|
|
Səhifələr : # « 30 31 32 33 34 35 36 37 38 » #
|
|
“Turizm haqqında” yeni qanun layihəsi hazırlanacaq
|
|
Azərbaycanda “Turizm haqqında” yeni qanun layihəsi hazırlanacaq. “KƏLAMİNFO” xəbər verir ki, bu barədə məlumat prezidentin təsdiq etdiyi Azərbaycan Respublikasında 2011-ci ilin “Turizm ili” elan edilməsi ilə bağlı Tədbirlər Planında əks olunub.
Tədbirlər Planında qeyd edilib ki, yeni qanun layihəsi bu ilin avqust-sentyabr aylarınadək hazırlanaraq Milli Məclisə təqdim edilsin. İşin icraçıları Mədəniyyət və Turizm və Ədliyyə nazirlikləri olacaq.
|
22.07.11 Məqaləni oxumaq
|
| |
|
|
|
Turizm İnstitutunun nəzdində Bakı Turizm Peşə Məktəbi yaradılacaq
|
|
Azərbaycan Turizm İnstitutunun nəzdində Bakı Turizm Peşə Məktəbi yaradılacaq. “KƏLAMİNFO” xəbər verir ki, bu barədə məlumat prezidentin təsdiq etdiyi Azərbaycan Respublikasında 2011-ci ilin “Turizm ili” elan edilməsi ilə bağlı Tədbirlər Planında əks olunub. Məktəbin yaradılması işini Mədəniyyət və Turizm, Təhsil nazirlikləri və yerli icra hakimiyyəti orqanları icra edəcəklər. Tədbirlər Planında məktəbin il ərzində yaradılması qeyd edilib.
|
|
21.07.11 Məqaləni oxumaq
|
| |
|
|
|
Əbülfəs Qarayev Azərbaycanda səfərdə olan türkiyəli jurnalistlərlə görüşüb
|
|
Mədəniyyət və turizm naziri Əbülfəs Qarayev Azərbaycanda səfərdə olan Türkiyənin bir sıra aparıcı qəzetlərinin nümayəndələri ilə görüşüb. Nazirliyin mətbuat xidmətindən “KƏLAMİNFO”ya verilən məlumata görə, nazir Azərbaycan-Türkiyə tərəfdaşlığının güclənməsində medianın mühüm rolunu vurğulayıb. Qeyd olunub ki, ölkəmizin tarix və mədəniyyətinin təbliği, Azərbaycan həqiqətlərinin dünyaya doğru-düzgün çatdırılmasında kütləvi informasiya vasitələrinin fəaliyyəti böyük önəm kəsb edir. Azərbaycanın regionda ən inkişaf etmiş ölkə olduğunu qeyd edən nazir Azərbaycan-Türkiyə arasında mədəniyyət və turizm sahəsində əlaqələrin genişlənməsindən söhbət açıb. Xüsusilə ölkəmizdə turizmin inkişafına türkiyəli mütəxəssislərin mühüm töhfə verdiyini vurğulayıb: “Bu yaxınlarda Bakıda Türkiyənin aparıcı turizm qurumlarının rəhbərləri ilə görüş keçirildi. Azərbaycanda turizm sisteminin təkmilləşməsində Türkiyənin rolunu yüksək qiymətləndiririk. Hazırda ölkəmizdə hotel sahəsində çoxlu sayda türkiyəli mütəxəssis çalışır”.
|
|
21.07.11 Məqaləni oxumaq
|
| |
|
|
|
Əbülfəs Qarayev Turizm İnstitutunun bir qrup məzunu ilə görüşüb
|
|
Mədəniyyət və turizm naziri Əbülfəs Qarayev Azərbaycan Turizm İnstitutunun Avstriyanın Krems Universitetinin proqramı üzrə məzun olan tələbələrini qəbul edib. “KƏLAMİNFO”ya ATİ-dən verilən məlumata görə, görüş nazirin təşəbbüsü ilə baş tutub. Görüş zamanı Ə.Qarayev məzunlara öz nəsihət və tövsiyələrini verib, həmçinin məzunların gələcək planları ilə bağlı fikirlərini bölüşüb. Ə.Qarayev Krems Universitetinin diplomunu alan məzunların peşəkarlığını yüksək qiymətləndirdiyini və onların gələcək turizm sənayesi üçün çox vacib kadrlar olduğunu vurğulayıb. Nazir bildirdi ki, yüksək peşəkarlıqla yanaşı, müasir kadrlarda sərbəst düşünmə qabiliyyətinin və xarici dil bilgilərinin olması da çox önəmlidir.
|
|
20.07.11 Məqaləni oxumaq
|
| |
|
|
|
Türk rejissorunun filmi Avropada böyük marağa səbəb olub
|
|
Türkiyə rejissoru Semih Kaplanoğlunun çəkdiyi “Qızıl ayı” mükafatı alan “Bal” filmi keçən həftə İngiltərədə ekranlara çıxdıqdan sonra ingilis kino tənqidçilərinin güclü marağına və tərifinə səbəb olub.
