Paytaxt Bakı şəhərinin yaxınlığında "Avesta" konserni tərəfindən həyata keçirilən "Khazar Islands" ("Xəzər adaları") yeni yaşayış kompleksinin tikinti işləri çərçivəsində bu gün ilk birləşdirici körpünün tikintisinin başa çatdırılması ilə bağlı mərasim keçirilib. Beləliklə, sözügedən körpü 20 gündən sonra tam istifadəyə veriləcək.  XezerNews.az-in məlumatına görə, mərasimdə iştirak edən "Avesta" konserninin rəhbəri Hacı İbrahim İbrahimov jurnalistlərə müsahibəsində bildirib ki, "Khazar Islands" layihəsinin dəyəri ilkin olaraq 100 milyard dollar həcmində qiymətləndirilir.

Rusiyada Kalininqrad Məhkəməsi Səid Nursinin 16 kitabını həddindən artıq təhlükəli olduğu səbəbi ilə qadağan edilməsinə qərar verib. Məhkəmə qərarını məhkəmə tibb ekspertizanın rəyinə əsasən verib. Tibb tərəfindən aparılan araşdırmada Səid Nursinin “Risalə-i Nur” kitabı dini nifrəti təşviq etdiyi və İslama inanmayanların dini azadlıqlarına zərər verdiyi səbəbi ilə təhlükəliliyi aşkar olunub. 

Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları tərəfindən 2013-cü ilin 16-31 yanvar tarixlərində ölkə ərazisində ekoloji qanunvericiliyin tələblərinə riayət olunmasını yoxlamaq məqsədilə araşdırma aparılıb. Araşdırma zamanı hüquqi və fiziki şəxslər tərəfindən ətraf mühit sahəsində yol verilmiş qanun pozuntularına görə 209 akt və protokol tərtib olunmuş, icrası məcburi olan 94 müddətli məcburi göstəriş verilib.

Milli Məclisin Sosial siyasət komitəsinin sədri Hadi Rəcəbli Lənkəran şəhərində gənclərlə görüşüb. Görüşdə Hadi Rəcəbli ölkəmizdə gənclərin sosial müdafiəsi ilə bağlı mövcud hüquqi baza, dövlət gənclər siyasəti, qəbul olunmuş dövlət proqramları barədə ətraflı söhbət açıb. Qeyd olunub ki, əsası ümummilli lider Heydər Əliyev tərəfindən qoyulmuş dövlət gənclər siyasəti bu gün Prezident İlham Əliyev tərəfindən uğurla davam etdirilir.

Bu gün parlamentin yaz sessiyanın ilk plenar iclası öz işinə başlayıb. Qaydalara görə, sesiyya Azərbaycanın dövlət himninin səsləndirilməsi ilə açılıb. İclasda çıxış edən MM sədri Oqtay Əsədov AŞPA-da Ştrasserin Azərbaycanda siyasi məhbuslarla bağlı hesabatının qəbul olunmamasını Azərbaycan dövlətinin və xalqının qələbəsi adlandırıb. onun sözlərinə görə, anti-Azərbaycan qüvvələrinin niyyəti həyata keçməyib, Prezident İlham Əliyevin apardığı uğurlu siyasət qalıb gəlib.

Bu gün Azərbaycan Mətbuat Şurasında qurumun 2012-ci ildə gördüyü işlərə dair hesabatı ictimaiyyətə təqdim edib. Məsələ ilə bağlı qərar bu gün Şuranın İdarə Heyətinin iclasında qəbul edilib. İclasda müzakirə edilən başlıca məsələ də Şuranın 2012-ci ildə gördüyü işlər olub. MŞ sədri Əflatun Amaşov hesabat mətnində mühüm istiqamətlərdən birinin “reket jurnalistika”ya qarşı mübarizə tədbirləri təşkil etdiyini vurğulayıb. 

Kollektiv Təhlükəsizlik Müqaviləsi Təşkilatının baş katibi Nikolay Bordyujanın bəyanatına təəccüblənmək lazım deyil, o dəfələrlə ədalətsiz olaraq Ermənistanı dəstəkləyib. Bu barədə MN-nin mətbuat xidmətinin rəhbəri Eldar Sabiroğlu bildirib. Onun sözlərinə görə, Bordyujanın münasibəti onun ermənipərəst mövqeyini nümayiş etdirir. N.Bordyuja İrəvanda erməni təyyarələrinin Xocalı hava limanına uçacağı təqdirdə Azərbaycanın onları vurmaq ehtimalını ciddi qəbul etmədiyini bildirib.

Gənclər və idman naziri Azad Rəhimov Albaniyada rəsmi səfərdədir. Səfərin ilk günü nümayəndə heyəti Albaniyanın baş naziri Sali Berişa, parlamentin spikeri Josefina topallı, Turizm, Mədəniyyət, Gənclər və idman naziri Aldo Bumçi və Tirana şəhərinin meri Lulzim Başa ilə rəsmi görüşlər keçirilib. Baş nazir S.Berişa ilə keçirilən görüş zamanı iki ölkə arasında mövcud əməkdaşlıq imkanları, gənclər və idman sahələrində gələcək inkişaf perspektivləri müzakirə edilib. Parlamentin spikeri xanım Josefina topallı ilə görüş zamanı Azərbaycanda həyata keçirilən gənclər və idman siyasətinin nümunəvi bir model olduğu və bu sahələrdə təcrübə və məlumat mübadiləsinin Albaniya üçün vacibliyi qeyd edilib.

Yanvarın 28-də Daxili İşlər Nazirliyində 2012-ci ildə cinayətkarlıqla mübarizənin, ictimai qaydanın qorunmasının və ictimai təhlükəsizliyin təmin edilməsinin yekunlarına və qarşıda duran vəzifələrə həsr olunmuş geniş Kollegiya iclası keçirilib. İclası giriş sözü ilə açan daxili işlər naziri, general-polkovnik Ramil Usubov hesabat məruzəsi ilə çıxış edib. O deyib ki, yola saldığımız ildə davamlı şəkildə həyata keçirilən quruculuq işlərinə, tərəqqi proseslərinə zəmin yaradan ictimai asayiş, insan hüquq və azadlıqları etibarlı qorunub. 

Azərbaycan Jurnalistlərinin Həmkarlar İttifaqı (JuHİ) 2012-ci ildə hazırlanmış  вЂњRisklərlə davranış, Media professionalları üçün vəsait”  kitabının təqdimatına başlayıb. Vəsait 500 nüsxə ilə çap edilib və jurnalistlər arasında pulsuz paylanacaq. “Kitabınelektron versiyası təşkilatın saytında-www.juhi.az- ünvanında yerləşdirilib  və istənilən jurnalist onunla tanış ola bilər (http://juhi.az/uploads/FSU_Tehlukesizlik.pdf ).