|
|
Səhifələr : # « 18 19 20 21 22 23 24 25 26 » #
|
|
Berlindəki Azərbaycan Evinin 5 yaşı tamam olub
|
|
Berlindəki Azərbaycan Evinin 5-ci ildönümü qeyd edilib. Diasporla İş üzrə Dövlət Komitəsindən “KƏLAMİNFO”ya verilən məlumata görə, yubiley gecəsində yazıçı Əmir Pəhləvan Azərbaycan Evinin fəaliyyəti haqqında qonaqlara məlumat verib və təşkilatın bu illər ərzində bir sıra mədəniyyət və idman sahəsində bir sıra tədbirlər təşkil etdiyini və Azərbaycandan gələn incəsənət xadimlərinin hamiliyi ilə məşğul olduğunu bildirib. Bildirilir ki, ölkəmizin Almaniyadakı səfiri Pərviz Şahbazov çıxışı zamanı Azərbaycan Evinin fəaliyyətini qiymətləndirərək, evin yaranması ideyasının tarixinə dair məlumat verib.
Qeyd edək ki, gecədə iştirak edən AFFA-nın birinci vitse-prezidenti, millət vəkili Rauf Əliyev Azərbaycan Evinin gənclərlə idman sahəsində gördüyü işlərin təqdirəlayiq olduğunu bildirib.
|
02.12.11 Məqaləni oxumaq
|
| |
|
|
|
Nyu-York Azərbaycan Teatrı fəaliyyətə M.F.Axundovla başlayacaq
|
|
Nyu-York Azərbaycan Teatrı bu ay fəaliyyətə başlayacaq. Diaspola İş üzrə Dövlət Komitəsindən “KƏLAMİNFO”ya verilən məlumata görə, teatrda ilk tamaşasının premyerası dekabrın 4-də olacaq. Bildirilir ki, ABŞ-da Azərbaycan Nyu-York Assosiasiyasının nəzdində yaradılan Nyu-York Azərbaycan Teatrının ilk olaraq Mirzə Fətəli Axundovun “Müsyo Jordan və Dərviş Məstəli Şah” tamaşasına müraciət edib. Verilən məlumata görə, tamaşa M.F.Axundovun anadan olmasının 200 illik yubileyinə həsr olunub.
|
|
01.12.11 Məqaləni oxumaq
|
| |
|
|
|
Yazıçılarımız “Belaya Veja” jurnalında
|
|
Azərbaycan yazıçılarının əsərləri Belarus-Rusiya İttifaq Dövləti Yazıçılar Birliyinin “Belaya Veja” jurnalında çap ediləcək. “KƏLAMİNFO”nun məlumatına görə, ölkəmizin Minskdəki səfiri İsfəndiyar Vahabzadənin Belarus Yazıçılar İttifaqının sədri Nikolay Çerqinetslə görüşündə bu barədə razılığa gəlinib. İki ölkə arasında mədəni əlaqələrin inkişafına dair söhbətlərin yer aldığı görüşdə N.Çerqinets səfirimizin elmi təcrübəsini nəzərə alaraq, onun Belarus Yazıçılar İttifaqına və “Belaya Veja” jurnalının redaksiya heyətinə üzv qəbul edilməsini təklif edib. Birgə layihələrin həyata keçirilməsinin önəmindən danışılarkən İ.Vahabzadə təklifi qəbul eidb və jurnalında Azərbaycan yazıçılarının əsərlərinin dərc edildiyi təqdirdə iki ölkə arasında mədəni əlaqələrimizin inkişafına təkan verəcəyi vurğulanıb.
|
|
30.11.11 Məqaləni oxumaq
|
| |
|
|
|
“Nizami” kinoteatrının təntənəli təqdimatı olacaq
|
|
Noyabrın 24-də prezident İlham Əliyev və xanımı Mehriban Əliyevanın iştirakı ilə açılışı olan “Nizami” kinoteatrı tamaşaçılarla ilk görüşə hazırlaşır. Mədəniyyət və Turizm Nazirliyindən “KƏLAMİNFO”ya verilən məlumata görə, hazırda yeni müəssisənin nizamnaməsinin təkmilləşdirilməsi, mürəkkəb kino-texnoloji avadanlığı istismar edə biləcək mütəxəssislərlə ştat vahidlərinin komplektləşdirilməsi, eləcə də repertuarın formalaşdırılması üzrə işlər davam edir. Bildirilir ki, cari ilin dekabrın sonunda nazirlik tərəfindən bərpa edilmiş “Nizami” kinoteatrının təntənəli təqdimat mərasiminin keçirilməsi planlaşdırılır.
