Kelam Jurnalı - Cəmiyyət

Bütöv Azərbaycan Xalq Cəbhəsi Partiyası (BAXCP) yeni kampaniyaya start verib. Bu barədə məlumatı вЂњKƏLAMİNFOвЂќya partiyadan veriblər. Partiyadan bildirilir ki, fəaliyyət istiqamətləri və prioritetləri hər kəsə bəlli olan bir qrup nüfuz müvəkkili tərəfindən вЂњAzad müsiqi azad olmayan ölkədəвЂќ adlı təxribat xarakterli kampaniyaya başlanılıb. BAXCP sədri Qüdrət Həsənquliyev isə вЂњEurovision-2012вЂќ mahnı müsabiqəsi öncəsi diqqəti Azərbaycan torpaqlarının işğalına yönəltmək üçün yeni təşəbbüslə çıxış edib. Q.Həsənquliyev ölkənin ərazi bütövlüyünün bərpa olunmasını arzulayan hər kəsi вЂњAzad musiqi torpaqları işğal altında olan ölkədəвЂќ kampaniyasına qoşulmağa və dəstək verməyə çağırıb. Azərbaycanın вЂњEurovision-2011вЂќ mahnı müsabiqəsində qələbəsindən sonra bəyanatla çıxış edən BAXCP ölkənin bütün siyasi qüvvələrini 1 il müddətinə kütləvi aksiyalara moratorium qoymağa çağırmışdı.

01.08.11

Məqaləni oxumaq

Əli Abbasov rəqəmli TV-nin təşkilinə dair Tədbirlər Planını təsdiq edib

Rabitə və informasiya texnologiyaları naziri Əli Abbasov ölkədə rəqəmli TV-nin təşkilinə dair Tədbirlər Planını təsdiq edib. Bu barədə məlumatı вЂњKƏLAMİNFOвЂќya Rabitə və İnformasiya Texnologiyaları Nazirliyinin mətbuat katibi Müşviq Əmirov verib. O, qeyd edib ki, Tədbirlər Planında respublikada əhali yaşayan ərazilərin ən azı 85 faizini əhatə edəcək 1 paketdən ibarət вЂњDVB-TвЂќ rəqəmli TV yayımının tətbiq ediləcəyi qeyd olunur.

01.08.11

Məqaləni oxumaq

Azərbaycanda temperatur iqlim normasından kifayət qədər yüksək olacaq

Azərbaycanda avqust ayında havanın orta aylıq temperaturunun iqlim normasından yüksək olacağı gözlənilir. Bu barədə məlumatı вЂњKƏLAMİNFOвЂќya Ekologiya və Təbii Sərvətlər Nazirliyinin Milli Hidrometeorologiya Departamentindən veriblər. Yağıntıların da ay ərzində Respublika ərazisində qeyri-bərabər paylanması gözlənilir. Aylıq yağıntının miqdarının iqlim normasına yaxın, bəzi yerlərdə isə normadan bir qədər çox olacağı ehtimal olunur. Bakıda və Abşeron yarımadasında orta aylıq temperaturun 27-28 dərəcə isti (gecələr 19-24, gündüzlər 30-35 dərəcə isti, ayrı-ayrı günlərdə 38-42 dərəcəyədək yüksələcək) olacağı gözlənilir ki, bu da iqlim normasından 1-2 dərəcə yüksəkdir.

01.08.11

Məqaləni oxumaq

Analoq televizorların ölkəyə gətirilməsi qadağan olunacaq

Yaxın il yarım ərzində Azərbaycanda analoq sistemlə işləyən televizorların idxalına qadağa qoyulacaq. вЂњKƏLAMİNFOвЂќ xəbər verir ki, bu barədə rabitə və informasiya texnologiyaları naziri Əli Abbasov jurnalistlərin suallarını cavablandırarkən deyib. Onun sözlərinə görə, analoq yayımdan rəqəmsal yayıma keçid bütün dünyada 2015-ci ilə qədər yekunlaşmalıdır. Nazir bildirib ki, bu barədə Ümumdünya Yayım İttifaqının şərtlərində də öz əksini tapıb: вЂњBununla əlaqədar olaraq da analoq yayım televizorların idxalı və istehsalı dayandırılacaq. Azərbaycanda bu prosesə keçid 2013-cü ilin ilk yarısında başa çatacaq. Artıq hökumət müvafiq qərar qəbul edib və proqram təsdiqlənib. Analoq yayımın dayandırılması ilə əlaqədar analoq televizorların da idxalı dayandırılacaqвЂќ.

