|
|
Səhifələr : # « 14 15 16 17 18 19 20 21 22 » #
|
|
“Oskar”ın mükafat rekordçusu “Artist” filmi olub
|
|
Dünən dünyanın ən nüfuzlu mükafatı olan “Oskar” sahiblərinə təqdim edilib. 84-cü “Oskar” mərasimi ABŞ-ın Los-Anceles şəhərində Kodak Teatrında keçirilib. “KƏLAMİNFO” “Lenta.ru”ya istinadən xəbər verir ki, bir çox telekanalda canlı yayımlanan gecə ənənəvi olaraq Qırmızı Xalça mərasimi ilə başlayıb. Corc Kluni, Bred Pitt, Ancelina Coli, Jan Duyardin, Natali Portman, Qlenn Close, Mişel Uilyams, Qlenn Kloz kimi bir çox ulduzun qatıldığı mərasimin aparıcısı məşhur komediya aktyoru Bill Kristal olub.
Gecədə ilin mükafat rekordçusu “Artist” filmi olub. Belə ki, “Artist” "Ən yaxşı film", "Ən yaxşı rejissor", "Ən yaxşı aktyor" daxil olmaqla 5 nominasiyada “Oskar” mükafat alıb. “Hüqo” filmi texniki nominasiyalara görə 5 “Oskar” qazanıb. “Ən yaxşı aktrisa” mükafatını 2 dəfə qızıl heykəli evinə aparan Meril Strip alıb. İranda səs-küyə səbəb olan “Bir ayrılıq” filmi "Ən yaxşı xarici film" nominasiyası üzrə mükafat qazanıb.
|
28.02.12 Məqaləni oxumaq
|
| |
|
|
|
Əbülfəs Qarayev: “Turizmdə 3 milyard dollara yaxın vəsait dövr edir”
|
|
Turizm sahəsində 3 milyard dollara yaxın vəsait dövriyyədə saxlanılır. “KƏLAMİNFO” xəbər verir ki, bunu mədəniyyət və turizm naziri Əbülfəs Qarayev “Turizm ili”nin yekunlarına həsr olunan kollegiya iclasında deyib.
Nazir bildirib ki, Azərbaycana gələn turist orta hesabla 700 dollar xərcləyir: “Ölkəyə il ərzində 2 milyondan çox turistin gəldiyini nəzərə alsaq, büdcəyə 1,5 milyard dollar vəsait turistlərin hesabına daxil olur. Bu qədər vəsait də daxili turizmin potensialında möcvuddur. Azərbaycan turizmi 3 milyard dollara qədər vəsaiti dövriyyədə saxlayır”. Ə.Qarayev bildirib ki, xaricdən gələn insanların sayının artım tempi Ümumdünya Turizm Təşkilatının orta göstəricilərindən üstündür. Onun sözlərinə görə, ötən il Azərbaycana gələn turistlərin sayında 14 faiz artım qeydə alınıb: “Gözləyirik ki, bu il bizim üçün daha uğurlu olacaq. Çünki bu il Azərbaycanda “Eurovision” mahnı müsabiqəsi və digər mühüm təbirlər keçiriləcək. Bunun nəticəsində Azərbaycana gələn insanların sayı artacaq”.
Nazir qeyd edib ki, hazırda ölkədə 50-yə yaxın yeni mehmanxana inşa olunur.
|
|
23.02.12 Məqaləni oxumaq
|
| |
|
|
|
Albaniya təmsilçisi albanca oxuyacaq
|
|
Albaniyanın “Eurovisio–2012” təmsilçisi mahnısını albanca oxuyacaq. “KƏLAMİNFO” müsabiqənin rəsmi saytına istinadən xəbər verir ki, Rona Nişliunun (Rona Nishliu) ifa edəcəyi mahnı “Suus” adlanır.
Qeyd edək ki, Kosovo əsilli müğənni ABŞ-da iki həftə ərzində mahnının studiya yazılışı ilə məşğul olub. Müsabiqənin qaydalarına əsasən, mahnı 3 dəqiqəyə qədər qısaldılıb. Mahnının üzərində isə 3 studiya işləyib.
Xatırladaq ki, Rona Nişliu mayın 22-də Eurovision Mahnı Müsabiqəsinin birinci yarımfinalında çıxış edəcək.
|
|
21.02.12 Məqaləni oxumaq
|
| |
|
|
|
Akademik Milli Dram Teatrının repertuarında dəyişiklik olunub
|
|
Akademik Milli Dram Teatrının fevral repertuarında dəyişiklik olub. Teatrın mətbuat xidmətinin katibi Elçin Cəfərov dəyişiklik olunmuş afişanı “KƏLAMİNFO”ya təqdim edib.
