|
|
Səhifələr : # « 49 50 51 52 53 54 55 56 57 » #
|
|
|
|
Nazirlər Kabineti Novruz, Ramazan, Qurban bayramları günlərini açıqlayıb
|
|
Nazirlər Kabineti “2012-ci ildə Novruz, Ramazan, Qurban bayramları haqqında” qərar qəbul edib. Nazirlər Kabinetinin mətbuat xidmətindən “KƏLAMİNFO”ya verilən məlumata görə, “Azərbaycan Respublikasının Əmək Məcəlləsinə dəyişiklik edilməsi barədə” Azərbaycan Respublikasının 2006-cı il 8 dekabr tarixli Qanununun tətbiq edilməsi haqqında” Azərbaycan Prezidentinin 2006-cı il 18 dekabr tarixli Fərmanının 2-ci hissəsinə əsasən, Azərbaycan Milli Elmlər Akademiyasının və Qafqaz Müsəlmanları İdarəsinin məlumatına uyğun olaraq Nazirlər Kabinetinin müvafiq qərarı ilə 2012-ci ildə 20, 21, 22, 23, 24 mart Novruz bayramı, 19, 20 avqust Ramazan bayramı, 25, 26 oktyabr isə Qurban bayramı elan edilib.
Qanunvericiliyə uyğun olaraq, həmin günlər iş günü hesab edilmir.
|
09.12.11 Məqaləni oxumaq
|
| |
|
|
|
Nazir müavini Azərbaycanı Moskvada keçiriləcək müşavirədə təmsil edəcək
|
|
Sabah Rusiyanın paytaxtı Moskva şəhərində Müstəqil Dövlətlər Birliyinin (MDB) humanitar sahə üzrə əməkdaşlıq orqanları rəhbərlərinin növbəti koordinasiya müşavirəsi keçiriləcək. Azərbaycanı bu müşavirədə gənclər və idman nazirinin müavini İsmayıl İsmayılov təmsil edəcək. Bu barədə məlumatı “KƏLAMİNFO”ya Gənclər və İdman Nazirliyinin mətbuat xidmətindən veriblər.
İ.İsmayılov eyni zamanda MDB ölkələri bədən tərbiyəsi və idman haqqında Saziş iştirakçılarının bədən tərbiyəsi və idman şurasının sədridir. Koordinasiya müşavirəsi zamanı 2020-ci ilə qədər MDB ölkələrinin iştirakçılarının bədən tərbiyəsi və idman haqqında strateqiyasının, MDB-də İdman və sağlam həyat ili üçün əsas konsepsiya və tədbirlər planının işlənilməsi, MDB-nin dövlətlərarası ekoloji məsləhət şurasının yenidən bərpası, 2012-ci il İdman və sağlam həyat tərzi ilinin informasiya vasitələrində işıqlandırılması və digər məsələlərin müzakirəsi nəzərdə tutulub. Tədbir 10 dekabr tarixində işinə yekun vuracaq.
|
|
08.12.11 Məqaləni oxumaq
|
| |
|
|
|
“Eurovision”la əlaqədar Bayılda yeni yarımstansiya tikilir
|
|
2012-ci ilin may ayında Azərbaycanda keçiriləcək “Evrovision” beynəlxalq mahnı müsabiqəsi zamanı elektrik enerjisinə olan tələbatın artımı ilə əlaqədar Azərbaycan enerji sistemi heç bir problemlə qarşılaşmayacaq. “KƏLAMİNFO” xəbər verir ki, bu barədə Sənaye və Energetika Nazirliyi “Azərenerji” ASC-yə istinadən xəbər yayıb. Bildirilir ki, hazırda Azərbaycanın enerji sistemi 1000 MVt ehtiyat gücə malikdir. “Evrovision” beynəlxalq mahnı müsabiqəsi keçiriləcək yerlərin elektrik enerjisi təchizatı sxemləri hazırlanıb və ən yüksək etibarlılıq meyarlarına cavab verir. Belə ki, hal-hazırda gücü 240 MVA olan və ən müasir avadanlıqlarla təchiz olunacaq yeraltı 1003510 kV-luq “Bayıl” yarımstansiyası inşa edilir. Bundan əlavə, 3 ədəd 6 kV-luq yarımstansiyanın tikintisi, 12 MVt gücündə avtonom ehtiyat dizel-generatorların və 10 MVt gücündə kəsilməz qida mənbəyinin (UPS) quraşdırılması nəzərdə tutulur. “Evrovision” beynəlxalq mahnı müsabiqəsi zamanı elektrik enerjisinə olan tələbatın artımını ödəmək məqsədi ilə müvəqqəti elektrik stansiyasının tikintisi ilə bağlı “APR Energy” şirkəti təkliflər irəli sürüb.
