|
|
Səhifələr : # « 12 13 14 15 16 17 18 19 20 » #
|
|
Qız Qalası 2013-cü ildə ziyarətçilərin ixtiyarına veriləcək
|
|
Qız Qalasında aparılan muzey konservasiyası işlərinin birinci mərhələsi başa çatıb. “İçərişəhər” Dövlət Tarix-Memarlıq Qoruğu İdarəsindən “KƏLAMİNFO”ya verilən məlumata görə, təmir-bərpa Nazirlər Kabineti tərəfindən təsdiq edilən “Bakının tarixi mərkəzinin konservasiyası üzrə ətraflı Baş Plan”a uyğun olaraq ərazidəki tarix-memarlıq abidələrinin qorunmasına göstərilən xüsusi qayğı çərçivəsində reallaşır. Birinci mərhələdə işlər Qız Qalası abidəsinin kontrforsunda və baxış meydançasında aparılıb. Muzey konservasiyası zamanı zədələnmə səviyyəsindən asılı olmayaraq heç bir daş abidədən kənarlaşdırılmayıb və mövcud problemlər aradan qaldırılaraq kontrforsun səthi möhkəmləndirilib.
|
02.05.12 Məqaləni oxumaq
|
| |
|
|
|
İsrail 57 yaşlı “Eurovision”da 40-cı dəfə iştirak etməsini xüsusi qeyd edib
|
|
Qüdsdə İsrailin “Eurovision” Mahnı Müsabiqəsi üzrə milli yayımçısı “İBA” telekanalının Avropa Yayımları Birliyinə (EBU) üzvlüyünün 40 illiyinə həsr olunan xüsusi konsert keçirilib. “KƏLAMİNFO” Eurovision.az saytına istinadən xəbər verir ki, tədbir Qüds Teatrında keçirilib.
Xatırladaq ki, 1998-ci ildə “Eurovision” Mahnı Müsabiqəsi məhz bu məkanda keçirilib. Tədbir “Eurovision” Mahnı Müsabiqəsinin himninin səsləndirilməsi ilə başlayıb. Yubiley tədbirində ölkənin opera müğənniləri, həmçinin İsrailin müxtəlif illərdəki “Eurovision” təmsilçiləri - Ilanit (1973), Izhar Cohen (1978), Dana International (1998, 2011) çıxış edib.
|
|
02.05.12 Məqaləni oxumaq
|
| |
|
|
|
“Eurovision” aparıcıları Almaniyada treninqlər keçirlər
|
|
Azərbaycanın ev sahibliyi etdiyi “Eurovision” Mahnı Müsabiqəsi 2012-nin aparıcıları Leyla, Nərgiz və Eldar şouya hazırlıq müddətində Almaniyada treninq keçirlər. Eurovision.az saytı yazır ki, aparıcılar artıq ötən həftələrdə Almaniyanın Köln şəhərində müvafiq treninqlərdə olub. Şou aparıcıları qarşıdakı müddətdə Almaniyaya növbəti treninqlərə hazırlaşır.
Bu gün isə “Eurovision–2012”nin aparıcıları İctimai Televiziyanın “Yeni gün” və ANS televiziyasının “Günə baxan” verilişlərində qonaq olub. Eldar aparıcılıq təcrübəsinin məhz “Eurovision” Mahnı Müsabiqəsindən başladığını deyib. “Eurovision” səhnəsi mənə çox doğmadır. Bu səhnədə aparıcı qismində çıxış etmək böyük qürur hissidir” - deyən Eldar aparıcılıq müddətində tamaşaçılara pozitiv enerji ötürməyin vacib məqamlardan olduğunu bildirib.
|
|
29.04.12 Məqaləni oxumaq
|
| |
|
|
|
“Eurovision–2012”-nin Mətbuat Mərkəzi mayın 13-dən açılacaq
|
|
“Eurovision” Mahnı Müsabiqəsi 2012-nin Mətbuat Mərkəzi mayın 13-dən açılacaq. “Bakı Kristal Zalı”nın yaxınlığında inşa olunan Mətbuat Mərkəzi 5000 m2 ərazini əhatə edir. Mərkəzdə yüksək sürətli WI FI sistemi quraşdırılıb. Eurovision.az saytı yazır ki, burada 1500-dən artıq yerli və xarici jurnalistin eyni vaxtda işləməsinə imkan olacaq. Jurnalistlər xüsusi kabinələrdə müxtəlif müsahibələr ala biləcək. Mərkəzin bir küncündə yaradılan studiyada isə televiziya müsahibələrinin çəkilişlərini həyata keçirmək olacaq. Mətbuat Mərkəzində həmçinin eyni vaxtda 500 jurnalistin iştirak edə biləcəyi konfrans zalı fəaliyyət göstərəcək. Bundan başqa jurnalistlərin rahatlığı üçün kafeteriyanın olduğu istirahət zonası da yaradılıb.
