMİNFO-ya verilən məlumata görə, tədbirdə birliyin İdarə Heyəti, rayon şöbələrinin müdirləri, İdman Federasiyalarının nümayəndələri, məşqçilər, idmançılar, birliyə üzv olan təşkilatların, QHT və KİV təmsilçiləri iştirak ediblər. Tədbirdə əvvəlcə bütün şəhidlərin və ümummilli lider Heydər Əliyevin xatirəsi bir dəqiqəlik sükutla yad edilib. GVB-in sədri, fəxri bədən tərbiyəsi və idman işçisi Müqamət Əliyev bildirib ki, birliyin qərarı ilə fevral Xocalı faciəsi ayı elan olunub. O, tədbir iştirakçılarının diqqətinə çatdırıb ki, bu məqsədlə yaradılan Təşkilat Komitəsi tərəfindən respublika üzrə silsilə tədbirlər keçiriləcək. M.Əliyev 1992-ci il fevralın 25-dən 26-a keçen gecə Ermənistan Silahlı Qüvvələri tərəfindən Xocalı şəhərinin işğalı zamanı 613 dinc əhalinin, o cümlədən 63 uşaq, 106 qadın, 70 qocanın amansızlıqla öldürüldüyünü söyləyib. Sonda tədbir iştirakçılarına Xocalı faciəsi haqqında braşuralar paylanıb və Xocalı abidəsi yad edilib.

13.02.10

Məqaləni oxumaq

вЂњQarabağ ProblemiвЂќ kitabının təqdimat mərasimi keçirildi

Bu gün Mediya Mərkəzində Prezident yanında QHT-lərə Dövlət Dəstəyi Şurasının maliyyə dəstəyi və Araz Tədqiqatlar Mərkəzi tərəfindən nəşr olunan вЂњQarabağ ProblemiвЂќ kitabının təqdimat mərasimi keçirildi. KƏLAMİNFO xəbər verir ki, tədbirdə çıxış edən kitabın müəllifi Araz Aslanlı bildirdi ki, kitabda Azərbaycan ərazilərinin Ermənistan tərəfindən işğalı probleminin kökləri, bu günkü vəziyyət, problemin həllinə dair əsas prinsiplər və digər mühüm məsələlər əks olunub. O qeyd etdi ki, Nazim Cəfərsoyun elmi redaktorluğu ilə 1000 nüsxə nəşr olunan kitab Azərbaycan və ingilis dillərində işıq üzü görüb və kitabın digər xarici dillərdə nəşri də nəzərdə tutulub. Millət vəkili Cəmil Həsənli isə bildirdi ki, Qarabağ problemi Azərbaycana sovetlər hakimiyyəti illərində gətirilib. Qarabağla bağlı xarici dillərdə nəşr olunan kitablarda вЂњNaqornı QarabağвЂќ ifadəsinin işlədilməsini düzgün hesab etməyən C.Həsənli təklif edib ki, bu cür həssas məqamlardan bəhs edən kitablarda maliyyə mənbəyi olan təşkilatın adının qeyd olunması düzgün deyil. Onun sözlərinə görə, beynəlxalq aləmdə hansısa təşkilatın maliyyə dəstəyi ilə nəşr olunan kitablar tərəfli kitablar hesab olunur.

12.02.10

Məqaləni oxumaq

вЂњİrəvan xanlığı. Rusiya işğalı və ermənilərin Şimali Azərbaycan torpaqlarına köçürülməsiвЂќ kitabının təqdimat mərasimi keçirilib

Bu gün Yeni Azərbaycan Partiyasının (YAP) təşkilatçılığı ilə AMEA-nın A.A.Bakıxanov adına Tarix İnstitutu və вЂњRegionların İnkişafıвЂќ İctimai Birliyinin birgə layihəsi olan вЂњİrəvan xanlığı. Rusiya işğalı və ermənilərin Şimali Azərbaycan torpaqlarına köçürülməsiвЂќ kitabının təqdimat mərasimi keçirilib. KƏLAMİNFO xəbər verir ki, mərasimi giriş sözü ilə açan YAP sədrinin müavini - icra katibi Əli Əhmədov bildirib ki, kitab Cənubi Qafqazın tarixində mühüm rol oynamış Azərbaycan dövlətlərindən birindən - İrəvan xanlığından bəhs edir. Onun sözlərinə görə, hər bir millət üçün ən böyük itki torpaqlarının itirilməsidir. Ə.Əhmədov kitabın rus və ingilis dillərinə tərcümə edilərək dünya ictimaiyyətinə təqdim ediləcəyini söyləyib.

11.02.10

Məqaləni oxumaq

Bərdədə regionlarda yaradılan ilk Elektron Kitabxananın açılış mərasimi keçiriləcək

Sabah Bərdə rayonu Mərkəzi Kitabxanasında Azərbaycan regionlarında yaradılan ilk Elektron Kitabxananın açılış mərasimi keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər. Təqdimat mərasimində mədəniyyət və turizm naziri Əbülfəs Qarayev, Bərdə rayon İcra Hakimiyyətinin başçısı İlham Ağayev, rayon ictimaiyyəti, ziyalılar, mədəniyyət müəssisələrinin əməkdaşları iştirak edəcəklər. Bərdə rayonunda yaradılmış ilk Elektron Kitabxana rayon Mərkəzi Kitabxanasında təşkil olunub. Kitabxana üçün xüsusi Avtomatlaşdırılmış Kitabxana - İnformasiya Sistemi alınıb, habelə kitabxananın Veb-saytı (http://www.barda-mks.az) yaradılaraq oxucuların istifadəsinə təqdim edilib. Kitabxananın binası əsaslı təmir olunub, müasir inventar və avadanlıqlarla təchiz edilib. Veb-saytda Elektron Kataloq və Elektron Kitabxana vasitəslə oxuculara kitabxananın resursları, habelə kitabların tam mətni təqdim olunur.