Belə ki, 18 fevralda M.Frişin “Don Juan və həndəsə”, 19 fevralda V.Hüqonun “Qadın məhəbbəti”, 22 fevralda A.Saqarellinin “Xanuma”, 23 fevralda S.Şendilin “Qanlı Nigar”, 24 fevralda A.Məsudun “Qatarın altına atılan qadın”, 25 fevralda Elçinin “Şekspir”, 26 fevralda İ.Əfəndiyevin “Qarabağnamə”, saat 12:00-da H.Mirələmovun “Xəcalət”, 28 fevralda İ.Əfəndiyevin “Boy çiçəyi”, 29 fevralda Ə.Əmirlinin “Mesenat” əsəri səhnələşdiriləcək.
Xatırladaq ki, qalan tamaşalar göstərilən tarixlərdə saat 19:00-da nümayiş olunacaq.
|
|
16.02.12 Məqaləni oxumaq
|
| |
|
|
|
Amerikada azərbaycanlı bəstəkarın əsəri səslənib
|
|
Amerika Birləşmiş Ştatlarının Nyu-York şəhərində dünyanın müxtəlif ölkələrindən olan gənc bəstəkarların əsərlərindən ibarət konsert proqramı keçirilib. Musiqi axşamında Nyu-York şəhərində yaşayan bəstəkar Türkər Qasımzadə fortepiano üçün yazılan “Bütün yağan qar üçün ağ boşluqlar” adlı əsərini ifa edib.
Qeyd edək ki, Bakı Musiqi Akademiyasının məzunu olan Türkər Qasımzadə 2011-ci ildə Manhetten Musiqi Akademiyasından magistr dərəcəsi alıb. Hazırda o, Heydər Əliyev Fondunun dəstəyi ilə ABŞ-ın musiqi sahəsində ən qabaqcıl təhsil müəssisələrindən biri olan Ohayo ştatında yerləşən Sinsinatti Konservatoriyasında bəstəkarlıq üzrə doktorluq dərəcəsində təhsilini davam etdirir. Bəstəkarın əsərləri ABŞ, İtaliya, İsveçrə, Latviya, Avstraliyada keçirilən müxtəlif müsabiqələrin ən yüksək mükafatlarına layiq görülüb.
|
|
15.02.12 Məqaləni oxumaq
|
| |
|
|
|
“Eurovision–2012”-də Azərbaycanın səsi Səbinə Babayeva olacaq
|
|
Azərbaycanın ev sahibliyi edəcəyi “Eurovision–2012”-də ölkəmizi Səbinə Babayeva təmsil edəcək. “KƏLAMİNFO”nun məlumatına görə, Heydər Əliyev Sarayında 3 saatdan artıq davam edən Milli final gecəsinin sonunda münsiflər heyəti 5 ifaçı – Orxan Kərimli, Arzu İsmayılova, Fəqan Səfərov, Elton İbrahimov və Səbinə Babayevanın çıxışlarını dəyərləndirib. Münsiflərin səsverməsini açıqlayan Azərbaycanın “Eurovision” Mahnı Müsabiqəsindəki nümayəndə heyətinin rəhbəri Hüsniyə Məhərrəmova bu Milli seçim turunun qalibinin Səbinə Babayeva olduğunu bildirib.
Maraqlı şou ilə təşkil olunan Milli final gecəsində aparıcılar maraqlı rəqs kompozisiyası, milli rəqqaslarımız qaval rəqsi, xanəndələrimiz “Qarabağ şikəstəsi”, Azərbaycanın “Eurovision-2010” təmsilçisi Safura, “Eurovision-2011”-in qalibləri Eldar və Nigar öz ifaları ilə finalçılarımıza dəstək olub.
Milli final gecəsində Türkiyənin “Eurovision-2012” təmsilçisi Can Bonomo və Maltanın “Eurovision-2012”-dəki ifaçısı Kurt Kalleya (Kurt Calleja) da çıxış edib.
|
|
13.02.12 Məqaləni oxumaq
|
| |
|
|
|
Bakıda gənc muğam ifaçılarının konserti keçiriləcək
|
|
Bakıda gənc muğam ifaçılarının konserti keçiriləcək. Musiqi axşamı fevralın 12-də Beynəlxalq Muğam Mərkəzində təşkil ediləcək. Sənət ocağından “KƏLAMİNFO”ya verilən məlumata görə, konsert proqramı "Gəncliyin səsi" festivalı çərçivəsində reallaşır.