|
|
27.04.12 Məqaləni oxumaq
|
| |
|
|
|
“Eurovision”la bərabər həndbol üzrə çempionatda da yarışacaq
|
|
Finlandiyanın 57-ci “Eurovision” Mahnı Müsabiqəsindəki təmsilçisi Pernilla Karlsson yazda iki mühüm yarışda iştirak edəcək. Onlardan biri idman, digəri isə musiqi ilə bağlıdır. Həndbol üzrə milli yığmanın üzvü “Eurovision”la yanaşı, bu il həm də Finlandiyada həndbol üzrə çempionatda yarışacaq. Hər bir hərəkətində qardaşını nümunə götürən Pernilla Karlsson idmana gəlişini belə xatırlayır: “15 il bundan əvvəl qardaşımın ardınca mən də həndbol oynamağa başladım. İdman mənim üçün çox vacibdir. Həyatımı əlimdə top olmadan təsəvvür etmirəm. Digər tərəfdən musiqisiz də yaşaya bilmərəm”.
Pernilla həm idman, həm də musiqi sahəsində əsas tərəf müqabilinin qardaşı olduğunu söyləyir. Finlandiya təmsilçisi hazırda həm “Eurovision” şousuna hazırlaşır, həm də gündəlik həndbol məşqlərində iştirak edir.
Qeyd edək ki, Finlandiya təmsilçisi “Bakı Kristal Zalı”nın səhnəsinə mayın 22-dəki birinci yarımfinalda 9-cu çıxacaq.
|
|
25.04.12 Məqaləni oxumaq
|
| |
|
|
|
“Eurovision” üçün jurnalistlərin akkreditasiya prosesi başa çatmaq üzrədir
|
“Eurovision” Mahnı Müsabiqəsini yalnız akkreditasiyadan keçmiş yerli və xarici media nümayəndələri işıqlandıra biləcək. Xatırladaq ki, akkreditasiya sistemi fevralın 15-dən etibarən açıqdır. Bu proses ənənəvi olaraq www.eurovision.tv saytında Eurovision Family Accreditation System (EFAS) vasitəsi ilə həyata keçirilir. Qeydiyyat aprelin 20-dək davam edəcək.
Akkreditasiya sistemi başa çatdıqdan sonra qeydiyyatdan keçən jurnalistlərə təsdiq "e-mail"ləri göndəriləcək. Qeydiyyatdan keçmiş jurnalistlər sənədlərini şou ərəfəsində Mətbuat Mərkəzində yerləşən Akkreditasiya Mərkəzindən əldə edə biləcəklər.
Qeyd edək ki, Mətbuat Mərkəzi “Bakı Kristal Zalı” yaxınlığında inşa edilib. Sahəsi 5000m2 olan Mətbuat Mərkəzinin tikintisi artıq başa çatıb. Burada akkreditasiyadan keçən yerli və xarici jurnalistlərin rahat işləməsi üçün geniş imkanlar, o cümlədən yüksək sürətli internet və 775 nəfərlik kafe yaradılıb.
|
|
18.04.12 Məqaləni oxumaq
|
| |
|
|
|
Norveçin “Eurovision–2012” təmsilçisi Tooji konsert verəcək
|
Norveçin “Eurovision–2012” təmsilçisi Tooji aprelin 19-da mini-konsertlə tamaşaçılar qarşısında çıxış edəcək. Eurovision.az saytı yazır ki, konsert Norveçin paytaxtı Oslonun böyük ticarət mərkəzlərindən biri olan “Jessheim Storsenter”də keçiriləcək. Konsert iştirakçıları üçün Toojidən avtoqraf almaq imkanı da yaradılacaq.
