|
|
Səhifələr : # « 67 68 69 70 71 72 73 74 75 » #
|
|
Uşaq musiqi və incəsənət məktəbləri xor kollektivlərinin II respublika baxışı keçirilir
|
|
Mədəniyyət və Turizm Nazirliyi Uşaq musiqi və incəsənət məktəbləri xor kollektivlərinin II respublika baxışını keçirir. Bu barədə məlumatı KƏLAMİNFO-ya nazirliyin mətbuat xidmətindən veriblər.
Baxış cari il 2-27 aprel tarixlərində zonalar üzrə Bakı, Gəncə, Lənkəran, Naxçıvan, Sumqayıt, Şəki, Şirvan, Mingəçevir şəhərlərində, Ağcabədi rayonunda keçiriləcək. Burada respublikanın uşaq musiqi və incəsənət məktəblərinin xor kollektivləri iştirak edəcək. Baxışda müxtəlif xarakterli, iki və daha çox səsli dörd əsər, o cümlədən bir əsər capella ifa olunmalıdır. Proqrama klassik dünya musiqi nümunələri, Azərbaycan bəstəkarlarının əsərləri və xalq mahnıları daxil edilə bilər.
|
17.03.10 Məqaləni oxumaq
|
| |
|
|
|
Akademik Fərəməz Maqsudovun anadan olmasının 80 illik yubileyi ilə bağlı konfrans keçirilib
|
|
Bu gün Azərbaycan Milli Elmlər Akademiyası (AMEA) Rəyasət Heyətində akdemik Fərəməz Maqsudovun anadan olmasının 80 illik yubileyi ilə bağlı konfrans keçirilib. KƏLAMİNFO xəbər verir ki, konfransda çıxış edən AMEA-nın prezidenti Mahmud Kərimov mərhum akademikin həyat və yaradıcılığından bəhs edib. O qeyd edib ki, F.Maqsudovun Azərbayan elminin dünya elmi ilə əlaqələndirilməsində böyük rolu olub. Onun sözlərinə görə, F.Maqsudov irsi, onun yaratdığı məktəb və ideya bu gün də yaşayır və gələcəkdə gənc nəsil tərəfindən davam etdiriləcək.
Akdemik Akif Hacıyev də F.Maqsudovun yaradılcılıq fəaliyyətinə nəzər salıb. O bildirib ki, F.Maqsudovun Azərbaycan elminin inkişafında mühüm rolu olub, həmçinin onun rəhbərliyi ilə çoxsaylı alimlər yetişib.
Qeyd edək ki, konfransda iştirak edən digər natiqlər də mərhum akademikin geniş yaradıcılıq fəaliyyətindən bəhs ediblər.
|
|
17.03.10 Məqaləni oxumaq
|
| |
|
|
|
Bütün ölkə üzrə “Azərbaycan Kino Həftəsi” keçiriləcək
|
|
Cari il aprelin 6-10-u arası Mədəniyyət və Turizm Nazirliyi tərəfindən ölkədə “Azərbaycan Kinosu Həftəsi” keçiriləcək. Bu barədə məlumatı KƏLAMİNFO-ya nazirliyin mətbuat xidmətindən veriblər.
Həftə “Azərbaycanfilm” kinostudiyasının yeni istehsal etdiyi “Niyyət” bədii filminin Heydər Əliyev Sarayında təqdimatı ilə başlayacaq. Ölkənin bir sıra regionlarında, o cümlədən Sabirabad, Dəvəçi, Şirvan, Hacıqabul, Xaçmaz, Xırdalan, Göyçay, Gəncə və Yevlaxda son iki ildə müxtəlif studiyalarda çəkilmiş bədii filmlər tamaşaçılara təqdim olunacaq. Son illərdə gənclərin yaratdıqları qısametrajlı bədii filmlərdən bir neçəsi Sumqayıtda, eləcə də Mədəniyyət və İncəsənət Universitetində nümayiş etdiriləcək. Həftənin proqramına uşaq evlərində, hərbi hissələrdə baxışlar daxil edilib.
|
|
17.03.10 Məqaləni oxumaq
|
| |
|
|
|
GVB “Novruz Bayramı Birlik qardaşlıq bayramıdır” mövzusunda tədbir keçirib
|
|
Gənc Vətənpərvərlər Birliyi (GVB) “Novruz Bayramı Birlik qardaşlıq bayramıdır” mövzusunda tədbir keçirib. Bu barədə məlumatı KƏLAMİNFO-ya GVB-dən veriblər.