|
|
08.12.11 Məqaləni oxumaq
|
| |
|
|
|
Mətbuatın cəmiyyətdəki rolu müzakirə edilib
|
|
Bu gün Beynəlxalq Mətbuat Mərkəzində Kütləvi İnformasiya Vasitələrinin İnkişafına Dövlət Dəstəyi Fondu və Yasamal rayon İcra Hakimiyyətinin birgə təşkilatçılığı ilə “Müstəqil Azərbaycan 20: Mətbuatımızın cəmiyyətin inkişafında rolu” mövzusunda konfrans keçirilib. “KƏLAMİNFO” xəbər verir ki, konfransda Azərbaycanda fəaliyyət göstərən media orqanlarının rəhbərləri və əməkdaşları, rayon ictimaiyyəti iştirak edib.
Konfransda mətbuatın peşəkarlığı, mətbuat-məmur, mətbuat-ictimaiyyət, mətbuat-mətbuat xidmətləri rəhbərləri münasibətləri və digər problemlər müzakirə edilib.
|
|
08.12.11 Məqaləni oxumaq
|
| |
|
|
|
Aşura günü 1363,6 litr qan tədarük olunub
|
|
Məhərrəmlik ayının onuncu günü - Aşura günündə Səhiyyə Nazirliyinin və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım məqsədi ilə könüllü qanvermə aksiyaları keçirilib. Səhiyyə Nazirliyindən “KƏLAMİNFO”ya verilən məlumata görə, respublika üzrə 3409 nəfər könüllü olaraq qan verib və ümumilikdə 1363,6 litr qan tədarük olunub. Donorlardan 2329 nəfər və 931,6 litr tədarük olunan qan Bakı şəhərinin, 1080 nəfər və 432 litr tədarük olunan qan isə bölgələrin payına düşür.
Qeyd edək ki, hər il Aşura günündə qan vermək istəyən həmvətənlərimizin sayı daha da artır. Belə ki, 2010-cu ildə 2210 nəfər könüllü qan vermiş və 884 litr qan tədarük olunmuşdu.
|
|
08.12.11 Məqaləni oxumaq
|
| |
|
|
|
“Aşura günü” ilə əlaqədar könüllü qanvermə aksiyaları keçirilir
|
|
Hər il olduğu kimi bu il də Məhərrəmlik ayının onuncu günü “Aşura günü”ndə Səhiyyə Nazirliyinin və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım məqsədi ilə könüllü qanvermə aksiyaları keçirilir. Nazirlikdən “KƏLAMİNFO”ya verilən məlumata görə, bu saata kimi 1150 nəfər qan verib ki, bunun da 750 nəfəri Bakının, 400-ü isə bölgələrin payına düşür.
Xatırladaq ki, aksiyalar Bakı şəhərində Səhiyyə Nazirliyinin Mərkəzi Qan Bankında, «Təzə pir», “Bibi-Heybət”, «Mir-Mövsüm ağa», «Qaraçuxur», “İçərişəhər Cümə», “Hacı Soltanəli”, Keşlə qəsəbə məscidlərində, həmçinin Sumqayıt şəhər cümə məscidində, Gəncə şəhər İmamzadə məscidində, Lənkəran şəhər Böyükbazar məscidində, Mingəçevir şəhər Heydər məscidində, Şəki şəhər məscidində və Bərdə şəhər cümə məscidində təşkil olunub və günün sonuna kimi davam edəcək.
Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaq.
|
|
07.12.11 Məqaləni oxumaq
|
| |
|
|
|
Şeyxülislam “Təzəpir” məscidində qan verib
|
|
Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə Aşura günü ilə bağlı “Təzəpir” məscidində keçirilən qanvermə aksiyasında iştirak edib. “KƏLAMİNFO” xəbər verir ki, Allahşükür Paşazadə ilə yanaşı, onun müavinləri – Hacı Sabir Həsənli, Hacı Salman Musayev, QMİ əməkdaşları da qan verib.
|
|
06.12.11 Məqaləni oxumaq
|
| |
|
|
|
Gənc ailələrin sosial müdafiəsi ilə bağlı yeni qanun layihəsi hazırlanacaq
|
|
Azərbaycanda “Gənc ailələrin sosial müdafiəsi” haqqında qanun layihəsi hazırlanacaq. “KƏLAMİNFO” xəbər verir ki, bu barədə jurnalistlərə açıqlamasında Milli Məclisin Sosial siyasət komitəsinin sədri Hadı Rəcəbli bildirib. Onun sözlərinə görə, qanun layihəsində faizsiz ipoteka kreditlərinin və gənc ailələr üçün 30 illik kreditlərin verilməsi nəzərdə tutulur. “Hazırda ipoteka kreditlərinin məbləğinin artırılması ilə bağlı təkliflər səslənir. Artıq neçə ildir ki, ipoteka krediti verilir və verilən ipotekaların faizləri geri qayıtmağa başlayıb. Bu il həmin qayıdan pulların yenidən ipoteka kimi ödənilməsi bu məbləğin artırılmasına xidmət edəcək. Gələcəkdə ipotekanın formasını dəyişməyi düşünürük. Bunlar hamısı maliyyə tutumlu ideyalardır. Əsas məqsəd Azərbaycan vətəndaşlarının sosial rifahının günü-gündən artırılmasıdır” - deyə H.Rəcəbli vurğulayıb. Komitə sədri deyib ki, Azərbaycanda əhalinin real gəlirlərinin artırılması, ailədə çalışanların ən azı iki nəfərə çatdırılması, kasıblıq həddinin və işsizliyin sıfıra endirilməsi məqsəd kimi qarşıya qoyulub.
|
|
06.12.11 Məqaləni oxumaq
|
| |
|
|
|
Dövlət qulluqçularının xidməti fəaliyyətinin qiymətləndirilməsinə başlanacaq
|
|
Gələn ilin əvvəlindən etibarən Azərbaycanda dövlət qulluqçularının xidməti fəaliyyətinin qiymətləndirilməsinə başlanılacaq. “KƏLAMİNFO” xəbər verir ki, bu barədə jurnalistlərə açıqlamasında Prezident yanında Dövlət Qulluğu Məsələləri üzrə Komissiyanın sədri Bəhram Xəlilov bildirib. O qeyd edib ki, qiymətləndirmə “Dövlət qulluğu haqqında” qanuna edilən əlavə və dəyişikliklərdə nəzərdə tutulub. “Hazırda bunun tətbiqi üçün komissiya tərəfindən Dövlət Sosial Müdafiə Fondu və Sumqayıt şəhər İcra Hakimiyyətində pilot layihələr həyata keçirilir. Bu, Prezident Administrasiyasının göstərişi ilə həyata keçirilir və yüksək nəticə əldə olunmasını gözləyirik” - deyə B.Xəlilov vurğulayıb. O bildirib ki, burada məqsəd rəhbər dövlət qulluğu işçilərini fəaliyyətin qiymətləndirilməsi mexanizmləri ilə tanış etməkdir. “Layihə başa çatandan sonra əldə edilən nəticələr əsasında dövlət qulluqçularının fəaliyyətinin qiymətləndirilməsi haqqında qaydalar təsdiq ediləcək” - deyə o, əlavə edib.
|
|
05.12.11 Məqaləni oxumaq
|
| |
|
|
|
Səhifələr : # « 49 50 51 52 53 54 55 56 57 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