30.07.11

Məqaləni oxumaq

SAM ilin ilk altı ayı ilə bağlı hesabatını açıqlayıb

Strateji Araşdırmalar Mərkəzinin (SAM) bu ilin ilk altı ayı ərzində mətbuatda və elektron mediada 91 məqalə və 16 müsahibəsi çap edilib. Bu barədə вЂњKƏLAMİNFOвЂќya SAM-dan məlumat verilib. SAM-ın elmi tədqiqatları arasında türk dilində yazılmış вЂњGüney Kafkasiya. Toprak bütünlüyü, jeopolitik mücadeleler ve enerjiвЂќ kitabı, Türkiyədə fəaliyyət göstərən Avrasiya Elm Adamları Dərnəyi tərəfindən təsis edilmiş və SAM-ın dəstəyi ilə nəşr olunmuş Caucasus International (ingilis dilində) rüblük jurnalının ilk sayı, вЂњ2011-ci ilin dövlət büdcəsinə edilən dəyişikliklərin makroiqtisadi sabitlik, iqtisadi inkişaf və sosial rifaha təsirləriвЂќ adlı hesabat yer alıb. Bu siyahıya eləcə də Moskva Dövlət Universitetinin Tarix fakültəsinin Yaxın xarici ölkələr tarixi kafedrası və SAM-ın birgə layihəsi çərçivəsində ərsəyə gəlmiş "Mayendorfdan Astanayadək: Ermənistan-Azərbaycan, Dağlıq Qarabağ münaqişəsinin prinsipial aspektləri" adlı kitab daxildir ki, o, Cənubi Qafqazda problemlərin təhlili və münaqişədən sonrakı nizamlanmanın optimal modellərinin axtarışı üçün maraqlı bələdçidir.

29.07.11

Məqaləni oxumaq

Müdafiə təyinatlı məhsulların istehsalı 2 dəfə artıb

Müdafiə Sənayesi Nazirliyinin tabeli müəssisələrində 2011-ci ilin I yarımilliyinin yekunlarına həsr edilən səyyar kollegiya iclasları keçirilib. вЂњKƏLAMİNFOвЂќnun məlumatına görə, nazir Yavər Camalovun sədrliyi ilə keçirilən iclaslarda birlik və müəssisələrin istehsal, maliyyə-təsərrüfat fəaliyyətlərinin yekunları və qarşıda duran məsələlər geniş müzakirə edilib. Bildirilib ki, 2011-ci ilin 6 ayında tabeli müəssisələrdə ümumilikdə istehsal olunan məhsulların həcmi keçən ilin müvafiq dövrü ilə müqayisədə 2 dəfə artıb.

28.07.11

Məqaləni oxumaq

вЂњTəmiz şəhərвЂќ təmizlik dərsləri keçir

вЂњTəmiz ŞəhərвЂќ ASC ictimai ekoloji təlim-tərbiyə işlərinin aparılması, təhsil müəssisələrində mühazirələrin oxunması, sakinlərlə görüşlərin təşkil edilməsi və ətraf mühitin mühafizəsi sahəsində insanların biliklərinin artırılmasını davam etdirir. вЂњKƏLAMİNFOвЂќya ASC-dən verilən məlumatda bu məqsədlə 2011-ci ilin ilk yarısında həyata keçirilən tədbirlər öz əksini tapıb. Bildirilir ki, ASC-nin Ətraf Mühitin Mühafizəsi şöbəsinin əməkdaşları tərəfindən Azərbaycan Dövlət Neft Akademiyasında TEMPUS proqramı çərçivəsində вЂњƏtraf mühit və neft sənayesiвЂќ istiqaməti üzrə magistratura pilləsində təhsil alan tələbələrə tullantıların idarə edilməsi mövzusunda mühazirələr oxunub.

