|
Səhifələr : # « 76 77 78 79 80 81 82 83 84 » #
Tibb mütəxəssislərinin sertifikasiya prosesinin növbəti imtahanları keçirilir
|
Bu gün Səhiyyə Nazirliyi tərəfindən praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti imtahanları keçirilir. Nazirliyin mətbuat xidmətindən “KƏLAMİNFO”ya verilən məlumata görə, imtahanlar ümumi cərrahiyə və anesteziologiya – reanimotologiya ixtisasları üzrədir.
Qeyd edək ki, sertifikasiyaya dair test imtahanlarına 2011-ci ilin yanvar ayında start verilib. Sertifikasiya prosesinin birinci mərhələsində tibb mütəxəssislərinin hər biri ixtisaslarına uyğun test imtahanlarında iştirak edirlər. Birinci mərhələdən müvəffəqiyyətlə keçən tibb mütəxəssisləri ikinci mərhələyə - müsahibəyə dəvət olunurlar. Test imtahanları Səhiyyə Nazirliyinin Respublika Elmi-Tibbi Kitabxanasının binasında keçirilir.
|
18.08.11 Məqaləni oxumaq
|
|
|
Efiopiya qaçqın şəhərciyində hər gün 10 somalili uşaq ölür
|
Birləşmiş Millətlər Təşkilatı Efiopiya qaçqın şəhərciyində yerləşdirilən somalililərin vəziyyəti ilə bağlı həyəcan siqnalı verib. “KƏLAMİNFO” “The Guardian”a istinadən xəbər verir ki, təşkilatın yaydığı açıqlamada bu şəhərcikdə hər gün 10 və daha çox uşağın öldüyü bildirilir. Ölən uşaqların çoxu 5 yaşın altında, yaşlıların çoxu isə 55 yaşın üstündədir. Somalililərin ölüm sürətinin aşağı düşməməsi isə vəziyyəti daha da ağırlaşdırıb. Çünki ölənlərin sayının artması insanları ümidsizliyə sürükləyib. Təşkilatın Efiopiyadakı nümayəndəsi Ron Redmond: “Burdakı qadınlar artıq övladlarını tanımazlıqdan gəlir. Burda bütün övladlarını itirmiş qadınlar var. Onlar ağlamağı belə unudub. Hamının vəziyyəti digərindən ağırdır. Artıq onları bu vəziyyətdən çıxış üçün yolun sonunda işıq olduğuna heç kim inandıra bilmir”.
|
17.08.11 Məqaləni oxumaq
|
|
|
BQXK-nin əməkdaşları Ermənistanda saxlanılan Azərbaycan hərbçisinə baş çəkiblər
|
Beynəlxalq Qızıl Xaç Komitəsinin (BQXK) Ermənistan nümayəndəliyinin əməkdaşları bu ölkədə əsirlikdə saxlanılan Azərbaycan hərbçisinə baş çəkiblər. Bu barədə “KƏLAMİNFO”ya BQXK-nın Azərbaycan nümayəndəliyinin mətbuat katibi Şəhla Qəhrəmanova məlumat verib.
O bildirib ki, BQXK nümayəndələri hərbi əsirin saxlanma şəraitinin monitorinqini aparıb, onun sağlıq durumunu araşdırıb. Ailəsinin məktubu əsirə çatdırılıb, ondan da ailəsinə çatdırılması üçün məktub alınıb.
Xatırladaq ki, Azərbaycan Ordusunun kiçik çavuşu Roman Hüseynov hazırda Ermənistanda əsir saxlanılır. O, ötən il avqustun 27-də Ermənistan Silahlı Qüvvələri tərəfindən əsir götürülüb.
