Kelam Jurnalı - Mədəniyyət

Parisdə YUNESKO-nun Qeyri-maddi Mədəni İrsin qorunması haqqında 2003-cü il Konvensiyasının iştirakçı dövlətlərinin Baş Assambleyasının dördüncü sessiyası işə başlayıb. Mədəniyyət və Turizm Nazirliyindən вЂњKƏLAMİNFOвЂќya verilən məlumata görə, sessiyada ölkəmizi YUNESKO yanında Daimi Nümayəndə, səfir Eleonora Hüseynova, nümayəndəliyin müşaviri Anar Kərimov, Mədəniyyət və Turizm Nazirliyinin Beynəlxalq əlaqələr və mədəniyyət proqramları şöbəsinin müdiri Vasif Eyvazzadə, YUNESKO üzrə Milli Komissiyanın nümayəndəsi Leyla Hacıyeva və YUNESKO-nun qeyri-maddi mədəni irs üzrə eksperti, musiqişünas Sənubər Bağırova təmsil edirlər. Sessiyanın açılışında Prezident, beş Vitse-Prezident və Məruzəçidən ibarət iclasın bürosu təyin olunub. Eleonora Hüseynova yekdilliklə iki il müddətinə Baş Assambleyanın Prezidenti seçilib.

05.06.12

Məqaləni oxumaq

Gənc reper teleseriallardan oxuyacaq

Gənc reper Orxan Həyat son dövrlərdə hər kəsin marağına səbəb olan bir mövzuya müraciət edib. вЂњKƏLAMİNFOвЂќnun məlumatına görə, bu yaxınlarda sənətçilərlə birgə böyük aksiyaya hazırlaşan reper davamlı uğurları ilə sənətində irəliləyişlər edir. Reperin yeni mahnısı вЂњTeleserialвЂќ adlanır. Reytinqi yüksək olan bir çox serialın mövzularını sənətçi bu mahnıda bir arada birləşdirib.
Orxan Həyat yay aylarında bir çox planlaşdırılmış layihələri ilə gündəmdə olacaq və yayın sonunda tamaşaçılarını çox maraqlı bir sürpriz gözləyir. Azərbaycan incəsənətinin çox sevilən bir xanım sənətçisi ilə maraqlı duet hazırlanır. Adı sirr saxlanılan sənətçi reperlə birgə tamaşaçıları yayın sonunda çox təəccübləndirəcək və möhtəşəm duetlə sevənlərinin qarşısına çıxacaqlar.

05.06.12

Məqaləni oxumaq

вЂњEurovisionвЂ“2013вЂќ вЂ“ Stokholm, Gothenburq və ya Malmoda

İsveçin Milli Televiziyasında Lorinin qalibiyyətindən bir neçə gün sonra təşkil edilən görüşdə Martin Österdahl вЂњEurovisionвЂќ Mahnı Müsabiqəsi 2013-ün icraçı prodüseri təyin olunub. вЂњKƏLAMİNFOвЂќnun məlumatına görə, 38 yaşlı Martinin televiziya, musiqi və mətbuat sahəsində böyük təcrübəsi var. O, 2007-ci ildə İsveçin вЂњEurovisionвЂќ Mahnı Müsabiqəsindəki təmsilçisini müəyyən edən Melodifestivalen yarışmasında layihə meneceri və münsiflər heyətinin sədri olub. вЂњBu işin mənə həvalə olunmasına görə fəxr edirəm. Biz çalışacağıq ki, gələn ilin may ayında televiziyada çox yaddaqalan anlar yaşadaqвЂќ - deyə Martin Österdahl bildirib. Müsabiqənin keçiriləcəyi məkan hələlik dəqiq məlum olmasa da, Avropanın ən nüfuzlu televiziya şousuna ev sahibliyi etməyə iddialı üç şəhərin adı çəkilir. Bunlar İsveçin paytaxtı Stokholm, ölkənin əsas sənaye və mədəniyyət mərkəzləri hesab edilən Gothenburq və Malmo şəhərləridir.

