Kelam Jurnalı - Mədəniyyət

Bu günlərdə AMEA-nın Mərkəzi Elmi Kitabxanasının (MEK) direktoru Aybəniz Əliyeva-Kəngərli respublikamızın bir sıra mədəniyyət qurumlarının əməkdaşları ilə birgə İranda səfərdə olub. MEK-dən KƏLAMİNFO-ya verilən məlumata görə, Azərbaycanın Təbrizdəki Konsulluğunun təşkilati dəstəyi ilə gerçəkləşən səfərdə əsas məqsədlərdən biri kitabxananın xeyli müddətdir həyata keçirdiyi ümummilli lider Heydər Əliyev irsinin təbliği mövzusunda daha bir tədbirin keçirilməsi olub. Səfər çərçivəsində konsulluqda MEK tərəfindən hazırlanaraq nəşr etdirilən вЂњHeydər Əliyev və Azərbaycan elmiвЂќ adlı kitabın təqdimat mərasimi keçirilib. Səfər zamanı Kitabxananın direktoru və nümayəndə heyətinin digər üzvləri Təbriz Mərkəzi Kitabxanasına baş çəkib, kitabxananın strukturu, fəaliyyəti, iş prinsipi ilə yaxından tanış olublar. Burada hər iki kitabxana arasında aparılan kitab mübadiləsini və əməkdaşlığı daha da inkişaf etdirmək üçün müəyyən məsələlər müzakirə edilib.

02.12.10

Məqaləni oxumaq

BSU-da вЂњXV-XVII yüzil rus ədəbiyyatında türklərвЂќ kitabının təqdimat mərasimi olub

Bakı Slavyan Universitetində Ankarada işıq üzü görmüş вЂњXV-XVII Yüzil Rus Ədəbiyyatında TürklərвЂќ kitabının təqdimatı olub. KƏLAMİNFO xəbər verir ki, kitabın müəllifi Bakı Slavyan Universitetinin professoru, filologiya elmləri doktoru Telman Cəfərovdur. Monoqrafiyanı müəllifin 2003-cü ildə Moskvada nəşr edilmiş вЂњXV-XVII əsrlər rus ədəbiyyatında türk elementləriвЂќ kitabının mətni təşkil edib. Nəşrin вЂњGirişвЂќində slavyan və türk xalqlarının qədim dövr və Kiyev Rusu zamanındakı əlaqələrinə, ortaq ədəbi-tarixi abidələrə və dəyərlərə, mövzunun Avrasiya tarixi-mədəni arealının müasir araşdırmaları müstəvisində nəzərdən keçirilməsinin önəminə diqqət yetirilir.

30.11.10

Məqaləni oxumaq

Fransa Milli Araşdırmalar Mərkəzi ilə AMEA arasında müqavilə imzalanıb

Fransa Milli Araşdırmalar Mərkəzi (FMAM) ilə AMEA arasında yeni layihələrin yerinə yetirilməsi sahəsində əməkdaşlığa dair müqavilə imzalanıb. Bu barədə məlumatı KƏLAMİNFO-ya AMEA-dan veriblər. Müqavilə AMEA prezidenti Mahmud Kərimovun Fransaya səfəri çərçivəsində baş tutub. M.Kərimovla FMAM direktoru arasında imzalanan müqavilə ölkəmizdə mühüm əhəmiyyət kəsb edən geofizika və arxeoloji sahələri əhatə edir. Müqaviləyə əsasən bu layihələri Fransa tərəfi maliyyələşdirəcək.

