|
|
Səhifələr : # « 17 18 19 20 21 22 23 24 25 » #
|
|
“Eurovision–2012”nin Milli seçim turunun 3-cü həftəsi sabah başlayır
|
|
Sabah “Eurovision–2012”nin Milli seçim turunun 3-cü həftəsinə start veriləcək. İctimai Televiziyadan “KƏLAMİNFO”ya verilən məlumata görə, bu həftənin iştirakçıları Xəyyam Mustafazadə, Fərid Ramazanov, Aytac Vəliyeva, Rüstəm Əlləzov, Rövşən Əzizov, Aysel Quluzadə, Yelena Kərimova, Anar Səfərov və Altun Zeynalov olacaq. Milli seçim qaydalarına uyğun olaraq iştirakçılar həftənin 5 günü canlı yayımda ifa və performanslarını təqdim edəcəklər. Şənbə günü isə münsiflər heyəti və tamaşaçıların səsverməsi nəticəsində 3-cü həftənin qalibi bəlli olacaq.
Xatırladaq ki, əvvəlki iki həftədə Orxan Kərimli və Mehriban Sadıqova yarımfinal mərhələsinə vəsiqə qazanıb.
Qeyd edək ki, finalda Milli seçim həftələrinin birincisi olan 8 nəfər yarışacaq və qələbə qazanan iştirakçı Bakıda keçiriləcək “Eurovision–2012” Mahnı Müsabiqəsində Azərbaycanı təmsil edəcək.
|
13.12.11 Məqaləni oxumaq
|
| |
|
|
|
Gənc Tamaşaçılar Teatrı Yeni ilə yeni tamaşa ilə hazırlaşır
|
|
Dövlət Gənc Tamaşaçılar Teatrı kiçik yaşlı tamaşaçı və məktəbliləri Yeni il şənliklərində yeni tamaşa və sürprizlərlə zəngin əyləncəli proqramla qarşılayacaqlar. Mətbuat xidmətindən “KƏLAMİNFO”ya verilən məlumata görə, teatrda yeni il şənliklərində oynanılması üçün “Cupbulu əjdaha” adlı musiqili əyləncəli tamaşa üzərində yaradıcılıq işinə start verilib.
Quruluşçu rejissoru və səhnə tərtibatı Nicat Kazımov olan tamaşada rolları teatrın gənc aktyorları Müşfiq Əliyev, Roza İbadova, Elgün Yəhyayev, Anar Seyfullayev, İradə Rəşidova, Vahid Orucoğlu, Anar Səfiyev, Eşqin Quliyev ifa edəcəklər. Şənlik iştirakçılarını Şaxta baba və Qar qız qarşılayıb, teatrın yeni il bayramı üçün bəzədilmiş geniş və yaraşıqlı foyesində digər nağıl qəhrəmanlarının iştirakı ilə xüsusi hazırlanmış yeni il proqramına dəvət edəcəklər.
|
|
12.12.11 Məqaləni oxumaq
|
| |
|
|
|
Azərbaycana gələn turistlərin 55%-i sərhədyanı ölkələrdəndir
|
|
“Xaricdən Azərbaycana gələn turistlərin sayına görə onların 50-55%-ini qonşu ölkələrin vətəndaşları təşkil edir”. “KƏLAMİNFO” xəbər verir ki, bu barədə Bakıda keçirilən “Sərhədyanı turizmin inkişaf perspektivləri”nə həsr olunan beynəlxalq konfransda Mədəniyyət və Turizm Nazirliyinin Turizm şöbəsinin müdiri Aydın İsmiyev məlumat verib.
Sektor müdiri bildirib ki, turizm ili çərçivəsində bir sıra beynəlxalq tədbirlər keçirilib. Sərhədyanı turizmin çox aktual olduğunu vurğulayan A.İsmiyev bu turizm növünün bütün dünya xalqları arasında sərfəli olduğunu qeyd edib: “Burada həm məsafənin yaxınlığı, həm də maliyyə vəsaitinin az tələb olunması amili əlbəttə ki, turistlərin qonşu ölkələrə səfər etmələrinə daha çox təsir edir. Bütün sərhədyanı ölkələrlə bizim əlaqələrimiz var. Biz İran, Gürcüstan, Türkiyə, Rusiya və digər sərhədyanı ölkələrlə turist mübadiləsi edirik”.
|
|
10.12.11 Məqaləni oxumaq
|
| |
|
|
|
Aydın İsmiyev: “Dəmir yolu turizm üçün hələ inkişaf etməyib”
|
|
“Dəmir yolu infrastrukturu turizm üçün inkişaf etməyib. Amma bu planda var və nəzərdə tutulub ki, dəmiryolu turizminin inkişafını müasir standartlara cavab verən turist vaqonları ilə təmin edib bu sahədə də ölkələrarası turizm mübadiləsində müəyyən nailiyyətlərə də öz imzamızı ataq”. “KƏLAMİNFO” xəbər verir ki, bu açıqlamanı jurnalistlərə Mədəniyyət və Turizm Nazirliyinin Turizm şöbəsinin müdiri Aydın İsmiyev verib.
