Komissiyanın ehtiyat kadr siyahısından 20 nəfər çıxıb
|
Prezident yanında Dövlət Qulluğu Məsələləri üzrə Komissiyanın siyahısına ümumilikdə 479 ehtiyat kadr daxil edilib. Bu barədə məlumatı “KƏLAMİNFO”ya müsahibəsində DQMK-nin Dövlət qulluğuna kadrların seçilməsi şöbəsinin müdiri Rauf Məcidbəyli söyləyib. Onun sözlərinə görə, ehtiyat kadrlardan 128-i öz ixtisasları üzrə müxtəlif dövlət orqanlarında vəzifəyə təyin edilib. Bundan başqa, “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində xarici ölkələrin ali məktəblərində təhsil alan 6 nəfər müxtəlif vəzifələrə təyin edilib.
|
07.06.11 Məqaləni oxumaq
|
|
|
Əli Abbasov Fransada səfərdədir
|
Rabitə və informasiya texnologiyaları naziri Əli Abbasov Genişzolaqlı Rəqəmsal İnkişaf üzrə Komissiyanın 3-cü iclasında iştirak etmək məqsədilə Fransada səfərdədir. RİTN-dən “KƏLAMİNFO”ya verilən məlumata görə, ikigünlük iclas iyunun 5-də başlanıb.
Qeyd edək ki, BTİ və YUNESKO tərəfindən yaradılmış Komissiyanın məqsədi dünyada genişzolaqlı çıxışın yayılmasına kömək etməkdir. Əli Abbasov texnika sahəsinin 50-yə yaxın görkəmli xadimlərindən, eləcə də özəl sektor və sosial xidmətlər sahəsinin nümayəndələrindən ibarət komissiyanın üzvüdür.
Bundan əlavə iyunun 7-də Parisdə Azərbaycan və Fransanın İKT-şirkətlərinin iştirakı ilə 1-ci Azərbaycan-Fransız İKT biznes-forumu keçiriləcək. Forum çərçivəsində Əli Abbasovun Fransanın sənaye, energetika və rəqəmsal iqtisadiyyat naziri Erik Bessonla ikitərəfli görüşü nəzərdə tutulub.
|
07.06.11 Məqaləni oxumaq
|
|
|
Azərbaycanlılarla ermənilər arasında növbəti dava
|
Rusiya ərazisində yaşayan azərbaycanlılarla ermənilər arasında növbəti dava düşüb. Bu dəfə insident Kupçino ərazisində yaşanıb. «KƏLAMİNFO» Rusiya Kütləvi İnformasiya Vasitələrinə istinadən yaydığı xəbərdə göstərib ki, iki azərbaycanlı bıçaq zərbələri ilə xəstəxanaya çatdırılıb. Onlardan birinin vəziyyəti ağırdır. İlkin məlumata görə, insident ərazidə yerləşən kafedə baş verib.
|
06.06.11 Məqaləni oxumaq
|
|
|
|
Nazir: “Azərbaycanda özəl sektor üçün məişət tullantılarının təkrar istehsalı sərfəli deyil”
|
“Bu gün Azərbaycanda özəl sektor üçün məişət tullantılarının təkrar istehsalı sərfəli deyil”. “KƏLAMİNFO” xəbər verir ki, bu barədə jurnalistlərə açıqlamasında ekologiya və təbii sərvətlər naziri Hüseyn Bağırov bildirib.
O, qeyd edib ki, özəl şirkətlər çeşidlədikləri zibilləri Zibil Emalı Zavoduna təhvil verib, bundan gəlir götürə bilərlər. “Balaxanıda tikiləcək Zibil Emalı Zavodunda zibil çeşidləmə müəssisələrinin tikilməsi nəzərdə tutulur. Özəl şirkətlər çeşidlərə ayrılan zibilləri həmin zavoda təqdim edərək, həm gəlir qazana bilər, həm də ətraf mühitin tullantılardan azad olunmasına yardım edərlər”,-deyə nazir vurğulayıb.
|
06.06.11 Məqaləni oxumaq
|
|
|
Bakıda beynəlxalq simpozium keçiriləcək
|
Cari ilin 22-23 sentyabr tarixlərində Bakıda “Tətbiqi mexanika və müasir informasiya texnologiyalarının inkişafı” mövzusunda beynəlxalq simpozium keçiriləcək. Bu barədə məlumatı “KƏLAMİNFO”ya Rabitə və İnformasiya Texnologiyaları Nazirliyindən veriblər.
