|
Səhifələr : # « 65 66 67 68 69 70 71 72 73 » #
2040-cı ildə çap qəzetləri olmayacaq
|
Ənənəvi qəzet kağızları 2040-cı ildə yoxa çıxacaq və onları rəqəmli daşıyıcılar əvəz edəcək. Bu ehtimalı BMT himayəsi altında fəaliyyət göstərən Dünya İntellektual Mülkiyyət Təşkilatı bəyan edib. «KƏLAMİNFO»nun məlumatına görə, «Tribune de Geneve»yə müsahibəsində təşkilatın baş direktoru Frensis Harri bildirib ki, bir neçə il ərzində bizim artıq gördüyümüz çap qəzetləri olmayacaq: «Bu, təkamüldür və burada onun yaxşı və yaxud pis olduğunu deməyin yeri yoxdur. Tədqiqatlar aparılıb və onların 2040-cı ilə qədər məhv olunacağı gözlənilir. ABŞ-da isə bu, daha tez - 2017-ci ilə kimi baş verəcək. Onun qənaətincə, təkamül prosesi qarşısıalınmazdır. ABŞ-da artıq rəqəmli daşıyıcılar kağızdan daha yaxşı satılır, şəhərlərdə isə kitabxana tapmaq çox çətindir. Lakin hadisələrin inkişafı bir sıra problemlər də yarada bilər - bunlardan biri jurnalistlərin əməyinin ödənilməsidir». Onun sözlərinə görə, mükafatlandırma üzrə xüsusi təminat sistemi olmalıdır. «Əks təqdirdə jurnalistlər yaşaya bilməzlər» - deyə o əlavə edib.
|
04.10.11 Məqaləni oxumaq
|
|
|
Əlillərin müdafiəsi ilə bağlı tədbirlər dövlət büdcəsi vəsaiti hesabına birbaşa maliyyələşdiriləcək
|
Bundan sonra Azərbaycanda əlillərin və sağlamlıq imkanları məhdud uşaqların müdafiəsi ilə bağlı tədbirlər dövlət büdcəsi vəsaiti hesabına birbaşa maliyyələşdiriləcək. “KƏLAMİNFO” xəbər verir ki, bu, ötən həftə Milli Məclisdə təsdiq olunmuş “Əlilliyin və uşaqların sağlamlıq imkanları məhdudluğunun qarşısının alınması, əlillərin və sağlamlıq imkanları məhdud uşaqların reabilitasiyası və sosial müdafiəsi haqqında” qanuna əlavə və dəyişikliklərdə nəzərdə tutulub. İndiyə qədər isə qanunda göstərilirdi ki, həmin tədbirlər dövlət büdcəsi vəsaiti hesabına yalnız müvafiq Dövlət Proqramına uyğun olaraq maliyyələşdirilə bilərdi. Dövlət Proqramı isə hər il müvafiq icra hakimiyyəti orqanı tərəfindən təsdiq edilirdi.
|
04.10.11 Məqaləni oxumaq
|
|
|
Baş Məşğulluq İdarəsinə 32 min işsiz vətəndaş müraciət edib
|
“Son yeddi ay ərzində Azərbaycanın Dövlət Baş Məşğulluq İdarəsinə 32 min işsiz vətəndaş müraciət edib”. “KƏLAMİNFO” xəbər verir ki, bu barədə jurnalistlərə açıqlamasında idarənin rəis müavini Şahbaz Xələfov bildirib. O qeyd edib ki, müraciət edənlərdən 14 500-dən çoxu işlə təmin olunub, 2 mindən çoxu isə peşə kurslarına yönəldilib. Ş.Xələfovun sözlərinə görə, son vaxtlar artan peşə yarmarkalarına axın da çoxalır. “Ötən illərə nisbətən bu il yarmarkalara daha çox vətəndaş müraciət edir. İldə dörd dəfə keçirilən peşə yarmarkaları respublikanın bütün regionlarında təşkil olunur. Bu da ölkə üzrə vətəndaşların müəyyən işlə təmin olunmasına yardım etmiş olur” - deyə rəis müavini əlavə edib.
