Kelam Jurnalı - Cəmiyyət

Jurnalistlər üçün tikiləcək evin təməlqoyma mərasimi avqustdan o tərəfə keçməyəcək. вЂњKƏLAMİNFOвЂќ xəbər verir ki, bu fikirləri Səbail Rayon İcra Hakimiyyətində milli mətbuatın 136-cı ildönümü münasibətilə keçirilən tədbirdə Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli söyləyib. Fond rəhbəri xatırladıb ki, təməlqoyma mərasimi 22 iyulda nəzərdə tutulmuşdu. Ancaq bəzi sənədlər hələ tam hazır olmadığından bu, başqa vaxt olacaq. Onun sözlərinə görə, təməlqoyma mərasimi 20 günə kimi baş tutacaq. V.Səfərli qeyd edib ki, bu işin reallaşması ilə bağlı bir sıra müzakirələr keçirilib. Onun sözlərinə görə, əvvəlcə 1 blok 9 mərtəbəli binanın tikilməsi nəzərdə tutulmuşdu, ancaq müzakirələr və məsləhətləşmələrdən sonra bina ilə bağlı son qərar qəbul edilib. Qərara əsasən, jurnalistlər üçün tikiləcək bina 2 bloklu, 18 mərtəbəli və 154 mənzilli olacaq. V.Səfərli açıqlayıb ki, binada 2 mərtəbəli qaraj, Mətbuat Klubu və başqa yerlər də nəzərdə tutulub.

20.07.11

Məqaləni oxumaq

3 dini icma dövlət qeydiyyatından keçib

Dini Qurumlarla İş üzrə Dövlət Komitəsi (DQİDK) daha 3 dini icmaya dövlət qeydiyyatından keçmək haqqında şəhadətnamə və dini qurumların dövlət reyestrindən çıxarış sənədlərini verib. Bu barədə məlumatı вЂњKƏLAMİNFOвЂќya DQİDK-dən veriblər. Bunlar Şəki şəhər Aydınbulaq kəndi вЂњHacı Mir ƏləkbərağaвЂќ məscidi dini icması, Salyan şəhəri вЂњMirəşrəf ağaвЂќ məscidi dini icması və вЂњRoma-Katolik Kilsəsinin Apostol PrefekturasıвЂќdır. Qeyd edək ki, bu vaxta qədər DQİDK-də 513 dini icma dövlət qeydiyyatından keçib. Qeydiyyata alınan icmalar həm islam, həm də qeyri-islam təmayüllüdür. Xatırladaq ki, 2009-cu ildə вЂњDini etiqad azadlığı haqqındaвЂќ qanuna edilən əlavə və dəyişikliklərdən sonra ölkəmizdə fəaliyyət göstərən dini icmaların yenidən dövlət qeydiyyatına alınması başlayıb.

19.07.11

Məqaləni oxumaq

Səlim Müslümov: вЂњPensiyaçıların 99,4 faizi pensiyasını plastik kartlarla alırвЂќ

вЂњ2011-ci ilin ilk yarısında Fondun xərcləri 905,8 mln. manat təşkil edibвЂќ. вЂњKƏLAMİNFOвЂќ xəbər verir ki, bunu Dövlət Sosial Müdafiə Fondunun rəhbəri Səlim Müslümov fondun kollegiya iclasında bildirib. Onun sözlərinə görə, hesabat dövründə pensiya və müavinətlərin maliyyələşdirilməsi üçün bütün xərclərin 97,8 faizi və ya 886, 4 mln. manatı yönəldilib ki, bu da əvvəlki ilin ilk 6 ayına nisbətən 14 faiz çoxdur. DSMF sədri əlavə edib ki, hazırda şəhərlərdə yaşayan pensiyaçıların 100 faizi, kəndlərdə isə 98,7 faizi, ümumilikdə ödəniş aparılan pensiyaçıların 99,4 faizi pensiyasını plastik kartlarla alır. İlin ilk yarısında ehtiyac olan ərazilərdə əlavə olaraq 10 bankomat quraşdırılıb və pensiyaçılara xidmət göstərən bankomatların sayı 507-yə çatdırılıb.

19.07.11

Məqaləni oxumaq

Respublika Baş Prokurorluğunda kadr dəyişikliyi olub

Respublika Baş Prokurorluğunda kadr dəyişikliyi olub. Bu barədə вЂњKƏLAMİNFOвЂќa Baş Prokurorluğunun mətbuat xidmətindən məlumat verilib. Məlumata görə, baş prokuror Zakir Qaralovun müvafiq əmrləri ilə Baş Prokurorluğun Prokurorluqda istintaqa nəzarət idarəsinin rəis müavini Nazim İmanov, Baş Prokurorluğun Daxili işlər orqanlarının istintaq, təhqiqat və əməliyyat-axtarış fəaliyyətində qanunların icrasına nəzarət idarəsinin böyük prokuroru Azər Hətəmov, Bakı şəhər prokurorluğunun Prokurorluqda istintaqa nəzarət şöbəsinin prokuroru Tariyel Qurbanov tutduqları vəzifələrdən azad ediliblər. Onlar müvafiq olaraq Binəqədi, Tərtər və Hacıqabul rayon prokuroru vəzifələrinə təyin ediliblər.

