|
Səhifələr : # « 47 48 49 50 51 52 53 54 55 » #
Musa Yaqub: “Azərbaycan dili sanki unudulub”
|
Söz Azadlığını Müdafiə Fondu (SAMF) 2010-cu ildən başlayaraq Azərbaycan dilinin qorunması və inkişafına dəstək vermək istiqamətində silsilə tədbirlər həyata keçirir. “KƏLAMİNFO” xəbər verir ki, fond rəhbərliyi bu istiqamətdə həyata keçirdiyi “Küçə reklamlarında dövlət dilinin qorunması: real vəziyyət, problemlər və həlli yolları” mövzusunda tədbir keçirib. Tədbirdə çıxış edən SAMF sədri Musa Yaqub bildirib ki, fond küçə reklamlarında Azərbaycan dilinin qorunması ilə bağlı layihə reallaşdırır: “Həyəcan təbili çalmaq üçün kifayət qədər əsaslar var. Azərbaycan dili sanki unudulub, qanunlara əməl edilmir”.
|
22.12.11 Məqaləni oxumaq
|
|
|
Ziyafət Əsgərov: “Fransada belə bir məsələnin müzakirəyə çıxarılması demokratiyaya təhqirdir”
|
“Fransa kimi bir dövlətdə belə bir məsələnin müzakirəyə çıxarılması o ölkənin demokratiyasına təhqirdir”. “KƏLAMİNFO” xəbər verir ki, bu fikirləri Fransa parlamentində müzakirə olunan 1915-ci il hadisələrinə dair erməni idialarının inkarının cəzalandırılmasını nəzərdə tutan qanun layihəsinə münasibət bildirən Milli Məclisin vitse-spikeri Ziyafət Əsgərov deyib. Bunun Türkiyə-Fransa münasibətlərinə yaxşı heç nə vəd etmədiyini bildirən Z.Əsgərov qeyd edib ki, ermənilər yalnız birdəfəlik istifadəyə yararlı bir millətdir: “Belə bir şeyin qəti əleyhinəyəm. Bu cür proseslərdən istifadə edib Türkiyəyə təzyiq etmək heç bir əxlaqa sığmır. Hesab edirəm ki, bu, Azərbaycan-Fransa münasibətlərinə də mənfi təsir göstərəcək”.
|
21.12.11 Məqaləni oxumaq
|
|
|
“Azərbaycan Milli Məclisinə dəstək” adlı Tvinninq layihənin yekun konfransı keçirilir
|
Bu gün Bakıda “Azərbaycan Milli Məclisinə dəstək” adlı Tvinninq layihəsinin yekun konfransı keçirilir. “KƏLAMİNFO” xəbər verir ki, konfransda MM Aparatının rəhbəri Səfa Mirzəyev bildirib ki, layihə çərçivəsində Azərbaycan qanunvericiliyinin Avropa qanunvericiliyinə yaxınlaşdırılması istiqamətində çoxlu iş görülüb. O qeyd edib ki, Avropa İttifaqının dəstəyi ilə layihə 115 həftədir ki, həyata keçirilir və layihə çərçivəsində Azərbaycanda bir sıra qanun layihələri qəbul olunub, yaxud üzərində iş gedir. “Bunlardan “Normativ-hüquqi aktlar haqqında” Konstitusiya qanunu artıq qüvvəyə minib, “Tikinti və Şəhərsalma Məcəlləsi” dekabrın 23-də parlamentin plenar iclasında müzakirəyə çıxarılacaq, “Rəqabət Məcəlləsi” üzrə isə işlər hələ davam edir” - deyə S.Mirzəyev vurğulayıb.
|
20.12.11 Məqaləni oxumaq
|
|
|
YAP “Modernləşmə siyasəti: yeni iqtisadi və sosial çağırışlar” mövzusunda konfrans keçirəcək
|
Yeni Azərbaycan Partiyası tərəfindən “Modernləşmə siyasəti: yeni iqtisadi və sosial çağırışlar” mövzusunda beynəlxalq konfrans keçiriləcək. Bu barədə məlumatı “KƏLAMİNFO”ya YAP-dan veriblər.
Tədbirin məqsədi bu kimi problemlərə işıq salmaq, onların həlli üçün beynəlxalq əməkdaşlığın zəruriliyini vurğulamaq və ölkələr arasında tərəfdaşlıq münasibətlərini genişləndirməkdir.
