Mübariz İbrahimova həsr olunmuş “Turan döyüşçüsü” kitabının təqdimatı keçiriləcək
|
Fevralın 4-də Gənc Tamaşaçılar Teatrında Azərbaycanın Milli Qəhrəmanı Mübariz İbrahimova həsr olunmuş “Turan döyüşçüsü” kitabının təqdimat mərasimi keçiriləcək. Bu barədə məlumatı KƏLAMİNFO-ya Gənc Tamaşaçılar Teatrından veriblər.
Kitabın müəllifi Türk Xalqlarının Ümumdünya Assambleyasının birinci vitse-prezidenti, Dünya Azərbaycanlıları Konqresinin Asiya ölkələri üzrə müavini Yəhya Yusif Canıyardır.
Təqdimat mərasimində Mədəniyyət və Turizm Nazirliyinin təmsilçiləri, mədəniyyət və incəsənət xadimləri iştirak edəcək. Kitabın təqdimatı Mübariz İbrahimovun doğum gününə ithaf olunur.
Xatırladaq ki, Mübariz İbrahimov 1988-ci ilin fevralın 7-də doğulub.
|
02.02.11 Məqaləni oxumaq
|
|
|
“AutoShow” 7-ci Azərbaycan Beynəlxalq Avtomobil Sərgisi keçiriləcək
|
Cari il martın 16-da Azərbaycanda “AutoShow” 7-ci Azərbaycan Beynəlxalq Avtomobil Sərgisi keçiriləcək. “Iteca Caspian LLC”nin mətbuat xidmətindən KƏLAMİNFO-ya verilən məlumata görə, Xəzəryanı regionun ən böyük avtomobil sərgisi ilk dəfə olaraq “Bakı Ekspo” sərgi kompleksində keçiriləcək və onun həm daxili, həm də xarici meydançalarında təşkil olunacaq.
“Iteca Caspian LLC” və onun tərəfdaşı Böyük Britaniyanın “ITE Group PLC” şirkətləri sərginin təşkilatçıları qismində çıxış edirlər. Artıq 5 ildir ki, sərgiyə Ümumdünya Sərgi Sənayesi Assosiasiyası (“UFI”) tərəfindən verilmiş keyfiyyət nişanı onun beynəlxalq statusunu bir daha təsdiq edir.
|
01.02.11 Məqaləni oxumaq
|
|
|
|
Milli Kitabxanada Mədəniyyət və Turizm Nazirliyinin yubileyi ilə əlaqədar sərgi keçirilib
|
Bu gün M.F.Axundov adına Milli Kitabxanada Mədəniyyət və Turizm Nazirliyinin yubileyi ilə əlaqədar 2006-2010-cu illərdə işıq üzü görmüş nəşr məhsullarından ibarət kitab sərgisi keçirilib. KƏLAMİNFO xəbər verir ki, sərgidə mədəniyyət və turizm nazirinin müavini Ədalət Vəliyev, nazirliyin kollektivi və digər görkəmli mədəniyyət xadimləri iştirak ediblər. Sərgi zamanı 3 dildə nəşr olunan “Mədəniyyət” kataloqunun 4-cü sayı və “Bizim nəşrlər” kataloqunun təqdimat mərasimi keçirilib. Sərgidə təqdim olunan kitabların əksəriyyəti mədəniyyət, incəsənət, ədəbiyyat, kulturologiya, mədəni irsin qorunması və turizm sahələrini əhatə edir. Qeyd edək ki, bu gün Mədəniyyət və Turizm Nazirliyinin 5 yaşı tamam olur.
|
29.01.11 Məqaləni oxumaq
|
|
|
Mədəniyyət və Turizm Nazirliyinin kollektivi Fəxri Xiyabanı ziyarət edib
|
Mədəniyyət və Turizm Nazirliyinin kollektivi nazirliyin yaradılmasının 5 illiyi münasibətilə bu gün Fəxri Xiyabana gələrək ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil və gül dəstələri qoyublar. KƏLAMİNFO xəbər verir ki, görkəmli oftalmoloq alim, akademik Zərifə xanım Əliyevanın məzarı üzərinə də tər çiçəklər düzülüb.
|
28.01.11 Məqaləni oxumaq
|
|
|
Mədəniyyət və Turizm Nazirliyinin 5 illik yubileyi ilə əlaqədar kitab sərgisi keçiriləcək
|
Sabahdan etibarən M.F.Axundov adına Azərbaycan Milli Kitabxanasında Mədəniyyət və Turizm Nazirliyinin 5 illik yubileyi ilə əlaqədar 2006-2010-cu illərdə işıq üzü görmüş nəşr məhsullarından ibarət kitab sərgisi başlayacaq. Bu barədə məlumatı KƏLAMİNFO-ya nazirliyin mətbuat xidmətindən veriblər.