08.02.10

Məqaləni oxumaq

Gəncə şəhəri Azərbaycanın вЂњƏfsanələr PaytaxtıвЂќ, Şəki, вЂњSənətkarlıq PaytaxtıвЂќ Qazax isə вЂњFolklor PaytaxtıвЂќ elan edilib

Mədəniyyət və Turizm Nazirliyi вЂњ2010-2014-cü illər üçün Xalq Yaradıcılığı PaytaxtlarıвЂќ Proqramını təsdiq edib. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər. Proqramın icrası ilə əlaqədar diyarşünaslıq, folklor və sənətkarlıq nominasiyaları üzrə daxil olmuş təkliflər müvafiq namizəd şəhərlərin ümumi hazırlığı, tarixi ənənələri və digər amillər nəzərə alınmaqla təhlil edilib. Milli folklor ustaları və kollektivlərinin, sənətkarların, milli adət-ənənələrin və eyni zamanda respublikanın şəhər və rayonlarının beynəlxalq səviyyədə tanıdılması, daxili və xarici turizmin inkişafı, habelə Mədəniyyət və Turizm Nazirliyinin вЂњ2010-2014-cü illər üçün Xalq Yaradıcılığı PaytaxtlarıвЂќ Proqramının icrasını təmin etmək məqsədilə 2010-cu il üçün Gəncə şəhəri вЂњAzərbaycanın Əfsanələr PaytaxtıвЂќ, Şəki şəhəri вЂњAzərbaycanın Sənətkarlıq PaytaxtıвЂќ və Qazax şəhəri вЂњAzərbaycanın Folklor PaytaxtıвЂќ elan edilib.

03.02.10

Məqaləni oxumaq

Bakıda dahi bəstəkar Qara Qarayevin yubileyi qeyd olunacaq

Fevralın 3-də Azərbaycan Musiqi Mədəniyyəti Dövlət Muzeyində görkəmli bəstəkar, SSRİ xalq artisti, Dövlət mükafatları laureatı Qara Qarayevin anadan olması münasibətilə tədbir keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər. Mərasimdə bəstəkarlardan Azərbaycanın xalq artisti Musa Mirzəyevin, əməkdar incəsənət xadimi Asya Sultanovanın, Qara Qarayevin oğlu Fərəc Qarayevin çıxışları nəzərdə tutulub. Tədbirdə muzeyin direktoru, əməkdar mədəniyyət işçisi Alla Bayramova Qara Qarayevin Sankt-Peterburqdan Azərbaycana gətirilmiş irsinin bir hissəsi barədə məlumat verəcək. İştirakçılara Qara Qarayevin əsərlərindən ibarət konsert proqramı da təqdim olunacaq.

01.02.10

Məqaləni oxumaq

Y.Mahmudov: вЂњBir sıra heykəllərin götürülməsi düzgün və cəsarətli addımdırвЂќ

Çox təəssüf edirəm ki, Məşədi Əzizbəyov o vaxt Stepan Şaumyanla Nəriman Nərimanov kimi davranmayıb, onun hərəkətlərini tənqid etməyib. KƏLAMİNFO xəbər verir ki, bu fikirləri Azərbaycan Milli Elmlər Akademiyası (AMEA) Tarix İnstitutunun direktoru, professor Yaqub Mahmudov Yeni Azərbaycan Partiyasının (YAP) qərargahında keçirilən mətbuat konfransında söyləyib. Y.Mahmudov qeyd edib ki, gərək M.Əzizbəyov Şaumyana qoşulmayaydı. Onun sözlərinə görə, ən azı o, daşnakların məhv edilməsi xəttini tutmalı idi. вЂњAmma ondan istifadə etdilərвЂќ,-deyərək təəssüflənən Y.Mahmudov əlavə edib ki, aparılan tədqiqatlar sübut edir ki, M.Əzizbəyovu вЂњ26-larвЂќa beynəlmiləlçi görkəm verməkdən ötrü əlavə ediblər. вЂњÇox təəssüf ki, Məşədi Əzizbəyov Biləsuvar, Salyan bölgəsində cəza dəstələrinə başçılıq edib və kütləvi qırğınlar həyata keçirib. Bunu sübut edən faktlar da var. вЂњ26-larвЂќ soyqırım cəlladlarıdır. Onların ümumi abidələri, Çaparidze də daxil olmaqla digərlərinin heykəlləri götürüldü. Bunlar hamısı o deməkdir ki, Azərbaycanda bu iş artıq başlayıb. Bu, çox düzgün və cəsarətli addımdır. Güman edirəm ki, bu addımlar davam edəcəkвЂќ,-deyən Y.Mahmudov tarixin keçmiş qaranlığına aydınlıq gətrib.