Qeyd edək ki, aparılan əsaslı təmir və yenidənqurma işlərindən sonra kinoteatr tamaşaçı üçün maksimum komfort yaradılan mədəniyyət ocağına çevrilib. “Nizami” kinoteatrında inzibati otaqlarla yanaşı, mətbuat mərkəzi, televiziya qovşağı da yaradılıb.
|
|
30.11.11 Məqaləni oxumaq
|
| |
|
|
|
Xalq rəssamı Mikayıl Abdullayevin 90 illiyi qeyd olunacaq
|
|
Mikayıl Abdullayevin 90 illik yubileyi ilə əlaqədar sərgi keçiriləcək. Mədəniyyət və Turizm Nazirliyindən “KƏLAMİNFO”ya verilən məlumata görə, Azərbaycan təsviri sənətinin görkəmli nümayəndəsi, Dövlət Mükafatları laureatı, “İstiqlal” ordenli Xalq rəssamı Mikayıl Abdullayevin 90 illiyinə həsr olunmuş sərginin açılışı Azərbaycan Milli İncəsənət Muzeyində baş tutacaq. Bildirilir ki, rəssamın doğum günündə (19 dekabr) qəbirüstü abidəsi də ziyarət olunacaq, eyni zamanda Azərbaycan Milli İncəsənət Muzeyində M.Abdullayevin həyat və yaradıcılığına həsr olunmuş Dəyirmi masa təşkil olunacaq. İlk fərdi sərgisi 36 yaşında Moskvada keçirilən M.Abdullayev SSRİ xalq rəssamı, SSRİ Dövlət və C.Nehru adına Beynəlxalq mükafatlar laureatı, professor kimi tanınıb. M.Abdullayev kitab qrafikasında “Kitabi-Dədə Qorqud”, “Molla Nəsrəddinin lətifələri”, “Leyli və Məcnun”, “Danabaş kəndinin məktəbi”, “Poçt qutusu”, “Gələcək gün”, “Şamo”, “Şəbi-hicran” əsərlərinə çəkdiyi illüstrasiyaları, “Axşam” (1947), “Mingəçevir işıqları” (1948), “Səadət quranlar” (1951) tabloları ilə ölkəmizdə və xaricdə də müvəffəqiyyət qazanıb.
|
|
29.11.11 Məqaləni oxumaq
|
| |
|
|
|
“Eurovision–2012”nin Milli seçim turunda Azərbaycan musiqisi ifa olunacaq
|
|
Dünəndən etibarən İctimai Televiziyanın efirində başlayan “Eurovision–2012” Mahnı Müsabiqəsinin Milli seçim turunda ilk həftənin 9 nəfər iştirakçısı – Ramin Quliyev, Canana Zeynalova, Orxan Mirzəyev, Kənan Qədimov, Anastasiya Bedritskaya, Amil Qocayev, Orxan Kərimli, Elnarə Həsənova və Səmra Rəhimli ilk çıxışlarında beynəlxalq estradadan xitlər ifa edib. İTV-dən “KƏLAMİNFO”ya verilən məlumata görə, bu gün isə qeyd olunan 9 nəfər Azərbaycan musiqisi ifa edərək performanslarını təqdim edəcəklər. Yarışmanın ikinci günü 21:00-da İctimai TV ilə canlı yayımlanacaq.
|
|
29.11.11 Məqaləni oxumaq
|
| |
|
|
|
Bu gün “Eurovision-2012”-nin Milli seçim turu başlayır
|
|
Bu gündən etibarən “Eurovision-2012” Mahnı Müsabiqəsinin Milli seçim turu başlayacaq.
“KƏLAMİNFO” İTV-yə istinadən xəbər verir ki, turda iştirak hüququnu qazanan 72 nəfər 9 nəfərdən ibarət 8 qrupa bölünərək, 8 həftə ərzində İctimai Televiziyanın canlı efirində çıxış edəcək. İlk qrupda isə Ramin Quliyev, Canana Zeynalova, Orxan Mirzəyev, Kənan Qədimov, Anastasiya Bedritskaya, Amil Qocayev, Orxan Kərimli, Elnarə Həsənova və Səmra Rəhimli yarışacaq.
İTV-dən bildiriblər ki, iştirakçılar bazar ertəsindən cümə gününədək yayımlanan Milli seçim şousunda səs imkanları və səhnə performanslarını göstərəcəklər. Keçən ilkindən fərqlənməyən seçim qaydalarının nəticəsində həftənin qalibi 5 gün ərzində tamaşaçıların göndərdiyi sms və münsiflər heyətinin səsverməsi nəticəsində müəyyən olunacaq. 8 həftənin qalibləri növbəti mərhələyə - yarımfinala vəsiqə qazanacaq.
Qeyd edək ki, finala keçmiş iştirakçılar isə Azərbaycanı “Eurovision Mahnı Müsabiqəsi – 2012”də təmsil etmək uğrunda yarışacaq.