|
17.08.11 Məqaləni oxumaq
|
|
|
16 bələdiyyənin hüquq pozuntuları ilə əlaqədar materiallar prokurorluğa göndərilib
|
Cari ildə qanunvericiliyin beynəlxalq standartlara uyğunlaşdırılması, əhalinin rifahının yaxşılaşdırılmasına yönələn çoxsaylı qanunvericilik aktlarının işlənilməsində Ədliyyə Nazirliyi fəal iştirak edib. Nazirlik tərəfindən 159 normativ hüquqi akt layihəsi hazırlanıb, 612 akt hüquqi ekspertizadan keçirilib. “KƏLAMİNFO” xəbər verir ki, bu barədə məlumatı Ədliyyə Nazirliyinin kollegiya iclasında nazir Fikrət Məmmədov söyləyib. Nazir qeyd edib ki, inzibati nəzarət qaydasında 16 minə yaxın bələdiyyə aktı yoxlanılıb, nazirliyin təklifləri əsasında 400-ə yaxın akt qanuna uyğun olmadığından dəyişdirilib və ya ləğv edilib. 16 bələdiyyənin fəaliyyətində aşkar edilən hüquq pozuntuları, o cümlədən maliyyə əyintiləri ilə əlaqədar materiallar prokurorluğa göndərilib.
|
17.08.11 Məqaləni oxumaq
|
|
|
Prokurorluqda işlə qəbulla əlaqədar keçirilən imtahanda uğur qazananların siyahısı açıqlanıb
|
Prokurorluq orqanlarına işə qəbulla əlaqədar keçirilən yazılı imtahanda uğur qazanan namizədlərin siyahısı açıqlanıb. Bu barədə məlumatı “KƏLAMİNFO”ya Baş Prokurorluğun mətbuat xidmətindən veriblər. Yazılı imtahan mərhələsindən müvəffəqiyyətlə keçən namizədlərin siyahısı Baş Prokurorluğun saytında (http://www.genprosecutor.gov.az/index.php?/az/news/view/274/) yerləşdirilib.
Müsabiqənin yazılı imtahan mərhələsində müvəffəqiyyət əldə edən 136 namizəd Ədliyyə Nazirliyinin Baş Tibb İdarəsində 15 avqust 2011-ci il tarixdən şəxsiyyət vəsiqəsini təqdim edərək tibbi müayinədən keçib müsbət rəy aldıqdan sonra müsahibə mərhələsində iştirak etmək hüququ əldə edəcək. Müsahibə mərhələsi 2011-ci il avqustun 18-dən etibarən Baş Prokurorluğun əsas inzibati binasında keçiriləcək (ünvan: Bakı şəhəri, N.Rəfibəyli küçəsi, 7). Namizədlər həmin gündən başlayaraq növbəlilik qaydasında müsahibəyə dəvət ediləcəklər. Namizədlər şəxsiyyət vəsiqəsini təqdim etməklə müsahibədə iştirak etməlidirlər.
|
13.08.11 Məqaləni oxumaq
|
|
|
Dövlət Qulluğu Məsələləri üzrə Komissiya açıq tender elan edib
|
Azərbaycan Prezidenti yanında Dövlət Qulluğu Məsələləri üzrə Komissiya dövlət qulluğuna qəbulla bağlı müsabiqənin test imtahanı mərhələsini keçirmək üçün tətbiqi proqram təminatının satınalması üzrə açıq tender elan edilib. Bu barədə məlumatı “KƏLAMİNFO”ya DQMK-dan veriblər.
Tender iştirakçılarına təklif edilir ki, öz tender təkliflərini möhürlənmiş və imzalanmış şəkildə ikiqat zərflərdə yazılı surətdə təqdim etsinlər. Müqaviləni yerinə yetirmək üçün tender iştirakçıları lazımi maliyyə və texniki imkanlara malik olmalıdırlar. Tenderdə iştirak etmək istəyənlər müvafiq hesaba 500 manat köçürməlidir.
|
12.08.11 Məqaləni oxumaq
|
|
|
Nazirlər Kabineti bir sıra dövlət müəssisələrinin borclarını tənzimləyib
|
Nazirlər Kabineti bir sıra dövlət müəssisələrinin borclarının tənzimlənməsi barədə qərar qəbul edib. Bu barədə məlumatı “KƏLAMİNFO”ya Nazirlər Kabinetinin mətbuat xidmətindən veriblər. Belə ki, “Azərsu” ASC-nin bu il fevralın 1-nə “Bakıelektrikşəbəkə” ASC-nin balans və balansarxası hesabları üzrə 83 mln. manat, “Sumqayıtelektrikşəbəkə” ASC-nin balans və balansarxası hesabları üzrə 64,1 mln. manat, “Azərenerji” ASC üzrə 9,3 mln. manat, Meliorasiya və Su Təsərrüfatı ASC üzrə 65,6 mln. manat kreditor borcu silinib. Maliyyə Nazirliyinə və “Azərsu” ASC-yə “Azərsu” ASC-nin elektrik enerjisinə görə olan borclarının xəzinə vekselləri vasitəsilə ödənilməsi nəticəsində yaranan 56,5 mln. manat, habelə həmin ASC-nin dövlət zəmanəti ilə alınan borcların Təminat Fonduna ödənilməli olan 3,8 mln. manat borclarını nizamnamə kapitalına yönəldilməklə silinmək tapşırılıb.