Tədbirdə Birliyin İdarə Heyətinin üzvləri, müşavirlər, idman federasiyalarının nümayəndələri, məşqçilər, idmançılar və valideynlər iştirak ediblər.
Tədbirdə çıxış edən GVB-in sədri, fəxri bədən tərbiyəsi və idman işçisi Müqamət Əliyev Azərbaycan xalqını Novruz bayramı münasibətilə təbrik edib. O, bildirib ki, əsrlərdən, qərinələrdən keçərək bu günümüzə qədər gələn Novruz bayramı ölkəmizdə geniş qeyd olunur. M.Əliyev Novruz bayramının bir cox Türk və müsəlman ölkələrində, o cümlədən Orta Asiyada və Azərbaycanda qeyd olunduğunu söyləyib. Bildirib ki, qədim dövrlərdən bu yana xalqımız Novruzu yeni ilin başlanğıcı hesab edib, onu bolluq, bərəkət və firavanlığın əzəli kimi rəmzləşdirib. M.Əliyev Azərbaycanın odlar ölkəsi kimi odla bağlı zəngin ənənələrə malik olduğunu, Novruz bayramının təbiətin oyanması, əkinçilik təsərrüfatının başlanması ilə bağlı qeyd olunduğunu söyləyib.
|
|
16.03.10 Məqaləni oxumaq
|
| |
|
|
|
“Azərbaycan: beynəlxalq münasibətlər və diplomatiya tarixi 1639-1828” kitabının I cildinin təqdimat mərasimi keçirilib
|
|
Bu gün Azərbaycan Milli Elmlər Akademiyası (AMEA) Rəyasət Heyətində Regionların İnkişafı İctimai Birliyinin dəstəyi, AMEA Tarix İnstitutunun direktoru, professor Yaqub Mahmudov və Kərim Şükürovun müəllifliyi ilə 4 cilddə işıq üzü görən “Azərbaycan: beynəlaxalq münasibətlər və diplomatiya tarixi 1639-1828” kitabının I cildinin təqdimat mərasimi keçirilib. KƏLAMİNFO xəbər verir ki, tədbiri giriş sözü ilə AMEA-nın birinci vitse-prezidenti Arif Həşimov açıb və kitabın ərsəyə gəlməsində əməyi olan şəxslərə minnətdarlığını bildirib.
Y.Mahmudov isə son vaxtlar Azərbaycan elmi ictimaiyyətinin Tarix İnstitutunun fəaliyyətinə böyük maraq göstərdiklərini söyləyib. Ölkəmizin tarixi və diplomatiyasından bəhs edən Y.Mahmudov bildirib ki, Azərbaycanın 5 min illik tarixi var və o, indikindən böyük əraziləri əhatə edib.
|
|
16.03.10 Məqaləni oxumaq
|
| |
|
|
|
Film Fondu Azərbaycanın 100 ilə yaxın film ehtiyatlarını saxlamaq qabiliyyətinə malikdir
|
|
Dövlət Film Fondunun (DFF) yeni istifadəyə verilən binası müasir standartlara uyğun formalaşdırılıb. Yeni binada 300 min saxlama vahidinə bərabər 18 saxlama boksu yaradılıb. Bu barədə KƏLAMİNFO-ya müsahibəsində Fondun direktoru Cəmil Quliyev məlumat verib.
Onun sözlərinə görə, yeni yaradılan struktur Azərbaycanın təxminən 80-100 ilə yaxın film ehtiyatlarını saxlamaq qabiliyyətinə malikdir. “Hazırda Fondda 64 mindən çox saxlama vahidinə bərabər filmlər saxlanılır. Bura müxtəlif növ filmlər, film materialları, neqativ, pozitiv və s. tipli kinolentlər daxildir”,-deyə C.Quliyev vurğulayıb. O, həmçinin qeyd edib ki, yaxın bir-neçə ay müddətinə Fransadan DFF-a müasir tələblərə cavab verən xüsusi kino arxivləri üçün istehsal olunan bərpa avadanlıqları da gətiriləcək. C.Quliyev bu avadanlıqlarla əksər sıradan çıxmış müxtəlif növ filmlərin bərpasını həyata keçirməyin mümkün olacağını bildirib. “Son iki ildə isə DFF təxminən 27-ə yaxın müxtəlif filmləri bərpa edərək Fonda daxil edib.
|
|
13.03.10 Məqaləni oxumaq
|
| |
|
|
|
Böyük Britaniya kinorejissorlarının filmləri Bakıda nümayiş olunacaq
|
|
Böyük Britaniya kinorejissorlarının filmləri Bakıda nümayiş olunacaq. KƏLAMİNFO xəbər verir ki, layihə “British Council”, “Nərimanfilm” İstehsalat Şirkəti və Kinematoqrafçılar İttifaqının birgə dəstəyi ilə həyata keçiriləcək.
