|
Səhifələr : # « 52 53 54 55 56 57 58 59 60 » #
Almaniyanın tarixi qəsrində Azərbaycan mədəniyyətinin təqdimat mərasimi keçirilib
|
Almaniyanın Blankenheim şəhərində fəaliyyət göstərən “Alte Kanzlay” cəmiyyətinin təşəbbüsü ilə 300 illik tarixi olan qəsrin konsert zalında Azərbaycanın müstəqilliyinin 20-ci ildönümünə həsr edilən “Azərbaycana ədəbi və musiqili səyahət” adlı ədəbi-bədii və musiqili tədbir keçirilib.
Diasporla İş Üzrə Dövlət Komitəsindən “KƏLAMİNFO”ya verilən məlumata görə, Almaniyadakı Azərbaycanlıların Koordinasiya Mərkəzi (AAKM) və Alman-Azərbaycan Forumunun (AAF) birgə əməkdaşlığı ilə təşkil edilən gecədə “Alte Kanzlay” cəmiyyətinin sədri Frider Füllers açılış nitqi ilə çıxış edib.
Cəmiyyətin üzvü Volker Klyayn və AAF-nin İdarə Heyətinin üzvü və AAKM-nin icraçı direktoru, Samira Patzer-İsmayılova Azərbaycan haqqında ətraflı məlumat veriblər.
|
29.11.11 Məqaləni oxumaq
|
|
|
Bakının bir neçə rayonunun qaz təminatı dayandırılıb
|
Dünən gecə saatlarından Bakı şəhərinin Binəqədi rayonu Biləcəri qəsəbəsi ərazisində, Bakı-Sumqayıt şosesinin kənarından keçən yeraltı qaz kəmərində qaz sızması nəticəsində baş verən yanğından sonra kəmərin qaz təchizatı dayandırılıb. “KƏLAMİNFO” ARDNŞ-ə istinadən bildirir ki, nəticədə Binəqədi rayonu Rəsulzadə qəsəbəsinin bir hissəsində, 6, 7, 8, 9-cu mikrorayonların ərazisində - bütövlükdə Nəsimi rayonu ərazisində - 1, 2, 3, 4, 5-ci mikrorayonlarda isə müəyyən hissələrdə təbii qaz təminatı dayandırılıb. Həyata keçirilən tədbirlərdən sonra Rəsulzadə qəsəbəsinin, 6, 7, 8, 9-cu mikrorayonların qaz təchizatı bərpa edilib, 1, 2, 3, 4, 5-ci mikrorayonların ərazisində - Mir Cəlal, 20 Yanvar, Asif Məhərrəmov, Seyidzadə, Cəlil Məmmədquluzadə, Bakıxanov küçələrində, habelə Tbilisi prospekti və Alatava yaşayış massivində təbii qazın bərpası istiqamətində isə işlər davam etdirilir.
|
26.11.11 Məqaləni oxumaq
|
|
|
Respublika ərazisində qanunsuz ov hallarına qarşı mübarizə davam etdirilir
|
Cari ilin 9 ayı ərzində keçirilən reydlər zamanı müxtəlif inzibati rayonların ərazisində yerləşən sututarlarda, dəniz sahilində, xüsusi mühafizə olunan təbiət ərazilərində, ovçuluq təsərrüfatlarında və digər ərazilərdə qeyri-qanuni ovla məşğul olan şəxslərə qarşı ümumilikdə 201 akt və protokol tərtib olunub və brokonyerliklə məşğul olan şəxslərdən 131 ədəd ov tüfəngi müsadirə edilib. Bu barədə məlumatı “KƏLAMİNFO”ya Ekologiya və Təbii Sərvətlər Nazirliyinin mətbuat xidmətindən veriblər.
|
25.11.11 Məqaləni oxumaq
|
|
|
Aydın Mirzəzadə: Qəbələ RLS-in icarə haqqını 100 milyon dollara qədər artırmaq olar
|
“Qəbələ RLS-nə dair Azərbaycanla Rusiya arasında imzalanmış müqavilənin müddəti gələn il bitdiyi üçün tərəflər müqavilənin şərtlərini yenidən nəzərdən keçirirlər. Azərbaycan tərəfi qiymətlərin, eləcə də situasiyanın xeyli dərəcədə dəyişdiyini nəzərə alaraq qiymətlərin artırılması və bir sıra məsələlərlə bağlı öz təkliflərini irəli sürüb”. “KƏLAMİNFO” xəbər verir ki, bu fikirləri yap.org.az saytına açıqlamasında Milli Məclisin Təhlükəsizlik və müdafiə komitəsinin sədr müavini Aydın Mirzəzadə deyib.
A.Mirzəzadə bildirib ki, Rusiya tərəfindən Qəbələ RLS-in modernləşdirilməsi ilə bağlı təkliflər daxil olub. Bu təklifi mülkiyyət sahibi olaraq Azərbaycan nəzərdən keçirir və müvafiq qərara gəlinəcək. Onun fikrincə, icarə haqqını 100 milyon dollara qədər artırmaq olar. Çünki Rusiya təkcə həmin icarəyə götürdüyü obyekt və ərazidən istifadə etmir, Azərbaycanın infrastrukturundan da istifadə edir. Danışıqların davam etdiyini söyləyən A.Mirzəzadə qeyd edib ki, bu məsələdə müəyyən nəticəyə gəlmək üçün xeyli vaxt var.