|
04.10.11 Məqaləni oxumaq
|
|
|
İş axtaranların işi asanlaşacaq
|
İl ərzində 120 nəfər iş axtaran şəxsə təlim dəstəyi göstərmək, iş axtaranları əmək bazarına inteqrasiya etməyi məqsəd tutan SYSLAB Bakı Mərkəzinin açılışı olub. “KƏLAMİNFO” xəbər verir ki, Mərkəz Əmək və Əhalinin Sosial Müdafiəsi Nazirliyi, Birləşmiş Millətlər Təşkilatının İnkişaf proqramının Bakıdakı nümayəndəliyi və Norveçin SYSLAB şirkəti ilə əməkdaşlıqda həyata keçirilən “Azərbaycanda İnnovasiyanın və Məşğulluğun inkişafı” layihəsi çərçivəsində yaradılıb. Baş Məşğulluq İdarəsinin rəis müavini Şahbaz Xələfovun sözlərinə əsasən, layihədə 4-6 ay ərzində iştirak edəcək şəxslərin orta hesabla 80-%-i iş tapmağa müvəffəq olacaq. “Layihə periodu təlimlər, fəal iş axtarma, əldə edilmiş nəticələrin təhlili, motivasiyanın təmin edilməsi və s. mərhələlərdən ibarət olacaq.
|
04.10.11 Məqaləni oxumaq
|
|
|
Bu il 30 mindən çox vətəndaş sanatoriyalara göndərilib
|
Bu il Azərbaycan Həmkarlar İttifaqları Konfederasiyası tərəfindən 6 mindən artıq uşaq Uşaq Sağlamlıq düşərgələrinə göndərilib. “KƏLAMİNFO” xəbər verir ki, bu barədə məlumatı AHİK sədri, millət vəkili Səttar Mehbalıyev deyib. Onun sözlərinə görə, bu il, həmçinin 25 mindən artıq Azərbaycan vətəndaşı AHİK-in nəzdində fəaliyyət göstərən sanatoriyalar, turist–istirahət mərkəzlərinə göndərilib.
|
04.10.11 Məqaləni oxumaq
|
|
|
Həmkarları İttifaqları Konfederasiyasına daxil olan vəsait 32 faiz artıb
|
Hər il həmkarlar təşkilatları üzvlərinə bu və ya digər şəkildə 20 milyon manatdan artıq vəsait yardım edilir. “KƏLAMİNFO” xəbər verir ki, bu barədə məlumatı Azərbaycan Həmkarları İttifaqları Konfederasiyasının sədri, millət vəkili Səttar Mehbalıyev verib. S.Mehbalıyev bildirib ki, yardımlar rəhbərlik etdiyi quruma daxil olan vəsaitdən edilir. Onun sözlərinə görə, AHİK-ə daxil olan vəsaitin 10 faizi bu qurumda qalır. Qalan 90 faiz isə iş təşkilatları və sahə həmkarlar ittifaqlarına çatır.
S.Mehbalıyev deyib ki, Azərbaycan iqtisadiyyatı inkişaf etdikcə AHİK-in maliyyə imkanları daha da artır. AHİK-i iqtisadiyyatın barometri kimi xarakterizə edən S.Mehbalıyev deyib ki, iqtisadiyyat inkişaf etməsə, AHİK-ə vəsait daxil ola bilməz. “Bir milyon altı yüz min üzvlərimizin adından gələn vəsaitdən hiss edirik ki, ötən illə müqayisədə 30-32 faiz artım var” deyən S.Mehbalıyev bildirib ki, bu, Azərbaycan iqtisadiyyatının yüksək templə inkişafından xəbər verir.
|
04.10.11 Məqaləni oxumaq
|
|
|
“Vətən tarixinin öyrənilməsində çatışmazlıqlar var”
|
Bu gün Beynəlxalq Mətbuat Mərkəzində (BMM) “Demokratik Cəmiyyətin İnkişafına Yardım” İctimai Birliyi fəaliyyəti ilə bağlı mətbuat konfransı keçirib. “KƏLAMİNFO” xəbər verir ki, konfransda birliyin prezidenti İntiqam Cəbrayılov təşkilatlarının konsepsiyası barədə məlumat verib.