Filmlər martın 16-17-də Kinematoqrafçılar İttifaqında nümayiş etdiriləcək.
Layihə çərçivəsində martın 16-da “Cənnətdə beş dəqiqə” filminin nümayişi nəzərdə tutulur. Filmin rejissoru Oliver Hisrchbiegel, ssenari müəllifi Guy Hibbertdir, əsas rolları Liam Neeson və Ceyms Nesbitt ifa edirlər.
Martın 17-də isə rejissor Paul Greengrassın “Qanlı Bazar” filminin nümayişi keçiriləcək.
|
|
12.03.10 Məqaləni oxumaq
|
| |
|
|
|
“Gəncə - Azərbaycanın Əfsanələr Paytaxtı – 2010” adlı tədbir keçirilib
|
|
Gəncə şəhər Dövlət Dram Teatrında “Gəncə - Azərbaycanın Əfsanələr Paytaxtı – 2010” adlı tədbir keçirilib. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər.
Tədbir Mədəniyyət və Turizm Nazirliyinin təşəbbüsü ilə 2010-cu il üçün Xalq Yaradıcılığı Paytaxtları ilə əlaqədar keçirilib. Tədbirin əsas mahiyyəti Azərbaycan xalqının qədim və rəngarəng qeyri-maddi irsini qorumaq və əsrlərdən - əsrlərə ötürməkdən ibarətdir.
Tədbiri giriş sözü ilə Gəncə şəhər İcra Hakimiyyəti başçısının müavini A.Ələkbərov açıb. O, qeyd edib ki, 2010-cu il Gəncə şəhərinin tarixində və gəncəlilərin yaddaşında xüsusi iz buraxacaq, il ərzində şəhərdə maraqlı tədbirlər keçiriləcək.
Mədəniyyət və Turizm Nazirliyinin kitabxana işi bölməsinin müdiri Lətifə Məmmədova gəncəliləri və şəhərin qonaqlarını salamlayaraq, onları bu tədbirlə əlaqədar təbrik edib.
|
|
12.03.10 Məqaləni oxumaq
|
| |
|
|
|
Bakıda keçiriləcək “AITF 2010” sərgisində 100-dən çox şirkətin iştirakı gözlənlir
|
|
Cari ilin 28-30 aprel tarixlərində Bakıda, Heydər Əliyev adına İdman və Konsert Kompleksində “AITF 2010” - “9-cu Azərbaycan Beynəlxalq Turizm və Səyahətlər Sərgisi” keçiriləcək. Bu barədə KƏLAMİNFO-ya sərginin təşkilatçısı olan “İteca Caspian” şirkətindən məlumat veriblər.
Mədəniyyət və Turizm Nazirliyinin fəal dəstəyi ilə keçiriləcək tədbirə həmçinin Dünya Turizm Təşkilatı (UNWTO), Azərbaycan Turizm Assosiasiyası, Azərbaycan Sahibkarlar Konfederasiyası tərəfindən də rəsmi olaraq dəstək verilir. Bu il ilk dəfə olaraq “AITF 2010” sərgisində Türkiyə tərəfdaş ölkə qismində çıxış edəcək.
|
|
11.03.10 Məqaləni oxumaq
|
| |
|
|
|
“Miss Azerbaijan-2010”a start verilib
|
|
Bu gün Bakıda “Miss Azerbaijan-2010” gözəllik müsabiqəsinin keçirilməsi ilə əlaqədar mətbuat konfransı keçirilib. Həmçinin bu gündən bu layihəyə sənəd qəbulu da başlanılıb. KƏLAMİNFO xəbər verir ki, konfransda “Miss Azerbaijan 2010” haqqında məlumat verən layihənin Baş prodüsseri Nazim Səmədov layihənin beynəlxalq standartlara uyğun keçiriləcəyini bildirib. “Müsabiqə haqqında ətraflı məlumat layihənin martın 16-dan etibarən hər gün “Lider” kanalında efirə gedəcək gündəliyində öz əksini tapacaq. Burada iştirakçılar haqqında, müsabiqəyə hazırlıq və digər məlumatlar öz əksini tapacaq. Sənəd qəbulu bu gündən etibarən hər gün “Park İnn” otelində həyata keçiriləcək və martın 25-dək davam edəcək.
|
|
10.03.10 Məqaləni oxumaq
|
| |
|
|
|
Səhifələr : # « 67 68 69 70 71 72 73 74 75 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