Şöbə müdiri bu sahədəki tariflərə gəlincə bildirib ki, ölkədaxili xarici turistlər üçün tariflər müəyyənləşdirilib, amma dəmiryolu turizmində tariflər hələ tam dəqiq deyil: “Bu o zaman məlum olacaq ki, bu sahədə infrastruktur hazır olsun və bu mexanizm işə düşsün. Biz bu haqda təkliflərimizi vermişik və əlbəttə ki, bu işin tam şəkildə həyata keçirilməsi bir və ya iki ilin ərzində baş verə bilməz”.
|
|
09.12.11 Məqaləni oxumaq
|
| |
|
|
|
Tarixi-mədəni irsimizin təbliği məqsədilə 2012-ci ildə silsilə tədbirlər planlaşdırılır
|
|
Mədəniyyət və Turizm Nazirliyi tərəfindən beynəlxalq səviyyədə ölkəmizin tarixi-mədəni irsinin təbliği məqsədilə 2012-ci ildə beynəlxalq təşkilatlar və ikitərəfli əməkdaşlıq vasitəsilə silsilə layihələrin həyata keçirilməsi nəzərdə tutulur. Nazirlikdən “KƏLAMİNFO”ya verilən məlumata görə, gələcəkdə Qafqaz Albaniyasının mədəni irsinə dair vahid məlumat bazasının və saytın hazırlanması, bu istiqamətdə milli və beynəlxalq layihələrin dəstəklənməsi, ölkə ərazisində bütün regionlarda qədim Qafqaz Albaniyası dövrünə aid abidələrin identifikasiyası, tədqiqi, bərpası və qorunması, Azərbaycan Respublikası ərazisində mövcud olan Qafqaz Albaniyası abidələrin ölkə və xaricdə tanıdılması məqsədilə təbliğat materialların hazırlanması, Qafqaz Albaniyası irsinə dair filmin çəkilişi və fotosərginin keçirilməsi, Qafqaz Albaniyası abidələrinin YUNESKO-nun Dünya İrsi Siyahısına təqdim edilməsi və bununla bağlı beynəlxalq və yerli tədbirlərin nazirlik tərəfindən təşkili nəzərdə tutulub.
|
|
09.12.11 Məqaləni oxumaq
|
| |
|
|
|
Uşaq cizgi filmləri müsabiqəsi davam edir
|
|
Mədəniyyət və Turizm Nazirliyi tərəfindən keçirilən bir dəqiqəlik uşaq cizgi filmləri müsabiqəsi davam edir. Nazirlikdən “KƏLAMİNFO”ya verilən məlumata görə, müsabiqəyə işlərin təhvil verilməsi 2011-ci il dekabrın 15-dək davam edəcək. Bildirilir ki, müsabiqədə animasiya kinosu ilə məşğul olan şəxslər iştirak edə bilər. Müsabiqəyə təqdim olunan filmlərə işlənmə texnikası üzrə məhdudiyyət qoyulmur.
Xatırladırıq ki, iki qalib layihənin müəllifləri 2012-ci ildə on və beş dəqiqəlik cizgi filmi çəkmək hüququ qazanacaq.
Qeyd edək ki, qaliblərin adları 2011-ci il dekabrın 28-dək www.mct.gov.az saytında və “Mədəniyyət” qəzetində açıqlanacaq.
|
|
07.12.11 Məqaləni oxumaq
|
| |
|
|
|
Kanadada ilk Azərbaycan mədəniyyət mərkəzi açılıb
|
|
Ötən gün Kanadanın Vankuver şəhərində Kanadada ilk dəfə olaraq Azərbaycan mədəniyyət və icma mərkəzinin təntənəli açılış mərasimi keçirilib. Bu barədə məlumatı “KƏLAMİNFO”ya Kanadadakı səfirliyimizdən veriblər.
Azərbaycan mədəniyyət və icma mərkəzində Azərbaycan dilinin, musiqisinin və milli rəqslərinin tədrisi kurslarının təşkili planlaşdırılır.
