|
Səhifələr : # « 56 57 58 59 60 61 62 63 64 » #
MTRŞ mədəniyyət kanalı ilə bağlı müsabiqənin müddətini uzadıb
|
Azərbaycanda mədəniyyət kanalının açılması ilə bağlı elan olunan müsabiqəyə sənəd qəbulunun müddəti uzadılıb. KƏLAMİNFO xəbər verir ki, bu barədə açıqlamanı jurnalistlərə müsahibəsində Milli Televiziya və Radio Şurasının (MTRŞ) sədri Nuşirəvan Məhərrəmli bildirib. MTRŞ sədri qeyd edib ki, elan olunan müsabiqəyə bir ay ərzində yalnız “Azərbaycan Televiziyası və Radiosu” Qapalı Səhmdar Cəmiyyəti müraciət edib. Onun sözlərinə görə, Şura yalnız bir iştirakçı müraciət etdiyi üçün qanunvericiliyin tələblərini əsas tutaraq müsabiqənin müddətinin bir ay uzadılması barədə qərar qəbul edib.
|
06.09.10 Məqaləni oxumaq
|
|
|
Neft-qaz kəşfiyyatı ilə məşğul olanlar üçün monoqrafiya nəşr olunub
|
AMEA-nın müxbir üzvü Kərim Kərimovun “Azərbaycanda və Cənubi Xəzərdə depression zonaların dərinlik quruluşları, neftliliyi və qazlılığı” adlı kitabı “CBS” mətbəəsində çap olunub. Bu barədə məlumatı KƏLAMİNFO-ya AMEA-dan veriblər.
Bu monoqrafiya müasir dövrümüzün ən vacib problemlərindən biri olan, bəşəriyyəti bütün növ enerjidaşıyıcılarla, ələlxüsus neft, qaz və onlardan alınan məhsullarla təminatı məsələlərinin həllinə həsr edilib.
Monoqrafiyada vulkan mənşəli qatların arasında və bəzən də altında yatan çöküntü süxurlarının da neftli-qazlı olmasının mümkünlüyü və axtarış-kəşfiyyat işlərində böyük əhəmiyyət kəsb etməsi əsaslandırılıb.
Kitab neftçilər, neft-qaz sahəsində çalışan alim və mütəxəssislər, həmçinin neft və qazın axtarış və kəşfiyyatı ilə məşğul olan yerli və xarici şirkətlərin nümayəndələri üçün nəzərdə tutulub.
|
02.09.10 Məqaləni oxumaq
|
|
|
Bakıda Beynəlxalq Festival keçiriləcək
|
Üzeyir Hacıbəylinin anadan olmasının 125 illiyi ilə əlaqədar Bakıda Beynəlxalq Musiqi Festivalının keçirilməsi nəzədə tutulur. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.
Festival çərçivəsində dünya şöhrətli dirijor Vladimir Spivakov, İsveçrədən “Amaltea” Ansamblı, MDB Ölkələrinin Birləşmiş Gənclər Simfonik Orkestri, Sinqapurdan “T`ANG” simli kvarteti, Türkiyədən “Orfeon” xoru, Kanadadan pianoçu Nina Koqan, skripkaçı Atis Bankas, Rusiyadan Aleksandr Gindin və başqalarının ifaları nümayiş olunacaq. Eyni zamanda müxtəlif konsertlərin, tədbirlərin keçirilməsi, Ü.Hacıbəylinin səhnə əsərlərinin nümayişi də baş tutacaq. Beynəlxalq Musiqi Festivalının yüksək səviyyədə keçirilməsi məqsədilə tədbirlər planı təsdiq olunub. Mədəniyyət və Turizm Nazirliyinin İncəsənət şöbəsi, Mədəniyyət siyasəti şöbəsi, Elm və təhsil şöbəsi, Kinematoqrafiya və Nəşriyyat, Reklamın təşkili və informasiya şöbəsi qeyd olunan tarixlərdə Festivalın yüksək bədii-təşkilati səviyyədə keçirilməsinin təmin edilməsi üçün səfərbər olunublar.
|
02.09.10 Məqaləni oxumaq
|
|
|
“Kinoşok-2010” XIX açıq festivalı sentyabrın 11-də başlayacaq
|
“Kinoşok-2010” MDB, Latviya, Litva və Estoniya ölkələrinin XIX açıq festivalı Anapada sentyabrın 11-19-də keçiriləcək. KƏLAMİNFO festivalın mətbuat xidmətinə istinadən xəbər verir ki, festival çərçivəsində ənənəvi “KinoMalıŞok” uşaq oyun və animasiya filmlərinin festivalı keçiriləcək.
