|
|
Səhifələr : # « 25 26 27 28 29 30 31 32 33 » #
|
|
Aydın İsmiyev: “Yay turizm mövsümündə turizm obyektlərinə turist axını cəmi 50 gün təşkil edib”
|
|
Cari ilin yanvar ayından bu günədək ümumilikdə nazirlik tərəfindən 23 şirkətə turizm fəaliyyətinə xüsusi razılıq (lisenziya) verilib. “KƏLAMİNFO” xəbər verir ki, bunu Mədəniyyət və Turizm Nazirliyinin Turizm İdarəsinin rəhbəri Aydın İsmiyev deyib. Onun sözlərinə görə, yay turizm mövsümündə Azərbaycanın bölgələri üzrə yerləşdirmə obyektlərinin yüklənmə faizi və turistlərə təklif olunan xidmətlərlə qiymətlərin uyğunluğunun öyrənilməsi ilə bağlı nazirliyin mütəxəssisləri şimal, şimal-qərb, cənub və qərb bölgələrinə həm yay mövsümü öncəsi, həm də mövsümün sonunda ezam olunmuş və ezamiyyənin yekunu olaraq, nazirliyin mütəxəssisləri bir sıra təhlillər aparıb.
|
29.09.11 Məqaləni oxumaq
|
| |
|
|
|
II Bakı Beynəlxalq Kitab Sərgi-Yarmakasında 25 ölkə təmsil olunur
|
|
“Azərbaycan son bir il ərzində 20 beynəlxalq kitab sərgi-yarmarkasında təmsil olunub və kitablarımız birinci, ikinci, üçüncü mükafatla yanaşı, “Qran-pri”yə də layiq görülüb”. “KƏLAMİNFO” xəbər verir ki, bu sözləri II Bakı Beynəlxalq Kitab Sərgi-Yarmarkasının açılış mərasimində mədəniyyət və turizm naziri Əbülfəs Qarayev deyib. 3 gün davam edəcək sərgi-yarmarka çərçivəsində kitab təqdimatları, tanınmış yazarlarla görüşlər, ədəbi-bədii gecələr, simpoziumlar və müzakirələr keçiriləcəyini bildirən nazirin sözlərinə görə, 25 ölkəni əhatə edən tədbirdə 121 Azərbaycan, 135 beynəlxalq nəşriyyatın kitabları təqdim olunur:
|
|
28.09.11 Məqaləni oxumaq
|
| |
|
|
|
Elçin Əfəndiyev: “Bakıda beynəlxalq kitab sərgisinin keçirilməsi təqdirəlayiqdir”
|
|
“Azərbaycanda müstəqillik əldə edildikdən bəri bir çox sərgilər keçirilib, lakin bunların içərisində ən vacibi kitab sərgi-yarmarkasıdır”. “KƏLAMİNFO” xəbər verir ki, bunu İkinci Bakı Beynəlxalq Kitab sərgi-yarmarkasındakı çıxışında baş nazirin müavini Elçin Əfəndiyev deyib. Onun sözlərinə görə, kitab bütün sahələrin inkişafında mühüm rol oynayır və belə bir sərginin keçirilməsi təqdirəlayiqdir. “Kitab bəşəriyyətin ən böyük kəşfidir” deyən E.Əfəndiyev artıq ənənə halını alan beynəlxalq kitab sərgi-yarmarkasında Azərbaycan kitabları, Azərbaycan yazarları dünyaya özlərini tanıtmaq imkanı qazanırlar: “Bu istiqamətdə mübadilələr həyata keçirilir və bu da nailiyyətlər əldə etməyə səbəb olur”.
Qeyd edək ki, İkinci Bakı Beynəlxalq Kitab sərgi-yarmarkası sentyabrın 30-dək davam edəcək.
|
|
28.09.11 Məqaləni oxumaq
|
| |
|
|
|
Azərbaycanda turizm və rekresiya zonaları yaradılacaq
|
|
Turizm və rekresiya zonalarının yaradılması istiqamətində müvafiq yer quruluşu planı xəritələri hazırlanıb. “KƏLAMİNFO”nun məlumatına görə, bunu Mədəniyyət və Turizm Nazirliyinin Turizm İdarəsinin rəhbəri Aydın İsmiyev deyib. Onun sözlərinə görə, plan təsdiqlənmək üçün Nazirlər Kabinetinə təqdim olunub: “Ölkəmizə turizm axının artırılmasında və davamlı turizmin yaradılmasında əsas amil kimi bu məsələ nazirliyin Dövlət Proqramının icrası çərçivəsində həyata keçirdiyi əsas istiqamətlərdən biridir. Turizm və rekresiya zonalarının ümumi Əsasnaməsi Azərbaycan Respublikası Prezidentinin 20 iyun 2008-ci il tarixli Fərmanı ilə təsdiq edilib”.
