|
|
Səhifələr : # « 46 47 48 49 50 51 52 53 54 » #
|
|
YAP-ın Balakən rayon təşkilatına sədr seçilib
|
|
Yeni Azərbaycan Partiyası (YAP) Balakən rayon təşkilatının IX konfransı keçirilib. YAP-dan “KƏLAMİNFO”ya verilən məlumata görə, partiyanın rayon təşkilatı İdarə Heyətinin üzvü Azad Balayevin hesabat məruzəsində təşkilatın əvvəlki konfransdan keçən dövr ərzindəki fəaliyyəti ətraflı təhlil edilib, qarşıda duran vəzifələrdən söhbət açılıb.
Bildirilib ki, hazırda YAP Balakən rayon təşkilatı 66 ərazi ilk partiya təşkilatını özündə birləşdirir. Partiya üzvlərinin sayı isə 3690 nəfərdir. Üzvlərin 61,8 faizini, yəni 2280 nəfərini qadınlar, 31 faizini və ya 1112 nəfərini gənclər təşkil edir. YAP üzvləri rayonun ictimai-siyasi, sosial-iqtisadi və mədəni həyatında fəal iştirak edirlər.
|
09.01.12 Məqaləni oxumaq
|
| |
|
|
|
Azərbaycanda yeni telestansiya işə salınıb
|
|
“Teleradio” İstehsalat Birliyi tərəfindən Ağdam, Bərdə və Tərtər bölgəsində, həmçinin Dağlıq Qarabağın şimal ərazilərində TV kanallarının yayımının daha keyfiyyətli təmin edilməsi məqsədilə tikilən yeni telestansiya tam gücü ilə işə salınıb. “KƏLAMİNFO” Rabitə və İnformasiya Texnologiyaları Nazirliyinə istinadən xəbər verir ki, bu, cəbhə bölgələrində rabitə və informasiya, o cümlədən televiziya yayımının yüksək keyfiyyətlə təmin olunması istiqamətində görülən işlərin tərkib hissəsi olaraq reallaşdırılıb.
Yeni telestansiya Azərbaycan rabitəsinin işğaldan azad olunacaq torpaqlarda bərpası planının bir hissəsidir.
|
|
09.01.12 Məqaləni oxumaq
|
| |
|
|
|
Xocalı faciəsinin Belçika parlamentində qaldırılması üzrə birgə iş aparılır
|
Bu gün Milli Məclisdə Belçika-Azərbaycan parlamentlərarası dostluq qrupunun belçikalı rəhbəri Filip Blanşarın rəhbərlik etdiyi nümayəndə heyəti ilə görüş keçirilib. “KƏLAMİNFO” xəbər verir ki, görüşdə Milli Məclisin birinci vitse-spikeri Ziyafət Əsgərov qonaqlara Dağlıq Qarabağ münaqişəsi ilə bağlı məlumat verərək bildirib ki, 20 ilə yaxındır Azərbaycan ərazilərinin 20 faizə yaxını işğal altındadır. Z.Əsgərov Ermənistanın Azərbaycan ərazilərində etnik təmizləmə apardığını vurğulayıb. O, Azərbaycanın işğal olunmuş əraziləri ilə bağlı dörd qətnamənin qəbul olunduğunu, lakin bunların heç birinin icra edilmədiyini bildirib. “Belçika parlamenti Dağlıq Qarabağ münaqişəsinin ədalətli həlli məsələsini öz iclaslarında qaldırsa, Avropanın ikili standartlardan uzaqlaşdığını deyə bilərik” - deyə Z.Əsgərov vurğulayıb.
Görüşdə Filip Blanşarla, həmçinin Azərbaycan-Belçika münasibətləri ilə bağlı fikir mübadiləsi aparılıb. Görüşdən sonra keçirilən brifinqdə Blanşar görüşün əhəmiyyətindən danışıb.
|
|
07.01.12 Məqaləni oxumaq
|
| |
|
|
|
Bir sıra korrupsiya cinayəti ilə bağlı açıqlama verilib
|
Tovuz rayon sakini Cəfər Yusifovun Əmək və Əhalinin Sosial Müdafiəsi Nazirliyinin 28 saylı Tibbi Sosial Ekspert Komissiyasının sədri Rəhim Məmmədovun 2-ci qrup əlillik dərəcəsinin verilməsi üçün ondan 1000 manat məbləğində rüşvət tələb etməsi barədə Baş prokuror yanında Korrupsiyaya qarşı mübarizə idarəsinin “161 - Qaynar xətt” əlaqə mərkəzinə etdiyi müraciəti əsasında toplanmış material üzrə cinayət işi başlanıb. Bu barədə məlumatı “KƏLAMİNFO”ya idarədən veriblər.
