|
|
Səhifələr : # « 35 36 37 38 39 40 41 42 43 » #
|
|
Vaşinqtonda Azərbaycan mədəniyyəti alqışlanıb
|
|
ABŞ-da respublikamızın müstəqilliyinin 20 illiyi, 28 May Respublika günü və ümummilli lider Heydər Əliyevin doğum gününün 88-ci ildönümü münasibətilə təşkil olunmuş konsert proqramlarına yekun vurulub. Mədəniyyət və Turizm Nazirliyindən “KƏLAMİNFO”ya verilən məlumata görə, Hyuston şəhərində keçirilən Hyuston Beynəlxalq Festivalı, həmçinin Los-Anceles, Santa-Monika, San-Fransisko şəhərlərindəki uğurlu çıxışlardan sonra ABŞ-a səfər çərçivəsində Azərbaycanın mədəniyyət və incəsənət ustaları 19 may 2011-ci il tarixdə Vaşinqton şəhərində Ronald Reagan Buildingdə möhtəşəm yekun konsert proqramı ilə çıxış edib.
Xatırladaq ki, Dövlət Rəqs Ansamblı, pionoçu Emil Əfrasiyab, muğam dördlüyü və digər musiqiçilərimizin iştirak etdiyi konsert proqramında tamaşaçılara caz musiqisi ilə muğam və xalq mahnılarının sintezi təqdim olunub. Azərbaycan milli rəqslərinin də nümayiş olunduğu proqramı böyük hərarətlə qarşılayan amerikalılar xalqımızın mədəniyyətini yüksək qiymətləndirib, təəssürat və xoş duyğularını nümayəndə heyətimizlə bölüşüblər.
|
21.05.11 Məqaləni oxumaq
|
| |
|
|
|
“Eurovision-2012”-də qonaqlar Azərbaycana necə gələcək?
|
|
“Eurovision-2012” mahnı müsabiqəsinin Azərbaycanda keçiriləcəyi ilə bağlı ictimaiyyət geniş müzakirələr aparır. 57-ci müsabiqənin ölkənin hansı bölgəsində, hansı məkanında keçirilməsi bu gün ən aktual mövzulardandır. Lakin bu müsabiqə ilə digər maraqlı məqam odur ki, yarışa qatılacaq ölkələrin hazırda Azərbaycanla viza problemi var. 50-yə yaxın ölkədən gəlməsi gözlənilən qonaqların bu halda Azərbaycana səfəri necə bəs baş tutacaq?
“KƏLAMİNFO”ya müsahibəsində Milli Məclisin Hüquq siyasəti və dövlət quruculuğu komitəsinin üzvü Çingiz Qənizadə deyir ki, bununla bağlı ciddi narahatçılığa ehtiyac yoxdur. Onun sözlərinə görə, hazırda bir sıra Avropa ölkələri ilə viza problemimiz olsa da, gələn ilə kimi onların demək olar ki, hamısı ilə viza rejimi sadələşdiriləcək. “Onsuz da biz parlamentdə mütəmadi olaraq Avropa ölkələri ilə viza rejiminin sadələşdirilməsinə toxunuruq. “Eurovision-2012” ilə əlaqədar olaraq yəqin ki, bu məsələ intensivləşəcək. Çünki bu müsabiqə kifayət qədər ciddi hadisədir və Azərbaycan buna hərtərəfli ev sahibliyi edəcək” - deyə millət vəkili vurğulayıb.
|
|
20.05.11 Məqaləni oxumaq
|
| |
|
|
|
Bu il Bakıda 6 yeni beşulduz otel açılacaq
|
|
“Turizm sektoruna çoxlu sərmayə qoyulur. Biz turistlərin cəlb edilməsi üçün coğrafiyamızdan və təbii şəraitimizdən istifadə etmək niyyətindəyik və artıq istifadə edirik”. Bunu Bakıda keçirilən Azərbaycan-Çexiya biznes-forumunda prezident İlham Əliyev deyib. Dövlət başçısının sözlərinə görə, bu il təkcə Bakı şəhərində dünya səviyyəsində 6 yeni beşulduzlu otel açılacaq: “Bu göstərir ki, dünya brendləri Azərbaycana sərmayə qoyulması mümkün və sərmayə qoyulmalı bir ölkə kimi yanaşırlar, ən əsası isə ölkəmizin gələcəyinə inanırlar. Biz uzunmüddətli sərmayələrin, uzunmüddətli tərəfdaşlıq münasibətlərinin yaradılmasının tərəfdarıyıq və bu məqsədlə radikal, çox mühüm iqtisadi islahatlar həyata keçiririk”.