A.İsmiyevin sözlərinə görə, nazirliyin mütəxəssisləri “Azərbaycan Respublikasının Turizm haqqında Qanun”un yeni layihəsini hazırlayıblar: “Layihə müvafiq dövlət qurumları ilə razılaşdırılması məqsədilə aidiyyəti üzrə təqdim edilib”.
|
|
28.09.11 Məqaləni oxumaq
|
| |
|
|
|
Sabah II Bakı Beynəlxalq Kitab Sərgi-Yarmarkasına start verilir
|
|
Sabah Mədəniyyət və Turizm Nazirliyinin təşkilatçılığı ilə Əl Oyunları İdman Sarayında keçiriləcək II Bakı Beynəlxalq Kitab Sərgi-Yarmarkasına hazırlıq işləri başa çatıb. Nazirlikdən “KƏLAMİNFO”ya verilən məlumata görə, tədbirdə 100-dən çox yerli, 20-dən çox xarici çap-poliqrafiya müəssisəsi və kitabxanalar iştirak edəcək.
Azərbaycan Respublikasının dövlət müstəqilliyinin bərpasının 20 illiyinə həsr olunan sərgi-yarmarkada son 3 ildə ölkə nəşriyyatlarında, eləcə də ABŞ, Rusiya, İran, Türkiyə, Macarıstan, Makedoniya, Slovakiya, Belarus, Latviya, Moldova, Özbəkistan, Qırğızıstan, Tacikistan və digər xarici ölkələrdə nəşr edilən kitablar, nəşr məhsulları nümayiş etdiriləcək.
|
|
28.09.11 Məqaləni oxumaq
|
| |
|
|
|
Polad Bülbüloğlu: ““Xalq diplomatiyası” asan məsələ deyil”
|
|
“Azərbaycan ziyalılarının Dağlıq Qarabağa səfər etməsi - “Xalq diplomatiyası” asan məsələ deyil, çünki son zamanlar bəzi çıxışlarla bağlı vəziyyət yenidən gərginləşib”. “KƏLAMİNFO” xəbər verir ki, bu barədə jurnalistlərə açıqlamasında Azərbaycanın Rusiyadakı səfiri, Xalq diplomatiyası”nın təşəbbüskarı Polad Bülbüloğlu bildirib.
P.Bülbüloğlu qeyd edir ki, təbii ki, bu münaqişə nə vaxtsa qurtaracaq və biz ermənilərlə bir yerdə yaşamalı olacağıq. Onun sözlərinə görə, Bakıda bu gün də 30 minədək erməni yaşayır. “Demək ki bir yerdə yaşamaq mümkündür” - deyə P.Bülbüloğlu vurğulayıb. “Azərbaycan tərəfi münaqişənin sülh yolu ilə həll olunması üçün əlindən gələni edir və bunu qarşı tərəflə, yaradıcı insanlarla, ziyalılarla görüşüb onlara izah etmək lazımdır” - deyə o, əlavə edib.
O, yaxın zamanda ziyalılarımızın “Xalq diplomatiyası” missiyası ilə Ermənistana səfərinin planlaşdırılmadığını bildirib.
|
|
27.09.11 Məqaləni oxumaq
|
| |
|
|
|
Ümumdünya Turizm Günü ölkəmizdə təntənəli şəkildə qeyd olunacaq
|
|
Mədəniyyət və Turizm Nazirliyi tərəfindən Azərbaycanda Turizm ili çərçivəsində Ümumdünya turizm gününün təntənəli qeyd olunması münasibətilə sentyabrın 27-də bir sıra tədbirlərin həyata keçirilməsi nəzərdə tutulub. Nazirliyin mətbuat xidmətindən “KƏLAMİNFO”ya verilən məlumata görə, həmin gün saat 10:00-da “Kempinski Hotel Badamdar” mehmanxanasında “Ümumrespublika Daxili Turizm Konfransı”, 10:00-dan 19:00-dək “Dənizkənarı milli parkda əl sənətkarlığı nümunələri sərgisi” və saat 19:00-da “Dənizkənarı milli parkda” konsert proqramının təşkil olunması planlaşdırılıb.