Xatırladaq ki, Milli seçim turunun ilk efiri bu axşam saat 22:00-da İctimai Televiziyanın efirində başlayacaq.
|
|
29.11.11 Məqaləni oxumaq
|
| |
|
|
|
“Bakı Şəhər Turu” layihəsinin 1 ili münasibəti ilə tədbir keçirilib
|
|
Bu gün “Baku City Tour - Bakı Şəhər Turu” layihəsinin həyata keçirilməsinin bir ili tamam olur. “KƏLAMİNFO” xəbər verir ki, bununla bağlı mətbuat nümayəndələrinin də iştirakı ilə “Bakı turu” keçirilib. Qeyd edək ki, layihə Mədəniyyət və Turizm Nazirliyinin dəstəyi ilə Bakı Turizm İnformasiya Mərkəzi “Millenium Turizm Konqres DMC” ilə birgə Azərbaycanın turizm potensialı və mədəni irsinin daha geniş təbliğ olunması və eyni zamanda gənc tur bələdçilərin professional səviyyəsinin daha da artırılması məqsədi ilə ötən ilin noyabr ayından reallaşdırılır. “Millenium Turizm Konqresi DMC”-nin rəhbəri Ruslan Quliyevin sözlərinə görə, şəhər gəzintisi hər gün səhər saat 12.00-da “Azadlıq” meydanında başlayır və təqribən 5 saata yaxın bir zamanda Azərbaycan Dövlət Akademik Opera və Balet Teatrının yaxınlığında bitir. Ekskursiya eyni zamanda, rus, ingilis, fars və türk dillərində aparılır. Layihəyə Azərbaycan Turizm İnstitutunun tələbələri də cəlb olunur. Bakıda fəaliyyət göstərən mehmanxanalar, restoranlar, turizm şirkətləri, nəqliyyat qovşaqları (avtovağzal, dəniz limanı, hava limanı, dəmir yol vağzalı) xarici ölkə nümayəndəlik və şirkətləri də layihədə aktiv iştirak edir.
|
|
26.11.11 Məqaləni oxumaq
|
| |
|
|
|
Azərbaycan nağılları ingilis dilində səsləndirilib
|
|
Azərbaycan nağıllarının ingilis dilində həm səsli, həm də çap versiyası təqdim olunacaq. “KƏLAMİNFO” xəbər verir ki, Mədəniyyət və Turizm Nazirliyinin dəstəyi ilə Türkiyənin “Nümunə” nəşriyyatında nəfis şəkildə yüksək poliqrafik keyfiyyətdə çap olunan ingilis dilində “Azərbaycan nağılları” (“Azerbaijan fairy tales”) kitabı və eyni adlı diskin təqdimat mərasimi olacaq. Bildirilir ki, Azərbaycanın ən məşhur nağılları daxil olmaqla 28 nağılın toplandığı kitabın tərcüməçiləri ingiltərəli Yen Pert və həmyerlimiz Səadət İbrahimova, rəssamı Azərbaycanın Xalq rəssamı Arif Hüseynov, layihənin rəhbəri isə Leyla Əfəndiyevadır. Nağılları ingilis dilində Selia Devis (İngiltərə) səsləndirib.
Qeyd edək ki, kitab müəlliflərinin, tanınmış elm və mədəniyyət xadimləri, KİV nümayəndələrinin iştirak edəcəyi təqdimat mərasimi bu gün saat 16-da Art Qarden Sərgi Salonunda baş tutacaq.
|
|
25.11.11 Məqaləni oxumaq
|
| |
|
|
|
“MİRAS” II Qara dəniz Turizm və Səyahət Sərgisinə qatılıb
|
|
Türkiyənin Trabzon şəhərində II Qara dəniz Turizm və Səyahət Sərgisi açılıb. “KƏLAMİNFO”ya verilən məlumata görə, sərgidə ölkəmizi nativ turizm, xüsusilə arxeoloji turizmin təbliği sahəsində geniş fəaliyyət göstərən “MİRAS” Mədəni İrsin Öyrənilməsinə Kömək İctimai Birliyi təmsil edir. Türkiyə, Azərbaycan, Gürcüstan, İran və başqa ölkələrdən 100-dən çox firma və agentliyin qatıldığı sərginin açılışında Ordu Valisi Orhan Düzgün, Trabzon Vali Yardımçısı Hahmut Halal, Trabzon Bələdiyyə Başkan Yardımçısı Hüseyin Turan, Trabzon Ticarət və Sənaye Odası Başkanı M.Suat Hacısalihoğlu, İranın Trabzon Baş konsulu Ali Nikan, Trabzon İl Kültür və Turizm müdiri İsmayıl Kansız və digər dövlət rəsmiləri iştirak ediblər.
|
|
25.11.11 Məqaləni oxumaq
|
| |
|
|
|
Səhifələr : # « 18 19 20 21 22 23 24 25 26 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