İstintaqla müəyyən edilib ki, Rəhim Məmmədov həmin komissiyanın həkim ekspert-cərrahı Əli Həsənovla qabaqcadan əlbir olub cinayət əlaqəsinə girərək xidməti vəzifələrinin icrası ilə əlaqədar Cəfər Yusifova 2-ci qrup əlillik dərəcəsinin təyin edilməsinin müqabilində 1000 manat məbləğində rüşvət alıb.
|
|
06.01.12 Məqaləni oxumaq
|
| |
|
|
|
Kəndlərdə genişzolaqlı internetin istifadəsi ilə bağlı layihənin icrasına başlanılıb
|
“Aztelekom” İstehsalat Birliyi (İB) bütün kənd sakinlərinin internet xidmətlərindən yüksək keyfiyyətlə istifadə etməsi üçün nəzərdə tutulan layihənin icrasına başlayıb. “KƏLAMİNFO” quruma istinadən xəbər verir ki, layihə üzrə 25 rayonun 236 kəndi 1400 kilometr optik kabel çəkilməklə 25 min internet portu ilə təmin ediləcək.
Artıq Yevlax, Kürdəmir, Hacıqabul, Şəki, Masallı, Ağsu, Ağdam, Sabirabad, Saatlı, Yardımlı, Biləsuvar, Neftçala, Astara və Lerik rayonlarında işlərə başlanılıb. Kəndlərin yüksək keyfiyyətli optik kabellərlə təmin edilməsi ilə sakinlər telefonla yanaşı, bütün multimedia xidmətlərindən istifadə edə biləcəklər.
Qeyd edək ki, layihənin həyata keçirilməsi ilə əlaqədar “Aztelekom” İB-in elan etdiyi tenderin qalibi “Huawei” şirkətidir.
|
|
05.01.12 Məqaləni oxumaq
|
| |
|
|
|
Azay Quliyev: “Eurovision-2012” ilə bağlı layihələr dəyərləndirilərkən onun icrası vaxtı da nəzərə alınacaq
|
|
“Prezident yanında QHT-lərə Dövlət Dəstəyi Şurası tərəfindən elan olunan müsabiqədə “Eurovision-2012” mahnı müsabiqəsi ilə bağlı təqdim olunan layihələr dəyərləndirilərkən onun icrası üçün vaxt müddəti də nəzərə alınacaq”. Bu barədə “KƏLAMİNFO”ya müsahibəsində Şuranın sədri, millət vəkili Azay Quliyev bildirib. O qeyd edib ki, müsabiqənin nəticələri gələn il martın əvvəlində elan olunacaq. “Nəzərə alsaq ki, “Evrovision-2012” mahnı müsabiqəsi də mayın sonlarına yaxın keçirilir, o zaman hesab edirik ki, burada hansısa uyğun layihənin icrası üçün kifayət qədər vaxt var” - deyə A.Quluyev vurğulayıb. Şura sədri bildirib ki, bu, təxminən 3 aya yaxın vaxt edir və həmin istiqamət üzrə təqdim olunan layihələr arasından qalib seçilərkən onun icrasının bu vaxt çərçivəsinə uyğun olub- olmaması da nəzərə alınacaq.
Qeyd edək ki, Şura dekabrın 9-da 2012-ci il üçün QHT layihələrinin maliyyələşdirilməsi ilə bağlı müsabiqə elan edib. 10 istiqamətdən ibarət olan müsabiqənin 4-cü istiqaməti “Eurovision- 2012” mahnı müsabiqəsilə bağlı keçirilən tədbirlərə ictimai dəstəkdir.
|
|
30.12.11 Məqaləni oxumaq
|
| |
|
|
|
DSMF-nin saytı ən yaxşı oldu
|
|
Milli İnternet Mükafatı - “Milli Net 2011”-in qaliblərinin adları açıqlanıb. “KƏLAMİNFO” xəbər verir ki, “Milli Net 2011” müsabiqəsinin builki qalibləri 11 nominasiya (“Korporativ saytlar”, “İctimai-sosial saytlar”, “Media və İnformasiya”, “Mədəniyyət, incəsənət və turizm”, “Ailə uşaq və sağlamlıq”, “Asudə vaxt, idman və əyləncə”, “Bloqlar”, “Elm və təhsil”, “Dövlət və bələdiyyə”, “Xidmət (Servis)”, “İstifadəçi kontenti üzərində qurulmuş saytlar”) üzrə müəyyənləşdirilib. Azərbaycan Respublikası Dövlət Sosial Müdafiə Fondunun (DSMF) rəsmi internet saytı (http://www.sspf.gov.az, www.dsmf.gov.az) “Milli Net-2011” müsabiqəsinin “Dövlət və bələdiyyə saytları” nominasiyası üzrə qalibi (1-ci yer) seçilib. 11 nominasiya üzrə qalib gələnlərə “Milli Net” müsabiqəsinin tuncdan hazırlanmış xüsusi mükafatı - hörümçək toru əks olunan buta və diplom təqdim olunub. Eyni zamanda 2-ci və 3-cü yerləri qazananlara müsabiqənin diplomları verilib.