29.11.10

Məqaləni oxumaq

вЂњEcoVisionвЂќ jurnalının növbəti sayı işıq üzü görüb

Azərbaycan Türkiyə İş Adamları Birliyi (ATİB) milli biznesin inkişafına dəstək vermək, iş adamlarını ən zəruri informasiya ilə təmin etmək məqsədilə təsis etdiyi вЂњEcoVisionвЂќ jurnalının növbəti sayı işıq üzü görüb. ATİB-in mətbuat xidmətindən KƏLAMİNFO-ya verilən məlumata görə, son dövrlər Azərbaycan və Türkiyə əlaqələrinin inkişafı baxımından bir sıra əlamətdar hadisələrlə yadda qalıb. Bununla yanaşı, türkdilli ölkələr arasında da əlaqələrin gücləndirilməsi baxımından bir sıra ciddi addımlar atılıb. Bu və digər məsələlərə jurnalın bu sayında Azərbaycan Prezidenti Administrasiyasının Xarici əlaqələr şöbəsinin müdiri Novruz Məmmədov və Türkdilli Ölkələrin Əməkdaşlıq Şurasının baş katibi Halil Akıncının müsahibələrində aydınlıq gətirilir. Jurnalın bu sayının əsas mövzusu Azərbaycan iqtisadiyyatı üçün prioritet istiqamət olan turizm sektoru ilə bağlıdır. Həmçinin jurnalın bu sayından etibarən ortaq tariximizlə bağlı məqalələr də oxucuların diqqətinə çatdırılır.

26.11.10

Məqaləni oxumaq

Antalyada TÜRKSOY mədəniyyət nazirləri Daimi Şurasının növbəti toplantısı keçiriləcək

Noyabırın 24-25-də Türkiyənin Antalya şəhərində TÜRKSOY mədəniyyət nazirləri Daimi Şurasının XXVIII dönəm toplantısı keçiriləcək. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər. Cari ilin may ayında Moldovanın Qaqauziya vilayətində təşkil edilmiş TÜRKSOY-un (Beynəlxalq Türk Mədəniyyəti Təşkilatı) XXVII toplantısının qərarı əsasında TÜRKSOY-un Dönəm koordinatoru seçilmiş Türkiyənin mədəniyyət və turizm naziri Ərtoğrul Günayın rəhbərliyi və Türkiyənin ev sahibliyi ilə təşkil ediləcək iclasda TÜRKSOY Baş katibi Düsen Kaseinov ilə birlikdə təşkilata üzv ölkələrin mədəniyyət nazirləri iştirak edəcək. Azərbaycan Mədəniyyət və Turizm Nazirliyi toplantıda Nazirliyin Mədəni irs şöbəsinin müdiri Rizvan Bayramov və Beynəlxalq əlaqələr və mədəniyyət proqramları şöbəsinin məsləhətçisi Günay Qurbanova tərəfindən təmsil olunacaq.

24.11.10

Məqaləni oxumaq

Gələn il Xalça Muzeyinin açılışı olacaq

Bakıda müasir standartlara cavab verən Xalça Muzeyi inşa olunacaq. KƏLAMİNFO xəbər verir ki, bu sözləri mədəniyyət və turizm nazirinin müavini Ədalət Vəliyev deyib. Onun sözlərinə görə, Azərbaycan xalçasının YUNESKO-nun Qeyri-Maddi Mədəni İrs Siyahısına daxil edilməsi, Azərbaycan mədəniyyətinin bariz nümunəsidir. Azərbaycanın birinci xanımı, Heydər Əliyev Fondunun prezidenti Mehriban Əliyevanın təşəbbüsü ilə həyata keçirilən bu layihə nəticəsində 2011-ci ildə Xalça Muzeyi istifadəyə veriləcək.

24.11.10

Məqaləni oxumaq

Sevda Məmmədəliyeva Belarusa səfər edib

Mədəniyyət və turzm nazirinin müavini Sevda Məmmədəliyeva Belarusun paytaxtı Minskə səfər edib. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər. Səfərdə məqsəd Azərbaycanın klassik əsərlərindən olan вЂњArşın mal alanвЂќ tamaşasının Minskdə keçirilən təqdimatında iştirak etməkdir. Səfər çərçivəsində S.Məmmədəliyeva Belarusun mədəniyyət nazirinin müavini Vladimir Karaçeviskiy ilə görüşüb. Görüşdə ikitərəfli mədəni əlaqələrin inkişafı müzakirə olunub.