Simpozium ənənəvi və yeni kompozit materiallar, nanomühəndislik və nanotexnologiyalar, kommunikasiya sistemlərinin struktur təhlükəsizliyi, hesablama sisteminin dinamikası, struktur və çoxmeyarlı optimallaşdırma və digər istiqamətləri əhatə edəcək.
Məqalələrin simpoziuma təqdim edilməsi 15 iyul 2011-ci il tarixinədək aparılır.
Tədbir barədə daha ətraflı məlumatı Rabitə və İnformasiya Texnologiyaları Nazirliyinin portalından (“Sərgi, konfrans, seminar” bölməsi) və ya simpoziumun internet-səhifəsindən əldə etmək olar.
|
06.06.11 Məqaləni oxumaq
|
|
|
Azərbaycan kibercinayətkarlıq üzrə beynəlxalq konfransda iştirak edib
|
Rabitə və İnformasiya Texnologiyaları Nazirliyinin Hüquq və kadrlar şöbəsinin müdiri Bəxtiyar Məmmədov Estoniyanın Tallin şəhərində “Şərq tərəfdaşlığı – kibercinayətkarlığa qarşı kooperasiya” (CyberCrime@EAP) beynəlxalq konfransında iştirak edib. RİTN-dən “KƏLAMİNFO”ya verilən məlumata görə, Avropa Şurası və Avropa İttifaqının “Şərq tərəfdaşlığı” proqramının dəstəyi ilə təşkil olunmuş konfrans iştirakçıları kibercinayətkarlıqla mübarizə sahəsində effektiv tədbirlər, eləcə də bu istiqamətdə “Şərq tərəfdaşlığı” proqramına üzv-ölkələr arasında əməkdaşlıq məsələlərinə xüsusi diqqət yetiriblər.
Tədbirdə Estoniya tərəfi kibertəhlükəsizliyin təmin olunması sahəsində öz təcrübəsi ilə bölüşüb. Avropa Şurasının ekspertləri tərəfindən isə kibertəhlükəsizliklə mübarizə mövzusunda təqdimatlar nümayiş etdirilib.
|
04.06.11 Məqaləni oxumaq
|
|
|
Dövlət qulluqçularının fəaliyyəti ilə bağlı şikayətlərin sayı artıb
|
Azərbaycan Prezidenti yanında Dövlət Qulluğu Məsələləri üzrə Komissiyaya (DQMK) dövlət qulluqçularının etik davranış qaydaları və digər məsələlərlə bağlı vətəndaşlar tərəfindən daxil olan şikayətlərin sayı artıb. “KƏLAMİNFO” xəbər verir ki, bu barədə məlumatı DQMK-nin Hüquq sektorunun müdiri Vüqar Əsgərov söyləyib.
|
03.06.11 Məqaləni oxumaq
|
|
|
Dövlət orqanları etik davranış qaydaları haqda hesabatı müzakirə etmir
|
Dövlət orqanları etik davranış qaydalarının icra vəziyyəti haqqındakı hesabatlarını əvvəlcə müzakirə etməli, sonra isə Azərbaycan Prezidenti yanında Dövlət Qulluğu Məsələləri üzrə Komissiyaya (DQMK) təqdim etməlidirlər. “KƏLAMİNFO” xəbər verir ki, bu fikirləri DQMK-nın Dövlət qulluğuna kadrların seçilməsi şöbəsinin müdiri Rauf Məcidbəyli söyləyib.
“Dövlət orqanlarına öhdəlik qoyulub ki, hər il həmin qurumun daxilindəki etik mədəniyyətin nəticələrini əks etdirən hesabat hazırlayaraq DQMK-ya təqdim etsinlər.
|
03.06.11 Məqaləni oxumaq
|
|
|
Daxili İşlər Nazirliyinin idarə rəisi təqaüdə göndərildi
|
Daxili İşlər Nazirliyinin (DİN) Şəxsi Heyətlə İş İdarəsinin rəisi, polkovnik Mehman Mehmanov daxili işlər orqanlarında xidmətkeçmənin sonuncu yaş həddi ilə əlaqədar təqaüdə göndərilib. Bu barədə məlumat “KƏLAMİNFO”ya DİN-in mətbuat xidmətindən verilib.
Qeyd edək ki, bir neçə gün əvvəl DİN-in Polis Akademiyasının rəisi, polis general-mayoru Ramiz Nağıyev də təqaüdə göndərilib.
|
03.06.11 Məqaləni oxumaq
|
|
|
|