|
25.11.11 Məqaləni oxumaq
|
|
|
Yol polisi sürücülərə və piyadalara müraciət edib
|
Yol polisi qarlı hava şəraiti ilə əlaqədar sürücülərə və piyadalara müraciət edib. Respublika Baş Dövlət Yol Polisi İdarəsindən “KƏLAMİNFO”ya verilən məlumata görə, sürücülər yağışlı və dumanlı havalarda sürət həddini meteoroloji və hava şəraitinə uyğun seçməlidirlər. Sürücülər günün qaranlıq vaxtı xüsusilə diqqətli olmalıdırlar. Yol polisi piyadaları nəqliyyat axınına qarşı hərəkət etməyə çağırıb. İdarə piyadalara yağmurlu havalarda yolun hərəkət hissəsinə çıxmamalarını tövsiyə edir. Yol polisi sürücülərə yağışlı havalarda gölməçə olan yollardan keçəndə ehtiyatlı olmalarını, sürəti azaltmalarını məsləhət görür.
Sinoptiklərinin proqnozlaşdırdığı kimi, noyabrın 23-ü günortadan sonra əsasən şimal və qərb rayonlarından başlayaraq hava kəskin pisləşib, temperatur 6-8 dərəcə enib. Sinoptiklər anomal hava şəraitinin noyabrın 26-na kimi davam edəcəyini açıqlayıblar. Noyabrın 24-nə keçən gecədən Bakıda və ölkənin digər ərazilərində sulu qar və qar yağır.
|
24.11.11 Məqaləni oxumaq
|
|
|
Elçin Quliyev: Azərbaycana narkotik vasitələrin təqribən 90 faizi İran ərazisindən daxil olur
|
Azərbaycanda aşkar edilən narkotik vasitələrin təqribən 90 faizi ölkəyə İran ərazisindən daxil olur. “KƏLAMİNFO” xəbər verir ki, bunu Bakıda keçirilən "Sərhəd təhlükəsizliyi və narkotik vasitələrin yayılmasına qarşı mübarizə" mövzusunda seminarda Dövlət Sərhəd Xidmətinin (DSX) rəisi Elçin Quliyev deyib. E.Quliyev bildirib ki, Azərbaycanda narkotik vasitələrin yayılmasına qarşı mübarizə dövlət siyasətinin mühüm tərkib hissəsidir.
"Son dövrdə narkotik daşıyan cinayətkar qrupların 100-dən artıq silahlı basqınını dəf edərkən Azərbaycanın 7 sərhədçisi həlak olub, 9 sərhədçi isə yaralanıb" – deyə DSX rəisi əlavə edib.
Onun sözlərinə görə, Azərbaycan regional və beynəlxalq təhlükəsizlik çağırışlarına dəyərli töhfəsini verməkdədir.
E.Quliyev bildirib ki, NATO tərəfindən Kosova, İraq və Əfqanıstanda keçirilən sülhməramlı əməliyyatlarda Azərbaycanın iştirakı buna əyani sübutdur.
|
24.11.11 Məqaləni oxumaq
|
|
|
Əli Abbasov UNECE-nin baş katibi ilə görüşüb
|
Rabitə və informasiya texnologiyaları naziri Əli Abbasov BMT-nin Avropa İqtisadi Komissiyasının (United Nations Economic Commission for Europe - UNECE) icraçı baş katibi Yan Kubişlə görüşüb. Nazirlikdən “KƏLAMİNFO”ya verilən məlumata görə, Ə.Abbasov “BakuTel” sərgisində iştirakına görə Y.Kubişə minnətdarlığını bildirərək UNECE ilə Azərbaycan arasında yüksək əməkdaşlıq əlaqələrinin mövcud olduğunu diqqətə çatdırıb.
Görüşdə “İnnovasiyalar üzrə fəaliyyətin icmalı” layihəsi haqqında məlumat verən Y.Kubiş bildirib ki, bu layihədə UNECE və beynəlxalq ekspertlər müvafiq ölkələrlə araşdırmalar apararaq lazımi tövsiyələr verir. Qonaq Azərbaycanda 2013-cü ildə belə pilot layihənin hazırlanmasının məqsədəuyğun olduğunu əlavə edib.
|
24.11.11 Məqaləni oxumaq
|
|
|
Qadınların işə qəbulunda ayrıseçkiliyə yola verilir
|
Azərbaycan Həmkarlar İttifaqları Konfederasiyasında qadınların hüquqlarının qorunması və onlara hüquqi yardımın həyata keçirilməsi məqsədilə Şura yaradılıb. “KƏLAMİNFO”nun məlumatına görə, bu açıqlamanı jurnalistlərə Azərbaycan Həmkarlar İttifaqları Konfederasiyasının sədri Səttar Mehbalıyev verib. Onun sözlərinə görə, bu şura yerlərdən təqdim olunan şikayətlərin, əsasən də qadınların qarşılaşdığı problemlərin və ayrıseçkilik faktlarının araşdırılması üçün fəaliyyət göstərir. Bundan başqa, konfederasiyanın hüquq şöbəsinə də tapşırılıb ki, hüquqi müstəvidə problemləri olan qadınlara yardım edilsin: “Bu məsələdə qadınların həmkarlar təşkilatının üzvü olub-olmaması əsas deyil. İstənilən qadın bizə müraciət edərək, hüquq müstəvisində kömək ala bilər. Hətta həmin şöbə maddi tələb olmadan hüquqları pozulan qadınların vəkillə təmin olunmasına da kömək etməyə hazırdır”.
|
24.11.11 Məqaləni oxumaq
|
|
|
|
|
|
Səhifələr : # « 52 53 54 55 56 57 58 59 60 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|