O qeyd edib ki, təşkilatın əsas məqsədi Azərbaycanın ümummilli lideri Heydər Əliyevin irsinin tədqiq edilməsi, Azərbaycan tarixinin dərindən öyrənilməsi, milli-mənəvi dəyərlərin gənclərə aşılanması və vətəndaşların hüquqlarının qorunmasından ibarətdir. Onun sözlərinə görə, bu gün Azərbaycanda Vətən tarixinin öyrənilməsində çatışmazlıqlar var. “Bizim də fəaliyyətimizin əsas hissələrindən biri odur ki, Azərbaycanda Vətən tarixinin tədqiqini genişləndirək. Bununla bağlı bizim təşkilat ölkənin tanınmış alimləri ilə əməkdaşlıq edir” - deyə İ.Cəbrayılov vurğulayıb. Təşkilat sədri onu da deyib ki, onlar eyni zamanda gənclərin Azərbaycançılıq ideyalarına sadiq qalması istiqamətində də işlər görürlər. “Bunun üçün biz mütəmadi olaraq müxtəlif sahələrdə çalışan gənclərlə görüşlər keçiririk. Çünki indi ölkəmizdə gəncləri saxta yollara çəkmək istəyənlər peyda olur. Nəticədə də azərbaycanlı gənclər Azərbaycançılıq ideyalarından yayınmış olurlar” - deyə o, əlavə edib.
|
04.10.11 Məqaləni oxumaq
|
|
|
Vakant dövlət qulluğu vəzifələrinin tutulması ilə bağlı müsabiqə və ümumi müsahibə elan edilib
|
Azərbaycan Prezidenti yanında Dövlət Qulluğu Məsələləri üzrə Komissiya tərəfindən dövlət orqanlarında vakant dövlət qulluğu vəzifələrinin tutulması ilə bağlı müsabiqə və ümumi müsahibə elan edilib. DQMK-dən “KƏLAMİNFO”ya verilən məlumata görə, müsabiqəyə 73 dövlət orqanından 363 vakant vəzifə üzrə 456 vakant yer çıxarılıb.
Müsabiqədə iştirak etmək istəyənlər namizədliklərinin qeydə alınması üçün oktyabrın 4-dən noyabrın 3-dək DQMK-nin internet saytı (www.csc.gov.az, və ya www.dqmk.gov.az ) vasitəsilə qeydiyyatdan keçməlidirlər. Ümumi müsahibəyə isə 10 dövlət orqanından 78 vakant vəzifə üzrə 79 vakant yer çıxarılıb. Ümumi müsahibəyə çıxarılan yerlər arasında 3 məhkəmə orqanından 3 vakant yer də var. Ümumi müsahibədə iştirak etmək istəyən vətəndaşlar isə oktyabrın 24-dək namizədliklərinin qeydə alınması üçün müvafiq sənədlərlə şəxsən və ya poçt vasitəsilə Komissiyaya müraciət etməlidirlər.
|
04.10.11 Məqaləni oxumaq
|
|
|
|
Beynəlxalq Qızıl Xaç Komitəsinin nümayəndələri Azərbaycandakı ermənilərə baş çəkiblər
|
Beynəlxalq Qızıl Xaç Komitəsinin (BQXK) nümayəndələri Azərbaycanda saxlanılan 3 erməni hərbi əsir və bir ailənin üzvü olan 5 mülki şəxsə baş çəkiblər. BQXK-nın Azərbaycan nümayəndəliyindən “KƏLAMİNFO”ya verilən məlumata görə, komitənin nümayəndələri hərbi əsirlərdən ailələrinə çatdırmaq üçün 3 şifahi məlumat toplayıblar.
Qeyd edək ki, Azərbaycanda hazırda 3 erməni hərbi əsir, bir ailənin 5 üzvü saxlanılır.
|
03.10.11 Məqaləni oxumaq
|
|
|
|
Səhifələr : # « 65 66 67 68 69 70 71 72 73 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|