Yeni Azərbaycan Partiyasının təşkilatçılığı ilə həyata keçirilən tədbirdə 4 qitənin 33 ölkəsindən, o cümlədən Çin, Böyük Britaniya, Fransa, Rusiya, Türkiyə, İtaliya və s. kimi nüfuzlu dövlətlərdən 60-dan çox nümayəndə iştirak edəcək. Mötəbər forumda həmçinin, Yeni Azərbaycan Partiyasının əməkdaşlıq etdiyi nüfuzlu beynəlxalq təşkilatların - Avropa Xalqları Partiyası və Asiya Siyasi Partiyaları Beynəlxalq Konfransının rəhbərləri Uilfrid Martens və Xose de Venesiya iştirak edəcəklər. Konfransda iki böyük məruzə dinləniləcək və müzakirələr dörd panel iclasında davam etdiriləcək.
|
20.12.11 Məqaləni oxumaq
|
|
|
Bakıda internet imkanları “Eurovision”a görə genişləndirilir
|
Rabitə və İnformasiya Texnologiyaları Nazirliyi “Eurovision-2012” mahnı müsabiqəsi ilə bağlı hazırlıq tədbirlərini davam etdirir. “KƏLAMİNFO” nazirliyin mətbuat xidmətinə istinadən xəbər verir ki, Bakıda internetə çıxış imkanlarının daha da artırılması üçün müvafiq idarə, müəssisə və provayderlərə tapşırıqlar verilib. Belə ki, həyata keçiriləcək tədbirlər nəticəsində müsabiqə keçiriləcək kompleksdə hər istifadəçinin internetə qoşulma sürətinin 1 Mbit/saniyə sürət əldə etməsi şərti ilə 4 min nəfərlik internet bağlantısının (3 min nəfərin “Wi-Fi”dan istifadə etməsi, 1 000 nəfərin isə stasionar kompüterdən istifadə etməsi nəzərə alınmaqla) təmin edilməsi, kompleksdə, mətbuat mərkəzində və digər otaqlarda tələbata uyğun internetin təşkilinin və qlobal internet şəbəkəsi ilə əlaqənin bir neçə istiqamətdə nativliyinin və ehtiyatlılığının təmin edilməsi, şəhər mərkəzindəki ticarət mərkəzlərində, restoranlarda və s. “Wi-Fi” (genişzolaqlı kabelsiz internet) xidmətinin tətbiqinin təşviq edilməsi və «Eurovision-2012» mahnı müsabiqəsinin keçiriləcəyi kompleksdə yayım üçün 1 ədəd 8 Mbit/saniyəlik sürətə malik internet kanalının təşkili nəzərdə tutulub.
|
17.12.11 Məqaləni oxumaq
|
|
|
Azərbaycanda jurnalistlərin həmkarlar hərəkatına dair beynəlxalq konfrans keçirilir
|
Bu gün Beynəlxalq Mətbuat Mərkəzində (BMM) “Azərbaycanda jurnalistlərin həmkarlar hərəkatının durumu və gələcək inkişafı” adlı beynəlxalq konfrans keçirilir. “KƏLAMİNFO” xəbər verir ki, konfrans “Etik Jurnalistika Təşəbbüsləri- Azərbaycan” layihəsi çərçivəsində keçirilir.
Tədbirdə layihənin koordinatoru Müşfiq Ələsgərli bildirib ki, layihə Avropa İttifaqının Azərbaycan nümayəndəliyi və İsveçin LO-TCO təşkilatı tərəfindən dəstəklənir. Təbirdə çıxış edən Prezident Administrasiyasının ictimai- siyasi məsələlər şöbəsinin sektor müdiri Vüqar Əliyev ölkədə əhalinin əmək haqlarının qorunmasına dövlət dəstəyindən danışıb. O bildirib ki, cari ildə əhalinin orta aylıq pensiyası 190, orta aylıq əmək haqqı isə 450 ABŞ dolları təşkil edir. Onun sözlərinə görə, ünvanlı sosial yardım proqramı çərçivəsində 113 min ailənin hər birinə hər ay 102 manat vəsait verilir.
|
16.12.11 Məqaləni oxumaq
|
|
|
Həkimlər uğurlu nəticə əldə ediblər
|
Səhiyyə Nazirliyi tərəfindən praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti imtahanlarının nəticələri bəlli olub. Bu barədə məlumatı “KƏLAMİNFO”ya nazirliyin mətbuat xidmətindən veriblər.
Belə ki, dekabrın 14-də urologiya, nevropatologiya və yoluxucu xəstəlikləri ixtisasları üzrə keçirilən imtahanlarda ümumilikdə 24 həkim iştirak edib. İmtahanlarda iştirak edən həkimlərdən 23 nəfər uğurlu nəticələr əldə edib.
