Kelam Jurnalı - Mədəniyyət

вЂњMədəniyyət haqqındaвЂќ qanuna ciddi dəyişikliklər edilməsi gözlənilir və burada dil və televiziya ilə bağlı məsələlər də diqqətdən kənarda qalmayacaqвЂќ. Bunları KƏLAMİNFO-ya müsahibəsində Milli Məclisin Mədəniyyət komitəsinin üzvü Jalə Əliyeva bildirib. O, qeyd edib ki, 1996-cı ildə qəbul edilən qanun həm vaxt baxımından, həm də mənəvi baxımdan aşınmalara məruz qalıb. вЂњHəmin dövrdən bəri Azərbaycan və dünya ictmaiyyətində, bunların bir вЂ“birinə inteirqasiyasında, eyni zamanda ictimaiyyətdə televiziyanın aparıcılıq missiyasında çox dəyişikliklər olub. Kifayət qədər irəliləmələr var. Bütün bunlar da şüphəsiz ki, Mədəniyyət haqqında qanunda ediləcək dəyişikliklərdə yer almalıdırвЂќ,-deyə millət vəkili vurğulayıb. Onun sözlərinə görə, televiziyalarda efir məkanı ilə bağlı dəyişikliklər burada xüsusi yer alacaq.

22.12.10

Məqaləni oxumaq

Uşaqlar üçün xalq çalğı alətləri üzrə II respublika müsabiqəsinə yekun vurulub

Mədəniyyət və Turizm Nazirliyi tərəfindən keçirilən Uşaq musiqi və incəsənət məktəbləri şagirdlərinin xalq çalğı alətləri üzrə II respublika müsabiqəsinə yekun vurulub. Bu barədə məlumatı KƏLAMİNFO-ya Nazirliyin mətbuat xidmətindən veriblər. Müsabiqənin I turu 01-10 dekabr tarixində zonalar üzrə Bakı, Gəncə, Naxçıvan, Lənkəran, Sumqayıt, Şəki şəhərlərində və Ağcabədi rayonunda, II turu isə 14-15 dekabr tarixlərində ancaq Bakı şəhərində keçirilib. Müsabiqədə respublikanın müxtəlif rayon və şəhərlərinin uşaq musiqi və incəsənət məktəblərindən 598 şagird iştirak edib. İki yaş qrupunda tar, kamança, saz, kanon, balaban və qarmon musiqi alətləri üzrə keçirilən müsabiqədə münsiflər heyətinin qərarı ilə Bakı, Gəncə, Şəki, Şirvan, Ağcabədi, Göygöl, Qusar, Samux şəhər və rayonlarının, habelə Naxçıvan Muxtar Respublikası uşaq musiqi və incəsənət məktəblərinin şagird, müəllim və konsertmeysterləri Mədəniyyət və Turizm Nazirliyinin müxtəlif dərəcəli diplomları, Fəxri fərmanları və pul mükafatları ilə təltif olunublar.

21.12.10

Məqaləni oxumaq

SAMF-da işğal altında olan rayonların muzey direktorları ilə görüş keçirilib

вЂњSöz Azadlığı Müdafiə FondunвЂќda (SAMF) işğal altında olan rayonların tarix-diyarşünaslıq muzeylərinin direktorları ilə görüş keçirilib. Bu barədə məlumatı KƏLAMİNFO-ya SAMF-ın mətbuat xidmətindən veriblər. Tədbirdə çıxış edən fondun sədri, tanınmış şair Musa Yaqub fondun Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi вЂњDağlıq Qarabağ münaqişəsi nəticəsində zərər çəkən rayonların diyarşünaslıq muzeylərinin virtual pilot şəbəkəsinin yaradılmasıвЂќ layihəsi barədə tədbir iştirakçılarına məlumat verib, üç ay ərzində layihə iştirakçılarının gördüyü işlərdən danışıb. Fondun icraçı direktoru Vüqar Tofiqli isə layihənin məqsədi kimi respublika üzrə virtual diyarşünaslıq muzeylər şəbəkəsini yaratmaq olduğunun qeyd edib. Əlaqəli məlumat bazasının yaradılmasının əhəmiyyətindən danışan layihə direktoru bildirib ki, yaradılan resurs vasitəsi ilə ilk olaraq Azərbaycanın işğal altında olan maddi-mədəni irsi haqqında məlumatlar geniş ictimaiyyətə çatdırılacaq.