|
|
19.05.11 Məqaləni oxumaq
|
| |
|
|
|
Faiq Qürbətov: “Turizm şirkətləri “Eurovision” qonaqlarının diqqətini bölgələrə yönəltməlidir”
|
|
“Eurovision-2012” mahnı müsabiqəsinin Azərbaycanda keçirilməsi ölkəmizin turizm sahəsində inkişafına böyük təkan verəcək. “KƏLAMİNFO” xəbər verir ki, bunu yap.org.az saytına açıqlamasında BMT-nin İnkişaf Proqramının turizmin inkişafı layihəsinin milli koordinatoru Faiq Qürbətov deyib. F.Qürbətov bildirib ki, bu hadisə Azərbaycanın turizm potensialının dünyaya nümayiş etdirilməsi baxımından da vacibdir. Onun sözlərinə görə, ölkəmizdə, o cümlədən Bakı şəhərində xeyli sayda otel mövcuddur: “Bu il bir neçə beşulduzlu otelin tikilib istifadəyə veriləcəyini nəzərə alsaq, Azərbaycan minlərlə əcnəbi turisti qəbul etməyə tam hazır olacaq”.
|
|
18.05.11 Məqaləni oxumaq
|
| |
|
|
|
Araz Elsəsin konsertinin vaxtı dəyişib
|
|
Türk dünyasının ozanı kimi tanıdığımız Araz Elsəs mayın 24-də Bakıda konsert proqramı ilə çıxış etməli idi. Lakin konsertin vaxtı müəyyən səbəblərdən dəyişib. “KƏLAMİNFO”nun məlumatına görə, təşkilatçı proqramı mayın 29-na keçirib. Paytaxtın istirahət mərkəzlərinin birində təşkil ediləcək musiqili proqramın anonsları yaxın günlərdə təqdim ediləcək.
Qeyd edək ki, konserti təşkil edən heyət proqramın martın 24-də keçirilməməsinin səbəbini əsasən texniki problemlərin yaranması ilə izah edib. Eyni zamanda, konsertdə Araz Elsəsi müşayiət edəcək ansamblın həmin tarixdə Bakıya gələ bilməyəcəyini açıqlayıb. Hər iki səbəbdən musiqili proqram 5 gün sonraya keçirilib. Öyrəndik ki, Araz Elsəs Bakı konsertinin repertuarını artıq hazır edib.
|
|
18.05.11 Məqaləni oxumaq
|
| |
|
|
|
İçəri şəhərdə ilk numizmatik ekspozisiya açıldı
|
|
Bu gün İçəri şəhərdə ölkə əhəmiyyətli abidə olan, “Bakının tarixi mərkəzinin konservasiyası üzrə ətraflı Baş Plan”a uyğun olaraq bərpa işləri yenicə başa çatan Çin Məscidində ümummilli lider Heydər Əliyevin doğum gününə və 18 may Beynəlxalq Muzeylər gününə həsr olunan ilk Numuzmatik ekspozisiya açıldı. “KƏLAMİNFO” xəbər verir ki, ekspozisiyaya daxil olan sikkələr e. ə. IV əsrdən – XIX əsrin birinci yarısına qədər olan böyük bir dövrü əhatə edir. Burada pula qədər istifadə olunan əmtəə mübadilə vasitələri, Azərbaycan ərazisində yerləşən dövlətlərin və bu dövlətlərlə iqtisadi əlaqələri olan bir çox xarici dövlətlərin sikkələrini də görmək olar. Bu sikkələrin böyük bir hissəsi İçəri şəhərdə arxeoloji qazıntılar zamanı aşkar edilib. Bununla bərabər bu nümunələrin yayılma arealını əks etdirən xəritə də ekspozisiya iştirakçılarına təqdim olunub.