16.07.11

Məqaləni oxumaq

MeksikaвЂ“Azərbaycan Dostluq Parkı açılacaq

Mexiko şəhərində MeksikaвЂ“Azərbaycan Dostluq Parkının salınması məqsədi ilə səfir İlqar Muxtarov Mexiko şəhəri Hökumətinin Başçısı (meri) Marselo Ebrard ilə şəhər meriyasının binasında görüş keçirib. Bu barədə məlumatı вЂњKƏLAMİNFOвЂќya səfirlikdən veriblər. Səfir İ.Muxtarov, məsələ ilə əlaqədar Mexiko şəhərinin hökuməti tərəfindən verilən mühüm dəstəyə görə mer M.Ebrarda öz təşəkkürünü bildirib və hər iki ölkənin gələcək mədəni və siyasi əlaqələrinin inkişaf etdirilməsi üçün sözügedən layihənin mühüm əhəmiyyət kəsb etdiyini vurğulayıb. Tərəflər Mexiko şəhərində açılacaq MeksikaвЂ“Azərbaycan Dostluq Parkının yekun planını birgə nəzərdən keçirərək, Qarşılıqlı Razılaşma haqqında Saziş imzalayıblar. Səfir İ.Muxtarov Azərbaycan və Meksika arasında siyasi, iqtisadi, mədəniyyət, turizm və digər sahələrdə əlaqələrin gələcək perspektivlərindən bəhs edərək vurğulayıb ki, Azərbaycan hökuməti iki ölkə arasında münasibətlərin geniş spektrdə inkişaf etdirilməsində maraqlıdır.

15.07.11

Məqaləni oxumaq

Yeni səfir soyqırımı sözünü işlətmədi

ABŞ-ın Ermənistanda yeni səfiri vəzifəsinə namizədliyi irəli sürülmüş Con Heffer Senatın Xarici Əlaqələr Komitəsinin keçirdiyi dinləmələrdə senatorların suallarına cavab verib. В«KƏLAMİNFOВ» В«ArmTodeyВ»ə istinadən xəbər verir ki, Con Heffer dinləmələr zamanı Xarici Əlaqələr Komitəsinin üzvü, Nyu-Cersi ştatından demokrat senator Bob Menendezin Osmanlı imperiyası tərəfindən 1,5 milyon erməninin sistematik şəkildə qırıldığı, yəni В«soyqırımıВ»na məruz qalması hadisəsini qəbul edib-etmədiyi barədə suala cavabında В«soyqırımıВ» sözünü işlətməsə də, Osmanlı imperiyasının son illərində 1,5 milyona qədər erməninin qətlə yetirildiyi fikri ilə razılaşdığını bildirib. O, eyni zamanda cavabında prezident Obamanın məsələ barədəki çıxışlarını xatırladıb. Dinləmələrdə Robert Menendezin başqa sualının cavabında Heffer cavabı dəqiq bilmədiyini etiraf etməklə yanaşı, indiki Türkiyə Cümhuriyyətinin Osmanlı imperiyasının varisi olduğu fikri ilə razılaşdığını deyib.

14.07.11

Məqaləni oxumaq

QMİ jurnalistlər üçün kurslar təşkil edəcək

Qafqaz Müsəlmanları İdarəsi Azərbaycanda dini sahə üzrə ixtisaslaşmaq istəyən jurnalistlər üçün kurslar təşkil edəcək. вЂњKƏLAMİNFOвЂќ xəbər verir ki, bunları jurnalistlərə açıqlamasında QMİ sədri Allahşükür Paşazadə bildirib. O, qeyd edib ki, hazırda bununla bağlı işlər gedir və tezliklə idarə nəzdində jurnalistlər üçün belə bir treninqlər fəaliyyətə başlayacaq. вЂњDini sahədə, şəriət qanunları ilə bağlı əksər jurnalistlərimizin heç bir məlumatı yoxdur. Ona görə də onlar çox vaxt bu sahəyə müraciət edəndə kifayət qədər səhflərə yol verirlər. Onları qınamaq da olmur, çünki öyrənmək üçün yerləri də yoxdur. Bunma görə də biz qərara gəlmişik ki, dini sahədə ixtisaslaşmaq üçün jurnalistlərə yardımçı olaqвЂќ-deyə Şeyx vurğulayıb. A.Paşazadə bunun üçün Türkiyə təcrübəsinin nümunə kimi göstərib.