21.12.10

Məqaləni oxumaq

вЂњAzərbaycanfilmвЂќ kinostudiyası özünün yeni loqotipini yaratmaq üçün müsabiqə elan edib

вЂњAzərbaycanfilmвЂќ kinostudiyası özünün yeni loqotipini yaratmaq üçün müsabiqə elan edib. Bu barədə məlumatı KƏLAMİNFO-ya Mədəniyyət və Turizm Nazirliyindən veriblər. Loqo elektron qrafik formatda və ya kağız üzərində işlənmiş təsvirdən ibarət olmalıdır. Qalib işin müəllifinə 1000 manat dəyərində mükafat veriləcək. Müsabiqəyə işləri 2011-ci il fevralın 1-dək вЂњAzərbaycanfilmвЂќ kinostudiyasına təqdim etmək lazımdır.

20.12.10

Məqaləni oxumaq

H.Cavidin Ev Muzeyi maraqlı eksponatlarla zənginləşir

Hüseyn Cavidin Ev Muzeyi gündən-günə maraqlı eksponatlarla zənginləşir və regionda ən çox ziyarət olunan yerlərdən birinə çevrilir. Bu barədə məlumatı KƏLAMİNFO-ya Muzeyin direktoru Bəhruz Axundov söyləyib. O qeyd edib ki, bu günlərdə H.Cavidin Naxçıvandakı ev muzeyinə xeyli yeni eksponat gətirilib. B.Axundovun verdiyi məlumata görə, Naxçıvan Özəl Universitetinin rektoru, professor İsmayıl Əliyev vaxtilə mərhum sənətkarımız Mircəlil Seyidov tərəfindən ona hədiyyə olunan вЂњŞairin yuxusuвЂќ adlı rəsm əsərini muzeyə bağışlayıb. Bundan başqa, Azərbaycanın əməkdar rəssamı Ülviyyə Həmzəyeva dahi qələm ustasının sürgün illərini əks etdirən вЂќHüseyn CavidвЂќ əsərini muzeyə hədiyyə edib. Qeyd edək ki, hər iki əsər muzeyin вЂњHüsen Cavid repressiya illərindəвЂќ bölməsində yer alıb.

20.12.10

Məqaləni oxumaq

Bakı Nobel İrsi Fondunun sədrinə вЂњQütb UlduzuвЂќ ordeni təqdim edilib

Stokholmda, Nobel mükafatının təqdimetmə mərasimi günü, İsveçin Xarici İşlər Nazirliyində, Kral Protokol İdarəsinin rəhbəri xanım Karolina Visini İsveç Kralı adından Bakı Nobel İrsi Fondunun sədri, doktor Toğrul Bağırova вЂњQütb UlduzuвЂќ ordeni təqdim edib. Bu barədə məlumatı KƏLAMİNFO-ya Mədəniyyət və Turizm nazirliyindən veriblər. Fədakarlıq ordeni olan вЂњQütb UlduzuвЂќ 23 fevral 1748-ci ildə İsveç kralı I Frederik tərəfindən təsis edilib. 1975-ci ilə qədər orden işinə, elmə, ədəbiyyata, elmi və faydalı işlərə sıx bağlı olan, yeni və faydalı təşkilatların yaradılmasında mühüm rolu olan həm İsveç həm də xarici vətəndaşlara verilir. 1975-ci ildən sonra yenilənən ordenlər artıq yalnız xarici vətəndaşlara və kral ailəsinin üzvlərinə təqdim olunur.