Xatırladaq ki, ekspozisiyanın açılışı ölkə prezidentinin turizmin inkişafı ilə bağlı verdiyi sərəncama uyğun turistlərin marağını cəlb etmək üçün təşkil olunub.
|
|
18.05.11 Məqaləni oxumaq
|
| |
|
|
|
“Folklor nümunələrinin hüquqi qorunması haqqında” qanuna dəyişikliklər edilib
|
|
Bu gün Milli Məclis “Folklor nümunələrinin hüquqi qorunması haqqında” qanuna dəyişikliklər edib. “KƏLAMİNFO” xəbər verir ki, iclasda dəyişikliklər barədə parlamentin Mədəniyyət komitəsinin sədri Nizami Cəfərov məlumat verib. N.Cəfərov bildirib ki, “Folklor nümunələrinin hüquqi qorunması haqqında” qanuna təklif olunan dəyişikliklərə əsasən, xarici dövlətlərin hüquqi və fiziki şəxsləri Azərbaycan hüdudlarından kənarda folklor nümunələrindən kommersiya məqsədi ilə yalnız müvafiq icra hakimiyyəti orqanının icazəsi və haqqı ödənilməklə istifadə edə bilərlər.
Qanun layihəsi səsə qoyularaq qəbul edilib.
|
|
17.05.11 Məqaləni oxumaq
|
| |
|
|
|
Araş Azərbaycan xalqını təbrik etdi
|
|
Azərbaycanı 2009-cu ildə Aysel Teymurzadə ilə birlikdə «Eurovision» mahnı müsabiqəsində təmsil edən Araş Azərbaycan xalqını təbrik edib. Bu barədə o, öz rəsmi saytına yazıb. İfaçı Eldar və Nigar cütlüyünün «Eurovision-2011»-dəki qələbəsinə sevindiyini bildirib.
Xatırladaq ki, sözügedən müsabiqədə Azərbaycanın adına birincilik qazandıran təmsilçilərimiz ötən gün Bakıya qayıdıblar. Onlar böyük izdihamla qarşılanıb.
Müsabiqə rəsmiləri «Eurovision-2012»-nin şərtlərini artıq Azərbaycan nümayəndə heyətinin rəhbəri Adil Kərimliyə təqdim edib.
|
|
17.05.11 Məqaləni oxumaq
|
| |
|
|
|
Xalq rəssamı Mayis Ağabəyovun yubiley sərgisi keçiriləcək
|
|
“Nizami”, “Nəsimi”, “Babək” və s. kimi Azərbaycan kino tarixində mühüm yer tutan filmlərin qurluşcu rəssamı olan Mayis Ağabəyovun sərgisi keçiriləcək. Mədəniyyət və Turizm Nazirliyindən “KƏLAMİNFO”ya verilən xəbərə görə, yubiley sərgi 17 may 2011-ci il saat 17:00-da təşkil olunacaq.
|
|
16.05.11 Məqaləni oxumaq
|
| |
|
|
|
Nigar Camal və Eldar Qasımov 19-cu çıxış edəcək
|
|
Mayın 12-də Almaniyanın Düsseldorf şəhərində “Esprit Arena”da “Eurovision-2011” müsabiqəsinin II yarımfinalı da baş tutdu. “KƏLAMİNFO” İTV-yə istinadən xəbər verir ki, yarımfinal mərhələsində 19 ölkə finala çıxmaq uğrunda mübarizə aparıb. Mübarizə aparan ölkələr arasında Avstriya, Belarus, Belçika, Bosniya və Herseqovina, Bolqarıstan, Kipr, Danimarka, Estoniya, Makedoniya, İrlandiya, İsrail, Latviya, Moldova, Rumıniya, Slovakiya, Sloveniya, İsveç, Niderland və Ukrayna təmsilçiləri olub. Bu ölkələrdən 10-u – Estoniya, Moldova, Rumıniya, İrlandiya, Bosniya və Herseqovina, Danimarka, Avstriya, Ukrayna, Sloveniya, İsveç finala vəsiqə qazanıb.
Mayın 14-də baş tutacaq final mərhələsində isə 25 ölkə birincilik uğrunda mübarizə aparacaq. Bu ölkələr Azərbaycan, Fransa, Almaniya, Böyük Britaniya, İtaliya, İspaniya, Serbiya, Litva, Yunanıstan, Gürcüstan, İsveçrə, Macarıstan, Finlandiya, Rusiya, İslandiya, Estoniya, Moldova, Rumıniya, İrlandiya, Bosniya və Herseqovina, Danimarka, Avstriya, Ukrayna, Sloveniya, İsveçdir. Sıra nömrəsinə gəlincə isə qeyd edək ki, Azərbaycan təmsilçiləri 19-cu çıxış edəcəklər.
|
|
14.05.11 Məqaləni oxumaq
|
| |
|
|
|
Səhifələr : # « 35 36 37 38 39 40 41 42 43 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