Eyni zamanda 3 dildə nəşr olunan “Mədəniyyət” kataloqunun 4-cü sayının və “Bizim nəşrlər” kataloqunun təqdimat mərasimi keçiriləcək. Sərgidə təqdim olunan kitabların əksəriyyəti mədəniyyət, incəsənət, ədəbiyyat, kulturologiya, mədəni irsin qorunması və turizm sahələrini əhatə edir.
|
28.01.11 Məqaləni oxumaq
|
|
|
Mədəniyyət və Turizm Nazirliyi Bakıda Gürcüstan görkəmli rəssamı Mamuka Tsetskhladzenin fərdi sərgisini təşkil edəcək
|
Yanvarın 29-dan etibarən Mədəniyyət və Turizm Nazirliyi Bakıda, Dövlət İncəsənət Muzeyində Gürcüstan təsviri sənətinin görkəmli nümayəndəsi, rəssam Mamuka Tsetskhladzenin “Şəhərlər” adlı fərdi sərgisini təşkil edəcək. Bu barədə məlumatı KƏLAMİNFO-ya nazirliyin mətbuat xidmətindən veriblər. Azərbaycan tamaşaçısı Mamuka Tsetskhladzenin yaradıcılığı ilə 90-cı illərin ortalarından tanışdır. O, dəfələrlə Bakıda keçirilən Gürcüstan təsviri sənəti sərgilərinin iştirakçısı olub. Gürcüstan torpağında anadan olub, Azərbaycan, Almaniya, Fransa, Rusiya, Macarıstan, Estoniya və digər ölkələrdə yaşayan və yaradıcılığını bu ölkələrdə davam etdirən rəssam bir çox beynəlxalq sərgilərdə iştirak edib. Onun məharətlə yaratdığı əsərlər içərsində müxtəlif şəhərlərin təsviri üstünlük təşkil edir.
|
27.01.11 Məqaləni oxumaq
|
|
|
Yanvarın 28-də “Eurovision-2011” milli seçimlərin 3 iştirakçısı müəyyən olunacaq
|
Yanvarın 28-də “Eurovision-2011” müsabiqəsində Azərbaycanı təmsil etmək üçün 5 iştirakçıdan 3-ü müəyyənləşəcək. KƏLAMİNFO xəbər verir ki, dünəndən etibarən finalçılar hər biri ayrı ayrılıqda hər gün eyni vaxtda 1 saatlıq canlı solo ifalarını nümayiş etdirəcəklər.
Hazırda 5 iştirakçı Aynişan Quliyeva, İlqarə İbrahimova, Eldar Qasımov, İlhamə Qasımova və Nigar Camal 3-lüyə düşmək uğrunda mübarizə aparır.
|
26.01.11 Məqaləni oxumaq
|
|
|
Mədəniyyət və Turizm Nazirliyi Bakıda Beynəlxalq Gənclər İlinə həsr olunan konsert keçirəcək
|
Mədəniyyət və Turizm Nazirliyinin dəstəyi ilə yanvarın 28-də Azərbaycan Dövlət Filarmoniyasında Beynəlxalq Gənclər İlinə və 2 Fevral Gənclər Gününə həsr olunmuş “Gəncliyin səsi” layihəsi çərçivəsində konsert keçiriləcək. Bu barədə məlumatı KƏLAMİNFO-ya nazirliyin mətbuat xidmətindən veriblər. Beynəlxalq müsabiqələr laureatı Əyyub Quliyevin rəhbərliyi ilə Ü.Hacıbəyli adına Azərbaycan Dövlət Simfonik Orkestri maraqlı proqram ilə çıxış edəcək. Proqramda gənc bəstəkarların simfonik əsərləri ilk dəfə səslənəcək. Konsertin solisti kimi gənc pianoçu, Beynəlxalq müsabiqələr laureatı Zakir Əsədov çıxış edəcək. Qeyd edək ki, 2010-cu ilin avqust ayından 2011-ci ilin avqust ayına qədər BMT tərəfindən dünyada Beynəlxalq Gənclər günü elan edilib. Azərbaycan bu layihədə aktiv iştirakçıdır.
|
25.01.11 Məqaləni oxumaq
|
|
|
|
|