18.12.10

Məqaləni oxumaq

Cari ilin 11 ayında Şəkiyə 13178 nəfər turist gəlib

Son illər Şəkidə turizm infrastrukturunun yaradılması istiqamətində məqsədyönlü tədbirlər həyata keçirilir. Bu barədə məlumatı KƏLAMİNFO-ya Şəki şəhər İcra Hakimiyyətindən veriblər. Məlumata görə, yeni mehmanxanalar, kotteclər, turizm xidməti obyektləri, digər sosial obyektlər inşa edilir, körpülər tikilir, yollar salınır. Eyni zamanda, şəhərdə genişmiqyaslı tikinti-quruculuq, abadlıq işləri aparılır, meydan və xiyabanlar öz simasını dəyişir, şəhər abadlaşır, gözəlləşir. Bütün bu amillər, Şəkiyə gələn turistlərin sayının artmasına səbəb olub. Belə ki, 2004-cü ildə rayona gələn turistlərin sayı cəmi 2800, cari ilin 11 ayında isə turistlərin sayı 13178 nəfər olub. Onlardan 1938 nəfərini xarici turistlər təşkil edib. İlin sonunadək rayona gələn turistlərin sayının 13400 nəfərə çatacağı gözlənilir.

17.12.10

Məqaləni oxumaq

Polad Bülbüloğlu Qazaxıstan Prezidentinin Sülh və Tərəqqi Dövlət Mükafatına layiq görülüb

Azərbaycanın Rusiyadakı fövqəladə və səlahiyyətli səfiri Polad Bülbüloğlu Qazaxıstan Prezidentinin Sülh və Tərəqqi Dövlət Mükafatına layiq görülüb. KƏLAMİNFO RİA-Novosti saytına istinadən xəbər verir ki, bununla bağlı prezident Nursultan Nazarbayev tərəfindən Fərman imzalanıb. Fərmanda bildirilir ki, Polad Bülbüloğlu bu mükafata türkdilli ölkələr arasında mədəniyyət sahəsində münasibətlərin inkişafına yönəlmiş aktiv fəaliyyətinə, xalqlar arasında qarşılıqlı etimadın yüksəlməsinə verdiyi töhfəyə görə layiq görülüb.

16.12.10

Məqaləni oxumaq

Azərbaycan nümayəndələri İKT-yə üzv ölkələrin Turizm Nazirlərinin yeddinci iclasında iştirak ediblər

Mədəniyyət və Turizm Nazirliyinin nümayəndələri İranın paytaxtı Tehran şəhərində keçirilən İslam Konfransı Təşkilatına (İKT) üzv ölkələrin Turizm Nazirlərinin yeddinci iclasında və İKT üzv ölkələrin Yüksək Vəzifəli Şəxslərin iclasında iştirak ediblər. Bu barədə məlumatı KƏLAMİNFO-ya Nazirliyin mətbuat xidmətindən veriblər. İclasda 29 ölkə və İKT-nin 9 struktur qurumları iştirak edib. İclasın başlanğıcında ənənəvi olaraq Quranın ayəsi oxunub. İclasın açılışı üçün ilk çıxış İranın Mədəni İrs, Əl-sənətkarlığı Sənayesi və Turizm Təşkilatının sədr müavini Ameri tərəfindən olub. İlkin olaraq Yüksək Vəzifəli Şəxslərin iclasının İKT-nin Katibliyi tərəfindən təklif etdiyi gündəlik təsdiq edilib. İclasın ikinci günü İKT üzv ölkələrin Yüksək Vəzifəli Şəxslərindən ibarət olan İşçi Komitənin iclası olub. Bu iclasda İKT üzv ölkələri arasında turizmin inkişafına dair Qətnamənin və Tehran Bəyannaməsinin layihələri hazırlanıb.

11.12.10

Məqaləni oxumaq

Bakıda Avropa Film Festivalı keçiriləcək

Bu gündən dekabrın 16-dək Bakda Avropa İttifaqının (Aİ) Azərbaycandakı nümayəndəliyi, Mədəniyyət və Turizm Nazirliyi və Azərbaycanda təmsil olunan Aİ-ə üzv ölkələrin səfirlikləri birgə Avropa Film Festivalının keçirilməsini planlaşdırır. Bu barədə məlumatı KƏLAMİNFO-ya Mədəniyyət və Turizm Nazirliyinin mətbuat xidmətindən veriblər.

10.12.10

Məqaləni oxumaq