“KƏLAMİNFO” Türkiyənin “Sabah” qəzetinə istinadən bildirir ki, tənqidçilərin marağına səbəb olan filmə hətta ulduz balları da verilib. “The Independent” və “Financial Times” tənqidçiləri filmə 5 ulduz, “”The Guardian”, “The Times”, “The Metro”, “Time Out” və “Evening Standart” yazarları isə 4 ulduzla rejissorun işinə öz qiymətlərini veriblər.
Qeyd edək ki, türk rejissorun ərsəyə gətirdiyi “Bal” filmi yalnız İngiltərədə deyil, diğər Avropa ölkələrində də maraqla qarşılanıb.
Xatırladaq ki, 2010-cu ilin sentyabr ayında Almaniyada ekranlara çıxan “Bal” kino tənqidçiləri tərəfindən mükafatlar alıb.
|
|
19.07.11 Məqaləni oxumaq
|
| |
|
|
|
Turizm İnstitutunun 19 tələbəsi Krems Universitetinin diplomunu qazanıb
|
|
Turizm İnstitutunun Azərbaycan-Avstriya Turizm Təhsili Proqramı (AATP) üzrə təhsil alan tələbələrinin dövlət imtahanı yekunlaşıb. ATİ-nin mətbuat xidmətindən “KƏLAMİNFO”ya verilən məlumata görə, bu proqram üzrə təhsil alan 21 tələbə milli diplomlar üzrə keçirilən dövlət imtahanlarını müvəffəqiyyətlə verdikdən sonra ikinci imtahana buraxılıb. 19 tələbə bu imtahanı da yüksək səviyyədə verərək Avstriyanın Krems Tətbiqi Elmlər Universitetinin diplomuna layiq görülüb. Qeyd edək ki, ötən il bu diplomu ATİ-nin 14 tələbəsi əldə edə bilmişdi. İyulun 14-də isə Beynəlxalq Muğam Mərkəzində institutun “Məzun 2011” adlı buraxılış tədbiri keçiriləcək. Tədbirdə mədəniyyət və turizm naziri Əbülfəs Qarayev, təhsil naziri Misir Mərdanov və digər müvafiq nazirliklərin səlahiyyətli nümayəndələrinin, Bakıda fəaliyyət göstərən diplomatik korpus üzvlərinin, ölkəmizin dövlət, elm və mədəniyyət xadimlərinin, ATİ-nin beynəlxalq əməkdaş təhsil müəssisələrinin rəhbərlərinin və KİV nümayəndələrinin iştirakı gözlənilir.
Mərasimdə ATİ-nin builki 193 nəfər məzununa fəxri diplomlar, 19 nəfər Azərbaycan-Avstriya Turizm Təhsili Proqramı (AATP) məzunlarına Avstriyanın Krems Tətbiqi Elmlər Universitetinin diplomu, 1 nəfərə isə II ali təhsil haqqında ATİ-nin diplomu təqdim ediləcək.
Rəsmi hissədən sonra tədbir muğam sənətinin tanınmış ifaçılarının və incəsənət ustalarının ifası ilə davam etdiriləcək.
|
|
14.07.11 Məqaləni oxumaq
|
| |
|
|
|
Qubada “Mütaliə həftəsi” aksiyası davam edir
|
|
Azərbaycan kitabxanaları arasında ilk dəfə olaraq Quba rayon Mərkəzləşdirilmiş Kitabxana Sisteminin (MKS) təşəbbüsü ilə şəhərin mərkəzi meydanında bu həftənin sonunadək davam etdirilməsi nəzərdə tutulan “Mütaliə həftəsi” adlı aksiya keçirilir. Mədəniyyət və Turizm Nazirliyindən “KƏLAMİNFO”ya verilən xəbərə görə, aksiyanın keçirilməsində məqsəd oxucuların kitaba və kitabxanaya olan marağını artırmaq, mütaliəni təbliğ etməkdir. Tədbirdə təşkil olunan “Mütaliə stolu”nda oxucular üçün mütaliə imkanı yaradılıb. Oxucular burada yeni kitablarla, habelə gündəlik dərc olunan qəzetlərlə tanış olmaq imkanı qazanıb. Aksiyada “Yeni oxucuların qeydiyyat stolunda” oxuculara kitabxanaya üzv olmaq imkanı da yaradılıb.
|
|
14.07.11 Məqaləni oxumaq
|
| |
|
|
|
Dədə Qorqud 17-ci Beynəlxalq Sənət Festivalı keçiriləcək
|
|
Sabahdan etibarən iyulun 18-dək Türkiyənin Bayburt şəhərində “Dədə Qorqud” 17-ci Beynəlxalq Sənət Festivalı keçiriləcək. Mədəniyyət və Turizm Nazirliyindən “KƏLAMİNFO”ya verilən xəbərə görə, 1995-ci ildən Dədə Qorqudun şərəfinə keçirilən bu ilki festivalda Bayburt Dədə Qorqud 17-ci Beynəlxalq Sənət Festivalına Türkiyə, Azərbaycan, Albaniya, Makedoniya və s. kimi ölkələrdən siyasət, elm, ədəbiyyat və incəsənət xadimləri dəvət olunub. Festivalda Azərbaycanı Milli Məclisin deputatı Qənirə Paşayeva və şair Elxan Zal Qaraxanlı təmsil edəcək.