Qeyd olunan mərkəzin açılışında Vankuverdə yaşayan Azərbaycan icmasının fəal üzvü olan Məhəmməd Purazadın xüsusi rolu olub.
Mərkəzin açılış mərasimində iştirak edən Azərbaycanın Kanadadakı səfiri Fərid Şəfiyev Azərbaycan mədəniyyətinin Kanadada təbliğinin və Azərbaycan icmasının bu ölkədə mütəşəkkil fəaliyyət göstərməsinin vacibliyini qeyd edib.
Tədbir Azərbaycan musiqi konserti ilə bitib.
|
|
06.12.11 Məqaləni oxumaq
|
| |
|
|
|
“Eurovision–2012”-nin Milli seçim turunun 2-ci həftəsi başlayır
|
|
Bu gün “Eurovision–2012” Milli seçim turlarının 2-ci həftəsinə start verilir. İctimai Televiziyadan “KƏLAMİNFO”ya verilən məlumata görə, bu həftənin iştirakçıları Rüfət Əliyev, Mehriban Sadıqova, Fərid Həsənov, İlham Həmidov, Hüseyn Abdullayev, Məryam Kərimova, Sehri Rəhimova, “Live or Leave” qrupu və Elvin Babazadə olacaq. Bildirilib ki, ikinci həftənin iştirakçıları bu gün dünya estradasından mahnılarla səhnədə olacaq.
Qeyd edək ki, Milli seçim turunun qaydalarına görə, iştirakçılar həftənin 5 günü canlı yayımda ifa və performanslarını təqdim edəcəklər. Həftənin cümə günü isə münsiflər heyətinin və tamaşaçıların SMS səsverməsi nəticəsində qalib bəlli olaraq yarımfinala vəsiqə qazanacaq.
Xatırladaq ki, Milli seçim turu bu gün saat 22:00-da İctimai Televiziya ilə canlı olaraq yayımlanacaq.
|
|
06.12.11 Məqaləni oxumaq
|
| |
|
|
|
“Teatrın heyətində əsaslı dəyişikliklər etmək çox vacibdir”
|
|
“Teatrın heyətində əsaslı dəyişikliklər etmək üçün müsabiqənin keçirilməsi çox vacibdir. Biz istəyirik ki, istedadlı gənclərə yol açaq. Bu, yenicə təmirdən çıxacaq teatrda xüsusilə lazımdır. İstər yaradıcı qrup üçün, istərsə də texniki heyət üçün geniş iş şəraiti yaradılır. Bizim öhdəmizə düşən həm aktyor, həm də orkestr, xor və balet heyətlərinin tərkibini möhkəmlətmək, yeni gənc və istedadlı kadrları teatra cəlb etmək, cari repertuarı zənginləşdirmək düşür”. “KƏLAMİNFO” xəbər verir ki, bu fikirləri, Dövlət Musiqili Komediya Teatrının direktoru, Əməkdar incəsənət xadimi, fəlsəfə doktoru Əliqismət Lalayev teatrın simfonik orkestrində, xor və balet heyətində işləmək üçün müsabiqə elan edilməsi haqqında açıqlama verərkən bildirib. Onun sözlərinə görə, hal-hazırda teatrda kadr çatışmazlığı var və bu boşluğu doldurmaq üçün yeni, istedadlı kadrlara çox ehtiyac var: “Ümid edirik ki, seçim turundan sonra yaradıcı heyətdə tam yenilik nəzərə çarpacaq”.
|
|
05.12.11 Məqaləni oxumaq
|
| |
|
|
|
Bakıda V Beynəlxalq Mstislav Rostropoviç festivalı davam edir
|
|
Heydər Əliyev Sarayında V Beynəlxalq Mstislav Rostropoviç festivalının dünən təntənəli açılışı olub. “KƏLAMİNFO” xəbər verir ki, açılış mərasimində çıxış edən mədəniyyət və turizm naziri Əbülfəs Qarayev bildirib ki, festivalın əsas məqsədi M.Rostropoviçin vətənində dünyanın tanınmış incəsənət ustalarının çıxışlarını təşkil etməkdir: “Azərbaycanın birinci xanımı, Heydər Əliyev Fondunun prezidenti, UNESCO-nun və İSESCO-nun xoşməramlı səfiri Mehriban Əliyevanın təşəbbüsü ilə bu beynəlxalq festival hər il dekabr ayında ölkəmizin paytaxtında əsl musiqi bayramı kimi təşkil edilir.
|
|
05.12.11 Məqaləni oxumaq
|
| |
|
|
|
Səhifələr : # « 17 18 19 20 21 22 23 24 25 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