Tədbirdə Orxan Hüseynov, Türkan Məlikova, Tuqay İsmayılova, Fərhad Allahverdiyev, Fizzə Mirzəyeva, Niyaməddin Babayev, Malik Həsənov, Qızılgül Babayeva, Anar Məmmədov, Xəyalə Nuruşova, Tural Muradlı, Əli Hacızadə kimi gənc xanəndələr xalq mahnıları və muğamlarımızın ən gözəl nümunələrini ifa edəcəklər. Muğam konserti saat 19:00-da başlayacaq.
|
|
07.02.12 Məqaləni oxumaq
|
| |
|
|
|
Milli Seçim turlarının yarımfinalçıları özləri haqda fikir bildirib
|
|
“Eurovision–2012”nin Milli Seçim turlarından sonra finalda iştirak etmək istəyən 8 yarımfinalçısı müsabiqə ilə bağlı öz fikirlərini açıqlayıb. “KƏLAMİNFO” müsabiqənin rəsmi internet saytına istinadən yarımfinalçıların fikirlərini təqdim edir:
Orxan Kərimli: “Düşünürəm ki, bu həftə rəqabət daha güclü olacaq. Çünki bütün iştirakçılar istedadlıdır. Özümə güvənirəm, daha da yaxşı hazırlaşacam. Məncə Eurovision təmsilçisinə lazım olan xüsusiyyətin hamısı məndə var”.
Məryəm Kərimova: “Bu dəfə də çalışacağam ki, əlimdən gələni edim. Çünki finalda özümü görmək istəyirəm”.
Xəyyam Mustafazadə: “Bu həftə mənim üçün çox fərqli olacaq. Tamamilə yeni layihələrlə tamaşaçıların qarşısına çıxacağam”.
Fəqan Səfərov: “8 güclü ifaçının çıxışı tamaşaçılara çox gözəl şou vəd edir. Çünki bir-birindən güclü ifaçılar yarışacaq. Tamamilə fərqli janrda xüsusi repertuar hazırlamışam”.
|
|
01.02.12 Məqaləni oxumaq
|
| |
|
|
|
“M.F.Axundzadə İli”nin Ankarada rəsmi açılış mərasimi keçiriləcək
|
|
Bu gün Türkiyənin Ankara şəhərində Azərbaycan milli dramaturgiyasının banisi, görkəmli ictimai xadim və maarifçi Mirzə Fətəli Axundzadənin 200 illiyi və TÜRKSOY təşkilatı tərəfindən 2012-ci ilin həmin təşkilat tərəfindən “M.F.Axundzadə İli”nin elan edilməsi ilə əlaqədar təşkilatın qərargahında rəsmi açılış mərasimi keçiriləcək. Mədəniyyət və Turizm Nazirliyindən “KƏLAMİNFO”ya verilən məlumata görə, mərasimdə nazir Əbülfəs Qarayevin başçılıq etdiyi nümayəndə heyəti iştirak edəcək.
Qeyd edək ki, tədbirdə Türkiyənin mədəniyyət naziri Ərtoğrul Günay, TÜRKSOY-un Baş katibi Düssen Kaseinov, Gürcüstanın mədəniyyət və abidələrin qorunması naziri Nikolaz Rurua, AMEA-nın alimləri və digər şəxslər iştirak edəcəklər. Tədbir zamanı M.F.Axundzadə yaradıcılığına aid kitabların TÜRKSOY təşkilatına təqdim olunması və ədibin həyat və yaradıcılığına həsr edilmiş “Sabahın elçisi” adlı filmin nümayiş etdirilməsi də nəzərdə tutulub.
|
|
27.01.12 Məqaləni oxumaq
|
| |
|
|
|
Eldar Qasımov: “Biz bu qələbə üçün ürəyimizi qoymuşduq”
|
|
“Hər bir xalqın, hər bir millətin özünəməxsus mədəniyyəti var. Ona görə də biz ətrafımızda olan və bütün dünya ölkələrindən seçilirik. Çünki bizim özümüzə məxsus mədəniyyətimiz var və biz bununla fəxr etməliyik”. “KƏLAMİNFO” xəbər verir ki, bu fikirləri jurnalistlərə açıqlamasında “Eurovision–2011”-in qalibi Eldar Qasımov bildirib. Onun sözlərinə görə, “Eurovision–2012”-də Bakıya xaricdən qonaqlar gələndə bizdən nəsə götürəcəklər, burda da onlardan nəsə qalacaq. E.Qasımov bu ərəfədə insanların dünya sivil qaydalarına son dərəcə həssas yanaşmasının vacibliyini bildirdi: “Mədəniyyət elə bir şeydir ki, əgər öz mədəniyyətini itirmədən başqa xalqların mədəniyyəti ilə qarışdıra bilsən, çox gözəl nəticə verər”.
Builki “Eurovision” müsabiqəsinə gəlincə isə qaliblərimiz Eldar Qasımov və Nigar Camal bu il də birincilik arzuladıqlarını bildirdilər: “Əlbəttə ki, birinci yeri biz çox istərdik.
|
|
24.01.12 Məqaləni oxumaq
|
| |
|
|
|
Səhifələr : # « 14 15 16 17 18 19 20 21 22 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