Milli Məclisin deputatı Qənirə Paşayeva festivalın açılış mərasimində çıxış edəcək və tədbir çərçivəsində Türkiyədən və digər türkdilli dövlətlərdən və toplumlardan olan rəsmi şəxslər, bölgə rəsmiləri ilə görüşlər keçirəcək.
Xatırladaq ki, türkdilli dövlətlərin, o cümlədən başqa ölkələrin ərazilərində yaşayan türk icmalarının elm, siyasət, ədəbiyyat, incəsənət xadimlərinin iştirak edəcəyi mərasimin proqramı rəngarəng olacaq. Burada türk dünyasının foto və rəsm sərgiləri, müxtəlif ölkələrdən folklor ansambllarının çıxışları, tarixi yerlərə ziyarətlər, şeir yarışmaları, “Dədə Qorqud” mövzusunda teatr tamaşaları və s. kimi tədbirlərin də keçiriləcəyi planlaşdırılıb.
|
|
12.07.11 Məqaləni oxumaq
|
| |
|
|
|
Nazir: “Hər hansı bir beynəlxalq tədbirin Azərbaycanda keçirilməsi bizim üçün böyük fürsətdir”
|
|
“Biz Azərbaycanın gerçəkliklərini hər zaman dünya miqyasında təbliğ etməyə böyük əhəmiyyət veririk. Bilirsiniz ki, Azərbaycan turizm potensialı, Azərbaycanın reklamı, müxtəlif iqtisadi inkişafı ilə bağlı müxtəlif suallar, sərgilər, tədbirlər keçirilir”. “KƏLAMİNFO” xəbər verir ki, bu sözləri jurnalistlərə açıqlamasında mədəniyyət və turizm naziri Əbülfəs Qarayev deyib.
“Düşünürük ki, hər hansı bir beynəlxalq tədbirin Azərbaycanda keçirilməsi bizim üçün böyük bir fürsətdir ki, ölkəmizin gerçəkliyini, inkişafını müasir durumunu, Azərbaycanda gedən işlər haqqında geniş məlumatı yayaq və Azərbaycanı təbliğ edək”,-deyə Ə.Qarayev əlavə edib.
Beynəlxalq tədbirlərin Azərbaycan üçün əhəmiyyətindən danışan nazir 2012-ci ildə ölkəmizdə keçiriləcək “Eurovision–2012” mahnı müsabiqəsinə də toxunub: “Eurovision” mahnı yarışmasının keçirilməsi üçün dövlət tərəfindən işlər görülür. Sözsüz ki, bu müsabiqənin ölkəmizdə keçirilməsi Azərbaycana yeni bir təkan olacaq. Ölkəmizin həqiqətlərini dünyaya təqdim etmək üçün “Eurovision” müsabiqəsi ərəfəsində də bu yöndə çox gözəl işlərimiz planlaşdırılıb”.
|
|
12.07.11 Məqaləni oxumaq
|
| |
|
|
|
Aydın İsmiyev: “Bakıdakı hotellər “Eurovision – 2012” qonaqlarını qəbul etməyə hazırdır”
|
|
Bakıdakı hotellər “Eurovision – 2012” mahnı yarışmasında iştirak etmək üçün Azərbaycanın paytaxtına gələcək qonaqları qəbul etməyə hazırdır.
“KƏLAMİNFO” Bakı Şəhər Mədəniyyət və Turizm İdarəsinə istinadən xəbər verir ki, bunu Azərbaycan Mədəniyyət və Turizm Nazirliyinin turizm şöbəsinin müdiri Aydın İsmiyev deyib. Onun sözlərinə görə, paytaxtdakı hotellər qonaqlara lazımi səviyyədə xidmət göstərə biləcəklər.
Nazirlik nümayəndəsi bildirib ki, bütün yerli turizm şirkətlərinin saytlarında onların təklif etdiyi xidmətlər göstərilib. Xarici vətəndaşlar saytlara daxil olaraq bu xidmətlərlə tanış ola və onlardan istifadə edə bilərlər: “Mənə elə gəlir ki, qonaqlar üçün hotellərin özlərində də hansısa xidmətlər təşkil ediləcək. Təbii ki, mehmanxanalar da öz növbələrində ekskursiya xidmətləri göstərməlidir. Mehmanxanalar ekskursiya xidmətini ya özləri təşkil edə, ya da bunun üçün əməkdaşlıq etdiyi turizm şirkətinə müraciət edə bilərlər”.
|
|
08.07.11 Məqaləni oxumaq
|
| |
|
|
|
Səhifələr : # « 30 31 32 33 34 35 36 37 38 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