|
12.08.11 Məqaləni oxumaq
|
|
|
“Xəzər dənizi ərazisində külək enerji potensialının öyrənilməsi” layihəsinin sonuncu hesabatı hazırlanıb
|
Sənaye və Energetika Nazirliyinin müraciətinə əsasən, Avropa Komissiyasının İNOGATE Proqramı çərçivəsində SEMİSE layihəsi tərəfindən texniki dəstək kimi “Azərbaycanın Xəzər dənizi ərazisində külək enerji potensialının öyrənilməsi” layihəsi icra olunur. Nazirlikdən “KƏLAMİNFO”ya verilən məlumata görə, artıq sonuncu hesabatın layihəsi hazırdır və sənədin təqdimatı sentyabrın 1-nə planlaşdırılır. Tədbirdə layihənin danimarkalı ekspertləri Kim Jansen və Jesper Thisen, həmçinin Azərbaycan Milli Elmlər Akademiyası, İqtisadi İnkişaf, Ekologiya və Təbii Sərvətlər nazirlikləri, Azərbaycan Respublikası Dövlət Neft Şirkəti, Energetika Elmi Tədqiqat Layihə İnstitutunun nümayəndələri iştirak edəcəklər.
|
11.08.11 Məqaləni oxumaq
|
|
|
Səhiyyə Nazirliyi partlayışla bağlı açıqlama yayıb
|
Hacıqabul rayonunda yanacaqdoldurma məntəqəsində baş verən partlayış nəticəsində 13 nəfər yaralanıb. “KƏLAMİNFO” xəbər verir ki, bu barədə Səhiyyə Nazirliyinin mətbuat xidməti məlumat yayıb.
Partlayışda yaralananlardan Şirvan rayon Xəstəxanasına aparılan 2 nəfərdən biri yolda dünyasını dəyişib, digər 11 yaralı isə Hacıqabul rayon xəstəxanasına çatdırılıb. Yaralılardan üçünün vəziyyəti yüngül olduğuna görə ilkin tibbi yardım göstərildikdən sonra evə buraxılıblar, onlar Gürcüstan vətəndaşıdır. 8 yaralı hazırda xəstəxanadadır. 1-nin vəziyyəti ağırdır. Sumqayıt sakini olan həmin yaralıya 3-cü dərəcəli texniki yanıq diaqnozu qoyulub.
|
10.08.11 Məqaləni oxumaq
|
|
|
İstanbulda İƏT-ə üzv ölkələrin xarici işlər nazirlərinin fövqəladə toplantısı keçiriləcək
|
Avqustun 17-də İstanbulda İslam Əməkdaşlıq Təşkilatına (İKT) üzv ölkələrin xarici işlər nazirlərinin fövqəladə toplantısı keçiriləcək. “KƏLAMİNFO” xəbər verir ki, toplantı Somali hökumətinin çağırışı və Türkiyə xarici işlər naziri Əhməd Davutoğlunun dəvəti ilə gerçəkləşəcək.
İƏT-in baş katibi Ekmələddin İhsanoğlunun da qatılacağı İƏT İcra Komitəsi 2006-cı ildən sonra ilk dəfə Ciddədən kənarda – İstanbulda toplanacaq.
Somali prezidenti Şeyx Şərifin də qatılacağı iclasda fəlakət bölgəsinə yardımların göstərilməsi məsələləri müzakirə ediləcək.
|
10.08.11 Məqaləni oxumaq
|
|
|
|
Səhifələr : # « 76 77 78 79 80 81 82 83 84 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|