“Kinoşok” kino festivalının prezidenti tanınmış dramaturq, rejissor Viktor Merejkodur. Festivalın Təşkilat komitəsinə RF Prezident Aparatının rəhbəri Serqey Narışkin rəhbərlik edir. Baş direktor qismində isə aktrisa İrina Şevçuk çıxış edir.
İTAR-TASS xəbər verir ki, festival çərçivəsində beş müsabiqə keçiriləcək.
|
01.09.10 Məqaləni oxumaq
|
|
|
GUAM-ın turizm agentlikləri Tokioda turizm sərgisində iştirak edəcək
|
GUAM-ın katibliyində GUAM-Yaponiya əməkdaşlığı çərçivəsində turizmin inkişafı üzrə tərəflərin növbəti görüşü keçirilib. KƏLAMİNFO GUAM-ın rəsmi saytına istinadən xəbər verir ki, görüşdə təşkilatın Baş katibi V.Çeçelaşvili, proqramların əlaqələndiricisi S.Temirov, Ukrayna Mədəniyyət və Turizm Nazirliyinin İdarə rəisi A.Şenin, “Qermes Travel” turizm şirkətinin əməkdaşı xanım Q.Osipenko, Gürcüstan XİN-in əməkdaşı İ.Lomidze və digər şirkətlərin nümayəndələri iştirak edib.
Yapon tərəfini isə görüşdə Yaponiyanın Ukraynadakı səfirliyinin əməkdaşı D.Kitade, Yaponiyanın Beynəlxalq əməkdaşlıq üzrə Agentliyinin nümayəndəsi xanım Y.Doi və Təkamül Turizmi İnstitutunun nümayəndəsi, professor T.Kobayaşi təmsil ediblər.
|
31.08.10 Məqaləni oxumaq
|
|
|
ABŞ səfirliyi Sumqayıt Kitabxanasına kitab hədiyyə edib
|
ABŞ-ın Azərbaycandakı səfirliyi Sumqayıt şəhərinin Mərkəzləşdirilmiş Kitabxana Sisteminə ingilis dilində müxtəlif kitablar hədiyyə edib. Sumqayıt şəhər İcra Hakimiyyətindən KƏLAMİNFO-ya verilən məlumata görə, kitablar bir neçə gün əvvəl ABŞ Səfirliyinin ictimai diplomatiya üzrə nümayəndəsi B.Mayer ilə görüş zamanı əldə edilmiş razılıq əsasında verilib. Sumqayıt şəhər Mədəniyyət və Turizm İdarəsinin rəisi Namiq Qaffarov ingilis dilində izahlı lüğətlər, ədəbi əsərlərin, amerikan müəlliflərin Azərbaycan dilinə tərcümə olunmuş roman və hekayələrindən ibarət olan kitabların Sumqayıt şəhərinin Mərkəzləşdirilmiş Kitabxana Sisteminə daxil olan kitabxanalara paylanacağını bildirib. Görüşdə həmçinin ABŞ səfirliyi ilə Sumqayıtın mədəniyyət müəssisələri arasında əməkdaşlığın gücləndirilməsinin vacibliyi vurğulanıb, bu sahədə səylərin gücləndiriləcəyi qeyd olunub.
|
31.08.10 Məqaləni oxumaq
|
|
|
Moskvada milli kinomatoqrafiyaların forumu keçiriləcək
|
Avqustun 28-dən sentyabrın 3-dək Moskvada milli kinematoqrafiyaların XIV forumu keçiriləcək. KƏLAMİNFO xəbər verir ki, forumu Kinematoqrafçılar İttifaqları Konfederasiyası MDB Dövlətlərarası Humanitar Əməkdaşlıq Fondunun dəstəyi ilə təşkil edir.