Qeyd edək ki, DSMF-nin rəsmi internet saytı 2004-cü ildən etibarən fəaliyyət göstərir.
|
|
27.12.11 Məqaləni oxumaq
|
| |
|
|
|
Avropa Komissiyası ölkəmizlə "Birgə səma" Sazişi ilə bağlı danışıqlara başlamaq təklifi ilə çıxış edib
|
|
Azərbaycanın işğal olunmuş ərazisində yerləşən Xocalı aeroportuna bir sıra aviaşirkətlərin hava yolu açmaq niyyətləri regional uçuşlar üçün təhlükə mənbəyidir. “KƏLAMİNFO” xəbər verir ki, bu fikirləri Dövlət Mülki Aviasiya Administrasiyasının (DMAA) direktoru Arif Məmmədov Beynəlxalq Mülki Aviasiya Təşkilatının Avropa və Şimali Atlantika Bürosunun (ICAO) direktoru Luis Fonseka de Almeyda ilə Fransadakı görüşündə söyləyib.
Görüşdə A.Məmmədov müvafiq icazələr olmadan Xocalı aeroportuna uçuşların qarşısının alınması məsələsində təşkilatın rolunu qeyd edib. Azərbaycan tərəfi bir sıra aviaşirkətlərin sözügedən aeroporta hava yolu açmaq niyyətlərinin regional uçuşlar üçün artan təhlükə mənbəyi olduğunu diqqətə çatdırıb.
|
|
26.12.11 Məqaləni oxumaq
|
| |
|
|
|
Əli Abbasov: Analoq və rəqəmsal yayım hələ uzun müddət paralel aparılmalıdır
|
|
Hazırda ölkə əhalisinin 60 faizi qeydiyyatda olmayan peyk antenalarından istifadə edir. “KƏLAMİNFO” xəbər verir ki, bu barədə rabitə və informasiya texnologiyaları naziri Əli Abbasov bildirib.
Onun sözlərinə görə, hələ ki, bu antenaların yığışdırılması nəzərdə tutulmayıb. “Çünki Azərbaycanda teleyayım müxtəlif texnologiyalar əsasında həyata keçirilir. Biz kabel televiziyalarına nəzarət edirik. Peykdən və internet teleradio yayım məsələlərinə baxmırıq, bu, Milli Televiziya və Radio Şurasının səlahiyyətində olan məsələdir. Lakin deməliyəm ki, bizdə yayım Avropa standartlarına uyğun aparılır və bu cür yayımlara qadağa yoxdur”,-deyə Ə.Abbasov vurğulayıb.
|
|
23.12.11 Məqaləni oxumaq
|
| |
|
|
|
Ailə Məcəlləsinə əlavə və dəyişikliklər ediləcək
|
|
Milli Məclisin Sosial siyasət komitəsi Ailə Məcəlləsində əlavə və dəyişikliklər üzərində iş aparır. “KƏLAMİNFO” xəbər verir ki, bu fikirləri komitənin sədr müavini Musa Quliyev deyib.
M.Quliyev bildirib ki, bundan başqa, nigaha girən şəxsin icbari tibbi müayinə olunması, nigah müqavilələrinin icbari hala gətirilməsi, o cümlədən doğuşa qədər və doğuşdan sonrakı hamiləlik müddətinin artırılması, uşaqlara baxanlar üçün müavinətlərin artırılması üzərində iş aparılır: “Bunlar hamısı gündəlikdədir və müzakirə olunur. Yəqin ki, yaz sessiyasında bunların bir hissəsini qəbul edəcəyik”.
|
|
23.12.11 Məqaləni oxumaq
|
| |
|
|
|
Səhifələr : # « 46 47 48 49 50 51 52 53 54 » # |
|
Torpaqlarımızı qaytaraq..
|
| |
|
|
|
Arxiv
|
| |
|
«
| Sen.2024 | | | Ďí. | Âň. | Ńđ. | ×ň. | Ďň. | Ńá. | Âń. | | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | | | | | | |
|
|
Açılış Səhifəsi et 