Növbəti test imtahanları immunologiya, oftalmologiya və mamalıq-ginekologiya ixtisasları üzrə 21 dekabrda keçiriləcək.
|
16.12.11 Məqaləni oxumaq
|
|
|
Jurnalist Qadınlar Assosiasiyası yeni layihəyə start verdi
|
“Jurnalistlər bütün dünyanı gəzir və eyni zamanda həmkarlarımızın yazdıqları məqalələr digər xalqlarda millətimiz haqqında fikir formalaşdırır. Biz tariximizi necə təbliğ eləsək, digər xalqlar da bizi o cür qəbul edəcəklər. Tariximizi olduğu kimi dünya ictimaiyyətinə çatdırmaq bizim vətəndaşlıq borcumuzdur”. “KƏLAMİNFO” xəbər verir ki, bu fikirləri Azərbaycan Jurnalist Qadınlar Assosiasiyası ilə Beynəlxalq Mətbuat Mərkəzinin təşkil etdiyi “Tariximizi öyrənək” layihəsinin təqdimatında və ilk master-klassında Assosiasiyanın prezidenti Sevil Yusifova bildirib. Azərbaycan tarixinin araşdırılaraq yeni kitabların yazıldığını bildirən S.Yusifova təəssüf ki, tariximizin hələ də açılmayan səhifələri və öyrənilməyən məqamlarının olduğunu bildirib: “Orta məktəb dərsliklərində problemlər var. Dərsliklərdə qüsurların olması insanları çaşdırır və suallar ortaya çıxarır”.
|
16.12.11 Məqaləni oxumaq
|
|
|
Arzu Rəhimov: “Qanunsuz miqrasiya sahəsində bizi daha çox narahat edən ölkələr Pakistan, Çindir”
|
Azərbaycana ən ox qanunsuz miqrantlar Türkiyədən gəlir. “KƏLAMİNFO”nun məlumatına görə, bunu jurnalistlərə açıqlamasında Dövlət Miqrasiya Xidmətinin rəisi Arzu Rəhimov bildirib. Bu, həmin ölkədən Azərbaycana gələn vətəndaşların sayının çoxluğu ilə əlaqədardır. “Azərbaycana hansı ölkədən daha çox əcnəbi vətəndaş gəlirsə, o ölkədən də qanunsuz miqrantlar çox olacaq. Bu il daha çox Türkiyə vətəndaşları müraciət edərək müvəqqəti və daimi yaşamaq icazəsi əldə ediblər. Bu baxımdan bu, yaxşı haldır”.
|
16.12.11 Məqaləni oxumaq
|
|
|
“Sosial xidmət haqqında” qanun layihəsi üçüncü oxunuşa tövsiyə olunub
|
Bu gün Milli Məclisin Sosial siyasət komitəsinin iclası keçirilir. “KƏLAMİNFO” xəbər verir ki, iclasda ilk olaraq “Sosial xidmət haqqında” qanun layihəsinə dəyişikliklər üçüncü oxunuşda müzakirəyə çıxarılıb. Komitə sədri Hadı Rəcəbli bildirib ki, qanun layihəsinin sosial xidmət sahəsində fəaliyyət göstərən subyektlərin siyahısına könüllülər də əlavə olunub. “Həmçinin sosial xidmət sahəsində dövlət siyasətinin əsas prinsipləri kimi ictimai iştirakçılığın təmin olunması da qeyd edilib. Layihə kifayət qədər işlənilərək hazır vəziyyət gətirilib. Qanunun müddəalarından irəli gələn məsələlər sosial müdafiəyə ehtiyacı olan insanların həyatında mühüm yer tutacaq” - deyə H.Rəcəbli vurğulayıb.
Komitə sədrinin müavini Musa Quliyev isə deyib ki, qanun Azərbaycanda qeydə alınan 4308 kimsəsiz uşağın, 410 min əlilin, 400 mindən çox yaşlı insanın müdafiəsinə xidmət edəcək.
|
16.12.11 Məqaləni oxumaq
|
|
|
|
Səhifələr : # « 47 48 49 50 51 52 53 54 55 » #
|
Torpaqlarımızı qaytaraq..
|
|
|
Arxiv
|
|
«
| Sen.2024 | | Ďí. | Âň. | Ńđ. | ×ň. | Ďň. | Ńá. | Âń. | | | | | | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | | | | | | |
|
|