Tədbirin proqramına Azərbaycan, Belarus, Qazaxıstan, Litva, Qırğızıstan, Rusiya, Tacikistan, Özbəkistan, Ukrayna və Estoniya kinematoqraflarının 10 tammetrajlı bədii filmi daxil edilib. Azərbaycan rejissoru Rüstəm İbrahimbəyov “Kabusun gözü ilə” filmini təqdim edib.
Mərkəzi Kino Evində keçiriləcək açılış mərasimində MDB və Baltikyanı ölkələrin Kinematoqrafçılar İttifaqları Konfederasiyasının sədri Rüstəm İbrahimbəyov iştirak edəcək.
|
28.08.10 Məqaləni oxumaq
|
|
|
Dünya Türk Forumu keçiriləcək
|
Oktyabrın 20-22-də Türkiyənin Mardin şəhərində “Türk koalisiyası, türk diasporu: sosial-iqtisadi əlaqələr” mövzusunda Dünya Türk Forumu keçiriləcək. Bu barədə məlumatı KƏLAMİNFO-ya Azərbaycanlıların və digər Türkdilli Xalqların Əməkdaşlıq Mərkəzinin (ATXƏM) sədri İlham İsmayılov bildirib.
Forumun təşkilatçısı Türk Asiya Araşdirmalar Mərkəzi (TASAM) və Türkiyə Cümhuriyyətinin Mardin valiliyidir. Toplantıda bütün türkdilli dövlətlərin diaspor təşkilatlarının və bu istiqamətdə fəaliyyət göstərən QHT-lərin nümayəndələri iştirak edəcək.
Dünya Türk Forumunda qlobal və regional problemlərin türk dünyasına təsiri, türk dünyası QHT-lərinin qarşılaşdığı problemlər, türk dünyasında təhsil, elm və mədəniyyət sahəsində QHT-lərin əməkdaşlığı, türk dünyasının gələcəyi üçün vahid layihələrin hazırlanması, türk dünyası mədəniyyət arenası, fərqli mədəniyyətlərdən mədəniyyətlərarası dialoqa, türk dünyasında sosial-iqtisadi vəziyyət, yeni əməkdaşlıq sahələri və təşkilatlanma, ermənilərin sözdə “soyqırım” iddiasına qarşı türk dünyasının vahid işbirliyi kimi mövzuların müzakirəsi nəzərdə tutulur.
|
25.08.10 Məqaləni oxumaq
|
|
|
Hüseyn Cavidin aforizmlərindən miniatür kitab nəşr edilib
|
Dahi Azərbaycan şairi və dramaturqu Hüseyn Cavidin seçmə aforizmlərindən ibarət miniatür kitab nəşr edilib. Bu barədə məlumatı KƏLAMİNFO-ya AMEA-dan veriblər.
Azərbaycan Kitab Cəmiyyətinin çap etdirdiyi kitab 55-38 mm ölçüdə, 248 səhifədən ibarətdir və 200 nüsxə tirajla çap edilib.
Miniatür kitabda böyük mütəfəkkirin əsərlərindən 16 kompozisiya yerləşdirilib.
Qeyd edək ki, kitab AMEA Hüseyn Cavidin Ev Muzeyi tərəfindən hazırlanıb. Kitabın təqdimatının isə cari ilin sentyabrında Bakı və Naxçıvanda keçiriləcəyi gözlənilir.
|
21.08.10 Məqaləni oxumaq
|
|
|
Bu gün Maestro Niyazinin doğum günüdür
|
Bu gün dünya şöhrətli azərbaycanlı musiqiçi Maestro Niyazinin doğum günüdür. KƏLAMİNFO xəbər verir ki, SSRİ və Azərbaycanın xalq artisti Niyazi Zülfüqar oğlu Tağızadə- Hacıbəyov 1912-ci il avqustun 20-də Tiflis şəhərində məhşur bəstəkar Zülfüqar Hacıbəyovun ailəsində anadan olub.
O, ilk təhsilini Bakı Musiqi Texnikumunda alır, lakin sonra təhsilini davam etdirmək üçün Moskva və Leninqrad (indiki Sankt-Peterburq) şəhərlərinə gedir.
|
20.08.10 Məqaləni oxumaq
|
|
|
|
Səhifələr : # « 56 57 58 59 60 61 62 63 64 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|