Kelam Jurnalı - Mədəniyyət

Peterburq Ermitaj Muzeyinin əməkdaşları ölkəmizdə səfərdədirlər. Bu barədə məlumatı KƏLAMİNFO-ya Mədəniyyət və Turizm Nazirliyinin muzey sektorunun müdiri Azadə Hüseynova verib. Onun sözlərinə görə, muzey əməkdaşlarının ölkəmizə səfərinin məqsədi Azərbaycanın Dövlət İncəsənət Muzeyi ilə qarşılıqlı əməkdaşlıqla bağlı müqavilə imzalamaqdır. Sektor müdiri bu günlərdə imzalanacaq müqavilənin əsasında məşhur Ermitaj Muzeyinin ekspozisiyasının Azərbaycan Dövlət İncəsənət Muzeyində sərgilənəcəyini də bildirib. A.Hüseynova qeyd edib ki, layihənin qarşılıqlı həyata keçiriləcəyi nəzərdə tutulub.

09.03.10

Məqaləni oxumaq

Azərbaycanın turizm potensialı Berlin və Moskvada keçirilən beynəlxalq sərgilərdə nümayiş olunacaq

Martın 10-14-də Berlin şəhərində вЂњATB-BerlinвЂќ beynəlxalq turizm sərgisi keçiriləcək. Mədəniyyət və Turizm Nazirliyindən KƏLAMİNFO-ya verilən məlumata görə, sərgidə ölkəmizi nazirliyin əməkdaşı Günay Fərədova təmsil edəcək. Sərgidə Azərbaycanın turizm potensialı 104 kv.metr stendlə təbliğ olunacaq. вЂњSərgidə Azərbaycanın turizm potensialı, görməli yerləri, tarixi abidələri, mehmanxana turizm obyektləri xüsusi reklam çap məhsulları vasitəsilə nümayiş olunacaqвЂќ,-deyə məlumatda bildirilir. Sərgidə iştirak etmək üçün Dövlət Mahnı və Rəqs Ansamblının 6 üzvü, Muğam üçlüyü, İTV-nin çəkiliş qrupu da Berlinə ezam olunacaq. Martın 13-16-da Moskvada keçiriləcək вЂњİnturmarketвЂќ adlı digər bir beynəlxalq turizm sərgisində isə Azərbaycanı Mədəniyyət və Turizm Nazirliyi turizm şöbəsinin əməkdaşı Leyla Verdiyeva, Bakı Turizm İnformasiya Mərkəzinin direktor əvəzi Zakir Hacıyev, mərkəzin əməkdaşı Balaş Maqsudov təmsil edəcək. вЂњİnturmarketвЂќ sərgisində ölkəmizin turizm potensialının nümayiş olunması üçün 40 kv.metr stend icarəyə götürüləcək.

05.03.10

Məqaləni oxumaq

Dövlət Film Fondunun arxivi zənginləşib

Dövlət Film Fonduna Rusiya vətəndaşının şəxsi arxivindən nadir arxiv sənədləri daxil olub. Bu barədə məlumatı KƏLAMİNFO-ya Dövlət Film Fondundan veriblər. Sənədlər Azərbaycan kino filmləri haqqında 60-70-ci illərdə müxtəlif jurnallarda dərc olunmuş məqalələrdən ibarətdir.

04.03.10

Məqaləni oxumaq

Mədəniyyət və Turzim Nazirliyi sərgi təşkil edəcək

Cari il martın 5-də Mədəniyyət və Turizm Nazirliyi R.Mustafayev adına Azərbaycan Dövlət İncəsənət Muzeyində 8 mart вЂ“ Beynəlxalq Qadınlar Günü münasibətilə вЂњQadın ətriвЂќ adlı sərgi planlaşdırıb. Bu barədə məlumatı KƏLAMİNFO-ya Mədəniyyət və Turzim Nazirliyinin mətbuat xidmətindən veriblər. Müxtəlif nəsillərə məxsus sənətkarlarımızın yaradıcılığını təmsil edən bu sərgidə eyni zamanda müxtəlif üslub və cərəyanlar öz əksini tapıb. Tədbirə вЂњGazelliвЂќ şirkəti də qoşulub. Mədəniyyət, incəsənət və xüsusi ilə muzey sahəsində böyük zəhməti olan xanımları вЂњGazelliвЂќ şirkəti xüsusi hədiyyələrlə təbrik edəcək.

01.03.10

Məqaləni oxumaq

Azərbaycanın şəhər və rayonlarının turizm potensialı ilə bağlı sərgi keçiriləcək

Aprelin 28-də Heydər Əliyev adına İdman və Konsert Kompleksində Azərbaycanın şəhər və rayonlarının turizm potensialı ilə bağlı geniş miqyasda sərgi keçiriləcək. KƏLAMİNFO xəbər verir ki, bu barədə məlumatı mədəniyyət və turizm naziri Əbülfəs Qarayev keçirdiyi mətbuat konfransında deyib. вЂњTurizm sərgisində Şəki, Gəncə və Qazaxın xüsusi stendləri qurulacaq. Bu, digər rayon və şəhərlərimizə də aiddir. Çoxsaylı beynəlxalq qonaqlara geniş məlumatlar veriləcəkвЂќ,-deyən Ə.Qarayev artıq sərginin keçirilməsi istiqamətində hazırlıq işlərinə başlanıldığını və bu prosesin qeyd olunan tarixə qədər başa çatdırılacağını vurğulayıb.