05.06.12

Məqaləni oxumaq

Elldən вЂњProgressive HouseвЂќ janrında tam yeni mahnı

Odlar Yurdu Azərbaycanın paytaxt Bakıda mükəmməl keçirilən вЂњEurovisionвЂ“2012вЂќ mahnı müsabiqəsindən dərhal sonra bu mötəbər yarışmanın qalibi Eldar Qasımov öz yeni musiqi layihəsinə başlayıb. вЂњKƏLAMİNFOвЂќ xəbər verir ki, müğənni sıx qastrolları və iş qrafikinə baxmayaraq, artıq iki aydır ki вЂњIвЂ™m FreeвЂќ adlı yeni sinql üzərində işləyir. Yeni sinqlla bağlı təəssüratlarını bölüşən Ell bu mahnının onda tamamilə yeni hisslər yaşatdığını etiraf edib: вЂњMənim üçün bu layihə, bu mahnı tam yeni bir hissdir. Mən heç vaxt bu üslubda oxumamışam və buna görə də вЂњProgressive HouseвЂќ musiqi stilinin pərəstişkarları, ifaçıları qarşısında böyük məsuliyyət hiss edirəm. Mən özümü başqa tərəfdən tanımaq istəyirəm. Bu bir imtahan kimidirвЂќ. Qeyd edək ki, mahnının müəllifləri Ell özü, вЂњAzeriLife Music EntertainmentвЂќ prodüserlik mərkəzi вЂ“ DJ və prodüser Aligee (Əli Abasbəyli) və Rasif Babayevdir.

04.06.12

Məqaləni oxumaq

Əhməd Cavadın 120 illik yubiley tədbiri qeyd ediləcək

Böyük Azərbaycan şairi, tərcüməçi, tanınmış ictimai xadim Əhməd Cavadın 120 illik yubileyi qeyd ediləcək. Mədəniyyət və Turizm Nazirliyindən вЂњKƏLAMİNFOвЂќya verilən məlumata görə, yubiley mərasimi zəngin və rəngarəng proqramla tərtib olunub. Məşhur sənət adamları şair haqqında danışacaq, şeirlərdən parçalar oxunacaq, sözlərinə bəstələnmiş musiqilər səsləndiriləcək. Qeyd edək ki, Əhməd Cavad ədəbi simalarla zəngin olan çoxəsrlik Azərbaycan ədəbiyyatında özünün sarsılmaz iradəsi və aydın siyasi mövqeyi, çox yüksək mətanət və geniş miqyaslı düşüncə tərzi ilə parlaq şair-təbliğatçı nümunəsidir. O, Azərbaycan ədəbiyyatı tarixinə milli inqilabi poeziyanın banisi kimi daxil olub və bu günədək həmin ədəbi prosesin təkrarsız nümayəndəsi kimi yaşayır. Əhməd Cavad Azərbaycanın dövlət himninin sözlərinin müəllifidir.

04.06.12

Məqaləni oxumaq

Tarixə Nənələr Günü də yazıldı

вЂњEurovisionвЂ“2012вЂќ-nin ən yadda qalan iştirakçıları вЂњBuranovskiye babuşkiвЂќ qrupu öz vətənlərini layiqincə təmsil etmələri səbəbindən Udmurtiyada onların şərəfinə tarixi gün elan olunub. вЂњKƏLAMİNFOвЂќnun məlumatına görə, Udmurtiya Respublikasının rəhbəri Aleksandr Volkov bildirib ki, nənələrin Bakıda mayın 26-da final konsertində uğurlu çıxışından sonra elə həmin tarix вЂ“ 26 May Nənələr Günü elan olunub. Qeyd edək ki, hazırda nənələr qastrola hazırlaşır. Möhtəşəm müsabiqədə ikincilik qazanan nənələr yay ərzində Latviyada, Belarusda olacaq. Qrup Junior вЂњEurovision 2012вЂќ-nin Rusiya üzrə seçim turunda, iyunun 12-də isə Rusiya günündə çıxış edəcək.

04.06.12

Məqaləni oxumaq

Turizm şirkətlərinə lisenziyalar verilib

Mədəniyyət və Turizm Nazirliyi tərəfindən may ayı ərzində bəzi şirkətlərə turizm fəaliyyəti ilə məşğul olmaq üçün lisenziya verilib. Nazirlikdən вЂњKƏLAMİNFOвЂќya verilən məlumata görə, вЂњAlean CompanyвЂќ MMC, вЂњSahil TravelвЂќ MMC, вЂњAYF Safari İnternationalвЂќ MMC, вЂњBakı-TurвЂќ MMC və вЂњFun TravelвЂќ MMC bu lisenziyaları alıb. Qeyd edək ki, xüsusi razılıqlar sənədləri Azərbaycan prezidentinin fərmanı ilə təsdiq olunmuş вЂњAzərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında qaydalarвЂќa və Nazirlər Kabinetinin вЂњFəaliyyət növlərinin xüsusiyyətlərindən asılı olaraq xüsusi razılıq ( lisenziya) verilməsi üçün tələb olunan əlavə şərtlər barədəвЂќ qərarına uyğun olaraq verilib.