27.07.11

Məqaləni oxumaq

вЂњMətbuat EnsiklopediyasıвЂќ hazırlanacaq

Parlament Jurnalistləri Birliyi (PJB) Bakı Dövlət Universiteti ilə birgə milli KİV tariximizin əks olunacağı böyük bir layihənin icrasına başlayacaq. вЂњKƏLAMİNFOвЂќ xəbər verir ki, bu barədə PJB sədri Elşad Eyvazlı bildirib. O qeyd edib ki, вЂњMətbuat EnsiklopediyasıвЂќ adlanan layihə çərçivəsində çap olunacaq eyni adlı kitabı BDU-nun jurnalistika fakültəsi ilə birgə tərtib etmək nəzərdə tutulub. Kitabda вЂњƏkinçiвЂќ qəzetindən başlayaraq ötən əsrdə və çağdaş Azərbaycanda çap olunmuş qəzetlər və bu qəzetlərə rəhbərlik edən baş redaktorlar barədə ensiklopedik məlumatlar əksini tapacaq. вЂњMətbuat EnsiklopediyasıвЂќ layihəsilə bağlı Bakı Dövlət Universitetinin Jurnalistika fakültəsi ilə PJB arasında anlaşma sənədinin imzalanması nəzərdə tutulur. Sənədin avqust ayında təsdiq ediləcəyi gözlənilir.

22.07.11

Məqaləni oxumaq

Aztəminatlı ailələr üçün turizm səfərləri təşkil ediləcək

Turist axını çox olan rayonlarda вЂњBu Vətən bizimdirвЂќ adlı turist düşərgələri təşkil ediləcək. вЂњKƏLAMİNFOвЂќ xəbər verir ki, bu barədə вЂњTurizm iliвЂќ ilə bağlı Tədbirlər Planında öz əksini tapıb. Tədbirlər Planına əsasən, düşərgələr iyul-sentyabr aylarında Mədəniyyət və Turizm Nazirliyi, Təhsil Nazirliyi, Gənclər və İdman Nazirliyi, həmçinin yerli icra hakimiyyəti orqanları və bələdiyyələr tərəfindən yaradılacaq. Sənəddə, həmçinin aztəminatlı ailələrin, dövlət himayəsində olan əlil və kimsəsiz uşaqların Azərbaycanın müxtəlif yerlərinə xüsusi səyahətlərinin təşkili də nəzərdə tutulur. İlin ikinci yarısında reallaşdırılması planlaşdırılan tədbirin təşkili Əmək və Əhalinin Sosial Müdafiəsi Nazirliyi, Ailə, Qadın və Uşaq Problemləri üzrə Dövlət Komitəsi, Qaçqınların və Məcburi Köçkünlərin İşləri üzrə Dövlət Komitəsi, Azərbaycan Həmkarlar İttifaqları Konfederasiyası, Mədəniyyət və Turizm Nazirliyinə həvalə edilib.

21.07.11

Məqaləni oxumaq

Əbulfəs Qarayev Qusar, Xaçmaz və Şabran rayonlarına səfər edib

Mədəniyyət və turizm naziri Əbülfəs Qarayev Şahdağ Yay Qış Turizm Kompleksinin tikinti işlərinin gedişatına baxış keçirmək məqsədilə Qusarda səfərdə olub. Nazirliyin mətbuat xidmətindən вЂњKƏLAMİNFOвЂќya verilən məlumata görə, 19 iyul tarixində layihənin tikinti işlərini aparan yerli və xarici şirkətlərin rəhbərləri ilə geniş müşavirə keçirilib. Həmin gün Ə.Qarayev Nabran zonasında fəaliyyət göstərən turizm obyektlərinin vəziyyəti ilə tanış olub və burada istirahət edən insanlarla söhbət aparıb. Həmçinin Xaçmaz və Şabran rayonlarının mədəniyyət obyektlərinə baxış keçirilib. Səfərin nəticələrinə uyğun olaraq nazir Xaçmaz və Şabran rayonlarında mədəniyyət və turizm sahələri üzrə müvafiq göstərişlər verib.