14.07.11

Məqaləni oxumaq

Allahşükür Paşazadə daxili işlər nazirinə müraciət edib

Qafqaz Müsəlmanları İdarəsi (QMİ) məscidlərin ətrafında çadır avtomobillərinin yığışdırılması ilə bağlı Daxili İşlər Nazirliyinə müraciət edib. вЂњKƏLAMİNFOвЂќ xəbər verir ki, bu barədə Qafqaz Müsəlmanları İdarəsinin sədri Şeyxülislam Allahşükür Paşazadə QMİ-də toy və yas mərasimlərinə həsr olunmuş Dəyirmi masada çıxışı zamanı bildirib. O, müraciətini вЂњƏjdərbəyвЂќ məscidinin yaxınlığındakı çadır maşınları ilə bağlı olduğunu bildirib: вЂњÇoxları deyir ki, bu maşınlar, bu çadırlar Şeyxindir. Nazirliyə iki məktub yazmışam ki, bunları buradan qovsunlar, çıxarsınlar. Artıq üçüncü məktubu da yazacağam ki, onları məscidin yaxınlığından uzaqlaşdırsınlar. Bilirsiniz, çox pis vəziyyət yaranıb. Çadıra 30-40 min manat verən adamlar var. Özü də bunlar kimlərdi? Ziyalılar, imkanı olan adamlar... Əlbəttə ki, bu, dövlətin siyasəti deyil. Dövlət də belə olmasını istəməzвЂќ,-deyə A.Paşazadə vurğulayıb.

14.07.11

Məqaləni oxumaq

Azərbaycanın 9 milyon 165 min nəfər əhalisi var

İlin əvvəlindən iyulun 1-nə kimi ölkə əhalisinin sayı 54 min nəfər artaraq 9165 min nəfərə çatıb. вЂњKƏLAMİNFOвЂќ Dövlət Statistika Komitəsində istinadən bildirir ki, əhalinin 49,6 faizini kişilər, 50,4 faizini qadınlar təşkil edir, 22,3 faizi 0-14 yaşda, 72 faizi 15-64 yaşda, 6 faizi 65 və yuxarı yaşda olanlardır. 2011-ci ilin birinci yarısında 80,2 min, gündə təxminən 443 körpə doğulmuş, ötən ilin müvafiq dövrü ilə müqayisədə əhalinin hər 1000 nəfərinə hesabı ilə doğumun səviyyəsi 17,3-dən 17,9-dək artıb. Cari ildə doğulan körpələr üçün 73,6 yaş, o cümlədən oğlanlar üçün 70,9 yaş, qızlar üçün 76,2 yaş ömür uzunluğu gözlənilir. Yanvar-iyun aylarında ölkədə 38,6 min nikah, 5,4 min boşanma qeydə alınıb və 2010-cu ilin birinci yarısına nisbətən əhalinin hər 1000 nəfərinə hesabı ilə nikahların sayı 7,4-dən 8,6-ya, boşanmaların sayı isə 1,0-dan 1,2-yə qədər artıb. 2011-ci ilin altı ayı ərzində yaşamaq üçün Azərbaycana 1,1 min nəfər gəlmiş və 0,2 min nəfər ölkədən gedib.

13.07.11

Məqaləni oxumaq

DSMF tərəfindən 6 ayda 98 010 vətəndaşa fərdi hesab açılıb

Dövlət sosial sığorta sistemində fərdi uçotun inkişafı və tətbiqi məqsədilə davam etdirilən tədbirlər nəticəsində, cari ilin əvvəli ilə müqayisədə sistemdə fərdi şəxsi hesabı olan sığortaolunanların sayı 5,44 faiz artıb. Belə ki, cari ilin 6 ayı ərzində Dövlət Sosial Müdafiə Fondu (DSMF) tərəfindən əlavə olaraq 98 010 vətəndaşa sosial sığorta nömrəsi verilib və onlar üçün fərdi hesab açılıb. Dövlət Sosial Müdafiə Fondundan вЂњKƏLAMİNFOвЂќa verilən məlumata görə, nəticədə 01.07.2011-ci il tarixə olan statistikaya əsasən, Azərbaycanda fərdi şəxsi hesabı olan sığortaolunanların sayı 1 898 462 nəfərə catıb. Sığortaolunanların 55,8 faizi kişi, 44,2 faizi isə qadındır. Fərdi şəxsi hesabı olanlar arasında 40-50 yaş aralığında sığortaolunanlar üstünlük təşkil edir. Göstərilən yaş kateqoriyalarına aid olan vətəndaşlar ümumi sığortaolunanların 25 faizini əhatə edir. Bundan başqa, fərdi uçot sistemində qeydiyyatda olan sığortaolunanların 21,7 faizini 30 yaşa kimi vətəndaşlar, 22,6 faizini 30-40 yaş aralığında olan vətəndaşlar, 21,1 faizini 50-60 yaş aralığında olan vətəndaşlar, 9,6 faizini 60 yaşdan yuxarı olan vətəndaşlar təşkil edir.