01.06.12

Məqaləni oxumaq

YAP GB вЂњAvroviziya-2012вЂќ-də Rumıniyanı təmsil edən вЂњMandinqaвЂќ qrupunun üzvləri ilə görüşüblər

Yeni Azərbaycan Partiyası Gənclər Birliyinin üzvləri вЂњAvroviziya- 2012вЂќ mahnı müsabiqəsində Rumıniyanı təmsil edən вЂњMandinqaвЂќ qrupunun üzvləri ilə görüşüblər. YAP-dan вЂњKƏLAMİNFOвЂќya verilən məlumata görə, YAP Gənclər Birliyinin sədri Seymur Orucov qonaqları salamlayaraq ölkələrimiz arasındakı əlaqələrin yüksək səviyyədə olduğunu qeyd edib. Dövlətlərarası münasibətlərin bütün sahələri, xüsusi ilə mədəniyyətlərarası əlaqələri uğurla əhatə etdiyi vurğulanıb.

YAP Gənclər Birliyinin sədri Bakı şəhərində вЂњAvroviziya- 2012вЂќ mahnı müsabiqəsinin böyük müvəffəqiyyətlə keçdiyini və Rumıniyanın təmsilçisinin bu müsabiqədə iştirakının önəmini vurğulayıb. S.Orucov deyib ki, Rumınyia təmsilçisinin вЂњAvroviziya-2012 mahnı müsabiqəsində iştirakı və ifa etdiyi mahnı Azərbaycan gəncləri tərəfindən xüsusi maraqla qarşılanıb.

30.05.12

Məqaləni oxumaq

Məşhurların obrazı canlandırılacaq

Yazıçı-dramaturq Əli Əmirli вЂњSiz teatrı sevirsinizmi?вЂќ adlı pyesi üzərində işləri bitirib. Bu barədə вЂњKƏLAMİNFOвЂќya məlumat verən ədibin sözlərinə görə, əsər onun müəllim kimi çalışdığı Azərbaycan Dövlət Mədəniyyət və İncəsənət Universitetinin 90 illik yubileyinə həsr edilib. Universitetin rektoru, professor Timuçin Əfəndiyevin ideyası əsasında yazılan pyesin sənədli-bədii kollaj janrındadır: вЂњBu əsərdə müxtəlif dövrlərdə yaşayan və fəaliyyət göstərən bir çox məşhur tarixi şəxsiyyət yer alıb. Burada 1923-cü ildə nəinki Azərbaycanda, bütün Şərqdə ilk yaradılan Teatr məktəbi əsasında formalaşan, zamanın tələblərinə uyğun olaraq ayrı-ayrı inkişaf mərhələlərini keçərək Teatr institutuna, daha sonra İncəsənət İnstitutuna və nəhayət, 1991-ci ildə Azərbaycan Dövlət Mədəniyyət və İncəsənət Universitetinə çevrilən unikal sənət və təhsil ocağının səhnə modelini yaratmağa çalışmışam. Bu bir həqiqətdir ki, bu gün Azərbaycanda mədəniyyətin, o cümlədən teatr kimi möhtəşəm bir sənətin istiqamətini müəyyən edən sənətkarların əksəriyyəti məhz 90 yaşlı bu təhsil müəssisəsinin yetirmələridirвЂќ.

29.05.12

Məqaləni oxumaq

Kann kino festivalı çərçivəsində səssiz filmlərin taleyi müzakirə olunub

Kann kino festivalının maraq dairəsinə klassik kino irsinin qorunması da daxil edilib. вЂњKƏLAMİNFOвЂќnun məlumatına görə, XX əsrin ən yaxşı filmlərindən bir neçəsi вЂ“ Keysuke Kinositanın вЂњNarayan haqqında əfsanəвЂќ, Alfred Hiçkokun вЂњDairəвЂќ, hind rejissoru Şankar Udeyin вЂњKalpanaвЂќ səssiz filmləri rəqəmsal keyfiyyətdə tamaşaçılara təqdim olunub. вЂњDünyada çəkilmiş səssiz filmlərin 75 faizini artıq itirmişik. Səbəbi də çox sadədir: plyonkanın sıradan çıxması. Bu reallıqdır. Filmlər əldən gedir və biz bunu onları qaytarmaq mümkün olmadığı məqamda anlamağa başlayırıqвЂќ fikirlərini festivalın fəxri qonağı, görkəmli amerikan kino xadimi, вЂњThe Film FoundationвЂќ şirkətinin rəhbəri Martin Skorseze bildirib. Onun sözlərinə görə, bu sahədə qəti addımlar atılmalıdır: вЂњGözləmə mövqeyində qalmaq olmaz, filmləri bərpa edib rəqəmsal formata çevirmək lazımdırвЂќ.