23.11.10

Məqaləni oxumaq

Bakıda вЂњTürkdilli xalqların musiqi alətləriвЂќ mövzusunda Beynəlxalq Simpozium keçiriləcək

Dekabrın 16-17-də Bakıda Mədəniyyət və Turizm Nazirliyi və TÜRKSOY-un (Türk Mədəniyyəti Beynəlxalq Təşkilatı) birgə təşkilatçılığı ilə вЂњTürkdilli xalqların musiqi alətləriвЂќ mövzusunda Beynəlxalq Simpozium keçiriləcək. Bu barədə məlumatı KƏLAMİNFO-ya Nazirliyin mətbuat xidmətindən veriblər. Simpoziumun əsas vəzifələri türkdilli xalqların musiqi alətlərini bir-biri ilə birləşdirən ümumi və fərqli əlamətlərin müəyyənləşdirilməsi, musiqi alətlərinin texnologiya və akustikası, ikonoqrafiya elementlərinin araşdırılması, bəstəkarlıq yaradıcılığında ənənəvi musiqi alətləri, türk xalqlarının musiqi alətlərinin kolleksiyalarının müəyyən edilməsi və yox olmuş alətlərin bərpası, mühafizəsi, etnoorqanologiya problemləridir. Simpozium plenar və bölmə iclaslarından ibarət olacaq.

22.11.10

Məqaləni oxumaq

Səməd Seyidovun kitabı yenidən nəşr olunub

Bu günlərdə Azərbaycan Dillər Universitetinin (ADU) rektoru, professor Səməd Seyidovun вЂњYaradıcılığın fenomenologiyası (tarix, təzadlar, şəxsiyyət)вЂќ kitabı Rusiyada yenidən nəşr olunub. ADU-dan KƏLAMİNFO-ya verilən məlumata görə, Rusiya Elmlər Akademiyasının müxbir üzvü, fəlsəfə elmləri doktoru, professor A.B.Dmitriyev və psixologiya elmləri doktoru, professor Q.İ.Yefremovanın rəy verdikləri kitab Moskvadakı Rusiya Dövlət Sosial Universitetinin nəşriyyatında nəfis tərtibatda 1000 tirajla nəşr edilib. İki fəsildən ibarət olan kitabda müəllif oxucunu yaradıcılığın təbiəti haqqında müxtəlif fikirləri ilə tanış edir. Xatırladaq ki, kitab ilk dəfə 2009-cu ildə nəşr edilib. Rus dilində nəşr olunan kitab вЂњPsixologiya yaradıcılığının tədqiqi tarixiвЂќ və вЂњŞəxsiyyətin fenomenologiyasıвЂќ fəsillərindən ibarətdir.

20.11.10

Məqaləni oxumaq

вЂњNar FestivalıвЂќ çərçivəsində Bakıda aksiya keçirilir

Göyçay rayon İcra Hakimiyyətinin təşkilatçılığı ilə keçirilən вЂњNar FestivalıвЂќ çərçivəsində вЂњİRƏLİвЂќ İctimai Birliyinin könüllüləri tərəfindən Azərbaycanda yerləşən diplomatik nümayəndəliklərə nar səbətləri və 12 Noyabr 2010-cu il tarixində saat 12:00-da Göyçayda keçiriləcək вЂњNar FestivalıвЂќna dəvətnamə paylanacaq. Bu barədə məlumatı KƏLAMİNFO-ya вЂњİRƏLİвЂќdən veriblər. Qeyd edək ki, Göyçay rayon İcra Hakimiyyətinin təşkilatçılığı ilə вЂњNar FestivalıвЂќ artıq 5-ci ildir ki, keçirilir. İlk dəfə olaraq bu il festival beynəlxalq səviyyədə və 40 nəfər xarici qonağın iştirakı ilə baş tutacaq. Festival gün ərzində müxtəlif proqramlarla davam edəcək.