Xatırladaq ki, Tooji Norveçi Bakı səhnəsində “Stay” mahnısı ilə təmsil edəcək. O, yarışmaya mayın 24-də keçiriləcək ikinci yarımfinalda qoşulacaq.
|
|
17.04.12 Məqaləni oxumaq
|
| |
|
|
|
“Eurovision” mahnılarına görə Finlandiya, Rumıniya və İslandiya ilk üç yeri tutub
|
İsveçin SVT televiziyasında “Eurovision–2012” mahnılarının müzakirəsinə həsr olunacaq 4 şoudan birinin nəticələri elan edilib. “KƏLAMİNFO” eurovision.az saytına istinadən xəbər verir ki, İsveçin “Eurovision” Mahnı Müsabiqəsindəki nümayəndə heyətinin rəhbəri Krister Bjorkmanın aparıcılığı ilə yayımlanan verilişdə birinci yarımfinalın ilk 8 mahnısı müzakirə olunub. 5 nəfərlik münsiflər heyəti mahnıları “0”-dan “5”-dək xallarla qiymətləndirib. İlk şounun nəticələrinə görə, Finlandiya birinci, Rumıniya ikinci, İslandiyanın müsabiqə mahnısı isə üçüncü yerdə qərarlaşıb.
Xatırladaq ki, bu silsilədən növbəti veriliş aprelin 23-də efirdə olacaq.
|
|
17.04.12 Məqaləni oxumaq
|
| |
|
|
|
Azərbaycan jurnalistləri “Eurovision 2012”-də iştirak edən ölkələrin mediasına müraciət etdi
|
|
Bu gün Beynəlxalq Mətbuat Mərkəzində (BMM) Azərbaycan Mətbuat Şurasının təşəbbüsü ilə “Eurovision 2012” ilə bağlı Dəyirmi masa keçirilib. “KƏLAMİNFO” xəbər verir ki, tədbirdə MŞ sədri Əflatun Amaşov bildirib ki, tədbirin keçirilməsində məqsəd beynəlxalq mediada Azərbaycanın bu mahnı müsabiqəsinə hazırlıqları ilə bağlı neqativ məlumatlara qarşı müraciət ünvanlanmaqdır.
O müraciətin mətnini tədbirdə iştirak edən çoxsaylı jurnalist qurumlarının rəhbərlərinə təqdim edib. Ə.Amaşov bildirib ki, bu gün xarici KİV-lərdə Azərbaycan haqda təəssüf ki, bir sıra materiallarda obyektivlik nümayiş etdirilmir. “Müxtəlif vaxtlarda ölkədə baş verən neqativ hadisələr cəmləşərək “Eurovision” ilə əlaqələndirilir”-deyə o vurğulayıb. MŞ sədri tədbir iştirakçılarına hazırladığı müraciətin mətnini oxuyub.
|
|
12.04.12 Məqaləni oxumaq
|
| |
|
|
|
Nizami Gəncəvinin İtaliyada heykəli ucaldılacaq
|
|
İtaliyanın Roma şəhərindəki məşhur “Villa Borghese” parkında dahi Azərbaycan şairi Nizami Gəncəvinin heykəli ucaldılacaq.
Mədəniyyət və Turizm Nazirliyindən “KƏLAMİNFO”ya verilən məlumata görə, bununla bağlı Heydər Əliyev Fondunun dəstəyi, Azərbaycanın İtaliyadakı Səfirliyinin yaxından iştirakı ilə nazirlik tərəfindən zəruri işlər həyata keçirilir. Abidənin müəllifləri Xalq rəssamı Salxab Məmmədov və Əməkdar rəssam Əli İbadullayevdir. Layihə Roma şəhər meriyasının Tarix və İncəsənət Komissiyası tərəfindən də təsdiqlənib.
Qeyd edək ki, abidə ölkə başçısının müvafiq Sərəncamının icrası, Nizami Gəncəvinin 870 illiyinə həsr olunmuş silsilə tədbirlər çərçivəsində şairin xatirəsinin əbədiləşdirilməsi, onun bədii irsi və klassik ədəbiyyatımızın dünya miqyasında təbliği məqsədi ilə ucaldılır.
Yaxın günlərdə heykəlin rəsmi açılış mərasimi keçiriləcək.
|
|
11.04.12 Məqaləni oxumaq
|
| |
|
|
|
Səhifələr : # « 12 13 14 15 16 17 18 19 20 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