25.02.10

Məqaləni oxumaq

Gəncə, Qazax və Şəki Azərbaycanın mədəniyyət paytaxtı elan olunub

Bu gün Mədəniyyət və Turizm Nazirliyində Azərbaycanın bir sıra şəhər və rayonlarının 2010-cu ilin mədəniyyət paytaxtları elan olunması ilə bağlı tədbir keçirildi. KƏLAMİNFO xəbər verir ki, tədbirdə çıxış edən mədəniyyət və turizm naziri Əbülfəs Qarayev bildirdi ki, ölkə prezidenti İlham Əliyevin apardığı siyasət nəticəsində Azərbaycan mədəniyyəti inkişaf edib və bu irəliləyişlər ölkə hüdudlarından kənarda da hiss olunur. Mədəniyyətimizin təbliği sahəsində Heydər Əliyev Fondunun prezidenti Mehriban Əliyevanın da böyük işlər gördüyünü diqqətə çatdıran Ə.Qarayev qeyd etdi ki, bu istiqamətdə görülən işlər beynəlxalq ictimaiyyət tərəfindən də maraqla izlənilir. Bu il görüləcək işlərə toxunan Ə.Qarayev nazirlik tərəfindən вЂњ2010-2014-cü ilər üçün Xalq Yaradıcılığı PaytaxtlarıвЂќ Proqramının təsdiq olunduğunu söylədi.

24.02.10

Məqaləni oxumaq

Azərbaycanın qeyri-maddi irsinin siyahısı hazırlanacaq

Mədəniyyət və Turizm Nazirliyi tərəfindən Azərbaycanın qeyri-maddi irsinin siyahısı hazırlanacaq. KƏLAMİNFO xəbər verir ki, bu barədə məlumatı mədəniyyət və turizm naziri Əbülfəs Qarayev keçirdiyi mətbuat konfransında səsləndirib. Onun sözlərinə görə, sözügedən siyahıda Azərbaycan ənənələri, musiqisi, toy mərasimlərinin keçirilməsi, hətta at üstündə oyunlar da yer alacaq.

24.02.10

Məqaləni oxumaq

вЂњPaytaxtdan bölgələrəвЂќ adlı silsilə sərgilər keçiriləcək

Mədəniyyət və Turizm Nazirliyi tərəfindən Sumqayıt, Mingəçevir, Şirvan şəhərlərində, Salyan, Biləsuvar, Cəlilabad, Masallı, Saatlı, Kürdəmir və Xaçmaz rayonlarında вЂњPaytaxtdan bölgələrəвЂќ adlı layihə çərçivəsində silsilə sərgilər keçiriləcək. Bu barədə məlumatı KƏLAMİNFO-ya nazirliyin mətbuat xidmətindən veriblər. Təşkil olunan sərgilərdə nümayiş etdiriləcək əsərlər Azərbaycan Dövlət Rəsm Qalereyası Fondundan seçilib. Təsdiq olunmuş qrafik üzrə ilk sərginin açılışı sabah Salyan Dövlət Rəsm Qalereyasında keçiriləcək. Sərgi Salyanda fevral ayının 28-dək davam edəcək.

23.02.10

Məqaləni oxumaq

Mədəniyyət və Turizm Nazirliyi вЂњÇal oyna-2010вЂќ baxış-müsabiqəsini keçirir

Mədəniyyət və Turizm Nazirliyi bu gündən fevralın 28-dək özfəaliyyət rəqs kollektivlərinin вЂњÇal oyna-2010вЂќ baxış-müsabiqəsini keçirir. Bu barədə məlumatı KƏLAMİNFO-ya nazirliyin mətbuat xidmətindən veriblər. Abşeron, Masallı, Mingəçevir və Zaqatala rayonlarında keçirilən müsabiqədə yaşından asılı olmayaraq mədəniyyət müəssisələri nəzdində fəaliyyət göstərən rəqs kollektivləri, habelə solo ifaçıları iştirak edir. Müsabiqənin qalibləri nazirliyin əmri ilə yaradılmış Münsiflər Heyətinin qərarı ilə müəyyənləşəcək. Qaliblərə mükafat və diplomlar təqdim olunacaq.

22.02.10

Məqaləni oxumaq

вЂњEurovision-2010вЂќ mahnı müsabiqəsində Azərbaycanı təmsil edəcək şəxs martın 2-də bəlli olacaq

Martın 2-də вЂњButaвЂќ sarayında вЂњEurovision-2010вЂќ mahnı müsabiqəsində Azərbaycan təmsilçisinin seçilməsi üçün milli final konserti keçiriləcək. вЂњEurovisionвЂќ üzrə Azərbaycanın musiqi əlaqələndiricisi Zəhra Bədəlbəyli KƏLAMİNFO-ya bildirib ki, finala vəsiqə qazanmış üç namizəd - Məryəm Şabanova, Səfurə Əlizadə və Milk&Kisses qrupu Azərbaycanı Osloda keçiriləcək 55-ci вЂњEurovisionвЂќ müsabiqəsində təmsil etmək uğrunda mübarizə aparacaqlar. Onlar 5 əcnəbi bəstəkarın Kiyevdə yazdırdıqları mahnıları milli münsiflərin və tamaşaçıların qarşısında nümayiş etdirəcəklər. Həmin gün cari ilin mayında keçiriləcək вЂњEurovision-2010вЂќ mahnı yarışmasında Azərbaycanı təmsil edəcək musiqiçi və orada ifa oluncaq mahnı müəyyənləşdiriləcək.