Qeyd edək ki, Ümudünya Turizm Günü münasibəti ilə ölkə muzeylərində açıq qapı günü də elan olunub.
|
|
23.09.11 Məqaləni oxumaq
|
| |
|
|
|
“Eurovision” qalibi prezidentlik iddiasındadır
|
|
Azərbaycan tamaşaçısının “Eurovision” mahnı yarışması haqqında o qədər də ətraflı məlumatı olmadığı 1970-ci ildə müsabiqənin qalibi olmuş irlandiyalı Dana Rosemari Skallon prezidentliyə namizədliyini irəli sürüb və bu posta iddiası böyükdür. “KƏLAMİNFO” müsabiqənin rəsmi saytına istinadən xəbər verir ki, Skallon qalib olandan 20 il sonra 1990-cı ildə siyasətə qoşulub və bu namizədlik onun ölkədə keçirilən prezident seçkilərində ikinci cəhdidir. Namizədlər arasında 3-cü yeri tutan məşhur sonralar nə sənətindən vaz keçib, nə də ki, siyasətdən.
Qeyd edək ki, “All kinds of everything” mahnısı ilə “Eurovision–1970”in qalibi olan Dana Rosemari Skallon 1999-cu ildə Avropa Parlamentinin üzvü də olub.
Xatırladaq ki, məşhur ulduzun da qoşulduğu İrlandiya prezident seçkiləri cari ilin oktyabrın 27-də baş tutacaq.
|
|
22.09.11 Məqaləni oxumaq
|
| |
|
|
|
Əbülfəs Qarayev: Azərbaycana gələn turistlərin sayında 9 faiz artım olub
|
|
Bu ilin 6 ayı ərzində ötən illə müqayisədə Azərbaycana gələn turistlərin sayında 9 faiz artım olub. “KƏLAMİNFO” xəbər verir ki, bunu jurnalistlərə açıqlamasında mədəniyyət və turizm naziri Əbülfəs Qarayev deyib. Bu il ölkəyə gələn turistlərin sayı 1 mln.-u keçib.
Ə.Qarayev deyib ki, gələn il Azərbaycanda keçiriləcək “Avroviziya” mahnı müsabiqəsi ilə bağlı turizm şirkətləri artıq öz paketlərini formalaşdırırlar. “Biz yeni mehmanxanaların açılışına hazırlaşırıq. Hazırda qiymət siyasəti ətrafında müzakirələr gedir. Gələn ayın ortasına kimi bununla bağlı konkret nəticələr açıqlanacaq” - deyə nazir vurğulayıb. Onun sözlərinə görə, “Avroviziya” ilə bağlı Azərbaycana gələcək qonaqların yerləşdirilməsi üçün vahid qərargah formalaşdırılacaq və bu qərargahın ünvanı Heydər Əliyev Fondu tərəfindən müəyyənləşdiriləcək.
|
|
21.09.11 Məqaləni oxumaq
|
| |
|
|
|
“Turizmin inkişafı media müstəvisində” mövzusunda Dəyirmi masa keçirilib
|
|
Bu gün Azərbaycan Mətbuat Şurasının inzibati binasında Mədəniyyət və Turizm Nazirliyi ilə birgə “Turizmin inkişafı media müstəvisində” mövzusunda Dəyirmi masa keçirilib. “KƏLAMİNFO” xəbər verir ki, tədbirdə mədəniyyət və turizm naziri Əbülfəs Qarayev bildirib ki, bu günə qədər ölkədə turizmin inkişafı ilə bağlı üç dövlət proqramı hazırlanıb.
O, qeyd edib ki, Azərbaycan dövləti turizm sektorunda fəaliyyət göstərən müəssisələrin qeyri-dövlət obyektləri kimi fəaliyyətində maraqlıdır. “Dəfələrlə bildirmişəm ki, Azərbaycanda turizm sənayesində çalışanlar “kabab turizmi”ndən əl çəkməlidirlər. İnkişaf etməkdə olan turizm sənayesində yeni xidmətlər təklif olunmalıdır. Biz bu istiqamətdə öz işimizi görürük.
|
|
20.09.11 Məqaləni oxumaq
|
| |
|
|
|
Səhifələr : # « 25 26 27 28 29 30 31 32 33 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
