“İntellekt Araşdırmalar Mərkəzi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Gənclərin ümumi təhsilə cəlb edilməsi təşəbbüslərinin dəstəklənməsi” layihəsinin icrasına başlayıb. Layihənin əsas məqsədi gənclərinin ümumi icbari təhsilə cəlb edilməsi təşəbbüslərini dəstəkləmək, Azərbaycan hökumətinin bu istiqamətdəki fəaliyyətini təbliğ etmək, savadlı sağlam gənc nəslin formalaşmasına yardımçı olmaq, onlarda liderlik bacarığını üzə çıxarmaqdır.  

“Kaspi Geosiyasi Araşdırmalar Mərkəzi” İctimai  Birliyi  Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Azərbaycan mətbuat məkanında ədəbi dilin qorunmasına vətəndaş cəmiyyətinin dəstəyi” adlı layihənin icrasına başlayıb. Layihənin məqsədi kütləvi informasiya vasitələrində ədəbi dilin qaydalarının qorunmasına çalışmaq, mətbuatda dilimizin düzgün ifadə edilməsinə səy göstərməklə, jurnalistləri birbaşa, oxucuları isə dolayısı yolla bu istiqamətdə maarifləndirməkdir. 

“Ekoloji Tarazlığın Qorunması” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Ətraf mühitin mühafizəsi təşəbbüslərinə dəstək” adlı layihənin icrasına başlayıb. Layihənin məqsədi ətraf mühitin mühafizəsi sahəsində ictimaiyyətin məlumatlandırılması və maarifləndirilməsi işini təşkil etməkdən ibarətdir. Həmçinin, ekoloji vəziyyətin yaxşılaşdırılmasına yönəldilmiş Dövlət və Milli proqramların yerinə yetirilməsi ilə bağlı görülən işləri və mövcud problemləri cəmiyyətdə təbliğ etməkdir. 

“Aqro Tərəqqi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə  вЂњKəndli-fermer təsərrüfatı subyektlərinin problemlərinin öyrənilməsi və həllinin dəstəklənməsi” mövzusunda layihənin icrasına başlayıb. Layihənin məqsədi İmişli rayonunda əhalinin sosial-iqtisadi problemlərinin öyrənilməsidir. Bu zaman əhalinin regionların sosial-iqtisadi inkişafı üzrə dövlət siyasətinə etimadını və inamını gücləndiriləcək. Həmçinin regionların sosial-iqtisadi inkişafı ilə bağlı maarifləndirmə işində vətəndaşların iştirakı təmin olunacaq, aqrar sahədə mövcud olan problemlərin həllinə qismən də çalışılacaq.  

İranın ali dini lideri Ayətullah Xamneinin rəsmi nümayəndəsi də Azərbaycanla bağlı müzakirələrə qoşuldu.  Ayətullah Şəbistəri rəsmi Bakını İslam dininə qarşı siyasət yürütməkdə ittiham edib. O, Azərbaycanda məscidlər, dindarlar və hicabla bağlı məsələyə münasibət bildirərkən ənənəvi İran siyasətinin Azərbaycana xəbərdarlıq metodundan istifadə edib: “Bu vəziyyətin davam etməsi Azərbaycan hökumətinin ziyanına olacaq. Mən Bakı rəsmilərinin öz anti-islam siyasətlərinə düzəliş etmələrini gözləyirəm”, – deyə o vurğulayıb. Ayətullah onu da əlavə edib ki, Azərbaycan xalqının çoxu şiədir və bunu əsas gətirərək deyib: “Azərbaycan bir şiə ölkəsi olsa da, onun rəsmiləri şiələrə qarşı təzyiqlər edir və dini təbliğə imkan verilmir”.

Qafqaz Müsəlmanları İdarəsinin konfrans zalında xanım Fatimeyi-Zəhranın (ə) vəfatı ilə bağlı mərasim keçirilib. Din xadimlərinin, ilahiyyatçı alimlərin Bakı İslam Universitetinin müəllim və şagirdlərinin iştirak etdiyi mərasim Qurani-Kərimin oxunuşu ilə başlayıb. İslam dininin möhkəmlənməsi, Azərbaycanın ərazi bütövlüyü yolunda həyatlarından keçən şəhidlərin xatirəsi yad olunub. Qafqaz Müsəlmanları İdarəsinin sədri Şeyxülislam Allahşükür Paşazadə çıxış edərək xanım Fatimeyi-Zəhranın (ə) vəfatı münasibətilə ənənəvi olaraq keçirildiyini bildirib. Şeyxülislam həzrətləri qeyd edib ki, artıq 14 ildir Qafqaz Müsəlmanları İdarəsi tanınmış din xadimlərinin, ziyalıların, alim və tələbələrin iştirakı ilə anım mərasimi keçirir.

Azərbaycan Respublikası Müharibə, Əmək və Silahlı Qüvvələr Veteranları Təşkilatının V qurultayı öz işinə başlaıb. “Azadinform” xəbər verir ki, Respublika Veteranlar Şurasının sədr müavini Surxay Tağızadə bildirib ki, respublikanın şəhər və rayonlarından qurultaya 262 nəfər nümayəndə seçilmişdir. Onların 242 nəfəri qurultayda iştirak edir və qurultay səlahiyyətlidir. 

Nizami Gəncəvi Beynəlxalq Mərkəzinin təsis etdiyi Beynəlxalq Mükafatın sonuncu sahibi olan Böyük Britaniya Krallığının sabiq Baş Naziri, Baronessa Margaret Tetçerin vəfatı ilə bağlı idarə heyyətinin üzvləri tərəfindən başsağlığı göndərilib.

Başsağlığında Ledi Margaret Tetçerin həm ölkəsinin inkişafı və xalqının rifahının yüksəlməsi, həm də dövlətlərinin həmrəyliyi istiqamətində mühüm işlər gördüyü qeyd olunur: 

Bugünkü qəzetlərdə diqqətimizi çəkən xəbərlərdən biri, deyərdik ki, birincisi Rusiyadakı Azərbaycan diaspor nümayəndələrinin İ.Əliyev hakimiyyətini ittiham edən bəyanatı oldu. Bəlkə də bunu sıradan bir bəyanat kimi dəyərləndirib keçmək olardı. Üstəlik, hakimiyyəti kiminsə lap elə ittiham etməsi normal bir haldır və buna görə insanlar qınanmamalıdır. Lakin məsələ onda deyil. Ortada başqa mətləb var. Bu yazımı oxuyanların məni hakimiyyəti müdafiədə ittiham edəcəyini də gözaltı etmişəm. Hər kəs öz düşündüyü qədər, qabındakına uyğun bir şərh verəcək yəqin bu yazdıqlarıma. Amma bu, doğru bildiyimizi yazmaqdan bizi çəkindirə bilməz. 

24 fevral 2013-cü il tarixdə Ankara şəhərində Xocalı faciəsinin 21-ci ildönümü ilə bağlı keçirilmiş aksiya zamanı bir qrup ermənipərəst şəxsin hücumuna məruz qalmış tədbir iştirakçılarından 7 nəfəri xəsarət alıb. “Azadinform” xəbər verir ki, bundan başqa, cari il fevralın 26-da Fransa Milli Assambleyasının binasında Parisdəki Azərbaycan Evinin rəhbəri Mirvari Fətəliyeva və azərbaycanlı tələbə Vüsal Hüseynov da erməni diasporunun üzvləri tərəfindən döyülərək onlara bədən xəsarətləri yetirilib.